download HolidaySmart 假期日常 app
【單身即地獄】宋智雅公開道歉承認用名牌A貨!富貴千金形象盡毀!就連節目CP都係假?

【單身即地獄】宋智雅公開道歉承認用名牌A貨!富貴千金形象盡毀!就連節目CP都係假?

電視電影 娛樂新聞
By Stephanie on 17 Jan 2022
Digital Content Writer

Netflix《單身即地獄》參賽者宋智雅人氣高企,一直都備受網民關注。最近,有網民大爆佢身上配戴嘅首飾以及上衣都係A貨;仲踢爆佢其實並非素人,已經同經紀公司簽約多年,所以令到完美形象塑造得完美無瑕!

宋智雅因為節目《單身即地獄》而人氣飆升!Photo from IG@dear.zia

# 宋智雅出演節目後,人氣飆升!

現年24歲嘅宋智雅因爲外型亮麗,並喺節目大晒火辣身材,而獲得網民關注!本身就已經係知名KOL嘅佢家庭背景亦唔錯,經常身穿名牌,並居住喺市值逾25億韓元(約港幣$1,635萬)嘅單位內,係名副其實嘅「人生勝利組」!

網上流傳宋智雅家庭背景不俗,疑似係富二代!Photo from IG@dear.zia

宋智雅曾經喺自己嘅頻道中公開獨居嘅單位!Photo from Freezia宋智雅 @Youtube

# 韓國網民搜集帶A貨證據!

不過,有韓國網民就大爆宋智雅所用嘅名牌都係A貨,並整理咗一系列嘅對比照片!佢曾經配戴過嘅四葉草項鍊就被發現連結位置同埋Size都同法國品牌Van Cleef & Arpels嘅正版唔同!

宋智雅配戴嘅四葉草項鍊係A貨?!Photo from 【탈덕수용소】 Sojang @Youtube

有網民指佢嘅項鍊連結位置以及尺寸都同整版有差異!Photo from 【탈덕수용소】 Sojang @Youtube

# 有一款仲係「非賣品」?!

曾被網民質疑學BLACKPINK Jennie穿著CHANEL復古短版淺藍色上衣嘅宋智雅,因為該產品係限量發售,所以亦被網民覺得應該係A貨;而佢喺《單身即地獄》所穿著嘅Dior 粉紅色平口短版上衣,就被發現品牌根本冇出售過呢個款式,據悉佢當時身穿嘅衣服只需韓幣1.6萬(約港幣104)就可以買到!

宋智雅同BLACKPINK Jennie同款嘅CHANEL短版上衣亦被網民懷疑係假貨!Photo from 【탈덕수용소】 Sojang @Youtube

宋智雅被網民大爆當時喺節目中所穿嘅Dior上衣,品牌根本就冇出售過呢個款式!Photo from 【탈덕수용소】 Sojang @Youtube

# 網民狠批錯誤示範!

事件曝光後,作為擁有逾300萬人追蹤嘅人氣網紅,宋智雅被唔少網民批評係錯誤示範,等同鼓勵大眾買A貨!加上,佢曾經表示將來希望可以創立自己嘅品牌,令大家都認為佢唔尊重創作者嘅設計,好形象頓時大降!

事件曝光後,宋智雅立刻被網民批評係錯誤榜樣!Photo from IG@dear.zia

# 宋智雅火速承認用A貨!

隨後,宋智雅就立刻喺IG火速承認自己身穿嘅部份衣物係A貨,現時佢已經將被懷疑係假貨嘅post刪去,並公開向大眾以及品牌們道歉!

宋智雅喺IG承認自己有購買假貨!Photo from IG@dear.zia

# 就連節目CP都做假?!

其實唔單止宋智雅身上嘅名牌係假,就連節目中嘅CP都被網民大爆只係逢場作戲?!宋智雅喺《單身即地獄》最後一集中與金賢中配對成功,男方仲開心到公主抱對方,令唔少觀眾都認為佢哋理所當然會繼續發展落去。

宋智雅同金賢中喺最後一集中配對成功!Photo from 《單身即地獄》

# 同配對對象連朋友都唔係?!

近日,有網民就發現宋智雅嘅IG居然冇Follow節目中任何一位男參賽者;而男方就追蹤晒節目中所有參賽者,令大家開始懷疑節目中嘅曖昧情都只係跟隨劇本所扮演?!

有網民懷疑宋智雅同金賢中於節目中嘅曖昧情係逢場作戲?!Photo from IG@dear.zia

因為宋智雅根本連IG帳號都冇follow男方!Photo from _1126.1 @IG

# 節目製作人否認有劇本!

再加上,宋智雅12月時,喺Youtube頻道上載嘅片段中曾提及自己現時單身。但節目係上年夏天拍攝,所以網民猜測兩人可能短暫交往後分手,或者根本就冇一齊過!而節目製作人亦澄清「內容並冇劇本」,強調一切都係以參賽者嘅情感為主!

不過節目組堅持完全冇劇本,全部都係參賽者嘅自然流露!Photo from IG@dear.zia

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

【單身即地獄】宋智雅公開素顏承認曾整容!舊照曝光網民指認唔出!

4 Jan , 2022

NETFLIX節目《單身即地獄》成為話題,其中人氣KOL宋智雅憑美貌同身材爆紅,IG follower人數急升。喺上節目前佢曾自爆曾經整容,最近佢唔少大學時期舊照曝光,令網友紛紛感歎認唔到佢!

NETFLIX節目《單身即地獄》成為話題,其中人氣KOL宋智雅憑美貌同身材爆紅Photo from 《單身即地獄》

韓國YouTuber宋智雅參加《單身即地獄》後爆紅

現年25歲嘅宋智雅係YouTuber和模特兒,本來出演節目前已有一定知名度同人氣,但參加《單身即地獄》令佢受到大眾關注,佢經營嘅YouTube Channel訂閱數突破120萬,並持續上升緊。

現年25歲嘅宋智雅係YouTuber和模特兒Photo from 宋智雅IG

本來出演節目前宋智雅已有一定知名度同人氣,但參加《單身即地獄》令佢受到大眾關注Photo from 《單身即地獄》

宋智雅經營嘅YouTube Channel訂閱數突破120萬,並持續上升緊Photo from 《單身即地獄》

喺節目中佢非常受男士歡迎,節目外佢亦人氣急升,好多網友討論佢同韓國女團BLACKPINK成員Jennie有幾分相似,加上火辣身材、佢嘅衣著打扮都成為話題。

喺節目中宋智雅非常受男士歡迎,節目外佢亦人氣急升Photo from 《單身即地獄》

好多網友討論宋智雅同韓國女團BLACKPINK成員Jennie有幾分相似Photo from 《單身即地獄》

獨居過千萬豪宅,與K-POP偶像做鄰居

有網友更估計佢係富二代,宋智雅喺2020年於YouTube Channel「free지아」公開佢獨居嘅地方,全屋以白色簡約風格裝修,玄關有超大鞋櫃。

宋智雅喺2020年於YouTube Channel「free지아」公開佢一人住嘅地方Photo from 宋智雅YouTube

全屋以白色簡約風格裝修,玄關有超大鞋櫃。Photo from 宋智雅YouTube

客廳有落地大玻璃,可飽覽漢江景色,廚房亦係簡潔風格。有眼利網友憑佢屋企客廳景觀推測佢所住嘅係首爾知名嘅豪宅Trimage,呢個樓盤仲有唔少明星藝人居住,Super Junior、少女時代、EXO嘅成員都係宋智雅鄰居,有網友估計佢所住嘅單位市值超過25億韓元(約港幣$1,635萬)。

客廳有落地大玻璃Photo from 宋智雅YouTube

可飽覽漢江景色Photo from 宋智雅YouTube

廚房亦係簡潔風格Photo from 宋智雅YouTube

有眼利網友憑佢屋企客廳景觀推測佢所住嘅係首爾知名嘅豪宅TrimagePhoto from 宋智雅YouTube

宋智雅與唔少明星藝人如Super Junior、少女時代、EXO做鄰居Photo from 《單身即地獄》

宋智雅大方晒素顏,承認曾整容

佢嘅YouTube Channel有好多美容化妝嘅影片,佢亦經常大方公開素顏。平時化超濃眼妝嘅宋智雅素顏十分清純,佢仲唔介意影到面上嘅痘印,但睇得出膚質好好,嘴唇好似搽咗唇膏咁呈粉紅色。

宋智雅嘅YouTube Channel有好多美容化妝嘅影片,佢亦大方公開素顏Photo from 宋智雅YouTube

平時化超濃眼妝嘅宋智雅素顏十分清純Photo from 宋智雅YouTube

宋智雅唔介意影到面上嘅痘印Photo from 宋智雅YouTube

睇得出宋智雅膚質好好Photo from 宋智雅YouTube

喺上《單身即地獄》前佢亦曾承認個鼻有微調過,但眼睛同嘴巴都無整過,又晒出童年照作證。

上《單身即地獄》前宋智雅曾承認個鼻有微調過Photo from 宋智雅IG

宋智雅稱眼睛同嘴巴都無整過Photo from 宋智雅IG

宋智雅晒出童年照。Photo from 宋智雅YouTube

宋智雅與弟弟合照Photo from 宋智雅IG

舊照曝光網友稱認不出

《單身即地獄》令宋智雅爆紅,佢大學時期嘅舊照隨即曝光,當時佢嘅妝容同依家有好大分別,成個人嘅氣質都唔同晒,唔少網友都指佢大學好似另一個人,完全認唔出。

《單身即地獄》令宋智雅爆紅,佢大學時期嘅舊照隨即曝光Photo from 宋智雅IG

當時宋智雅嘅妝容同依家有好大分別Photo from 宋智雅IG

唔少網友都指宋智雅大學好似另一個人,氣質都唔同晒,完全認唔出。Photo from 宋智雅IG

雖然風格唔同咗,但都一樣係美人,宋智雅大學時妝容打扮都十分甜美清純,依家嘅佢則更成熟性感。

,宋智雅大學時妝容打扮十分甜美清純Photo from 宋智雅IG

雖然風格唔同咗,但都一樣係美人Photo from 宋智雅IG

依家嘅宋智雅則更成熟性感。Photo from 宋智雅IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel