download HolidaySmart 假期日常 app
Coffee林芊妤自爆過往愛情經歷!被離巢前男友傷透心:已經決定要做老姑婆!

Coffee林芊妤自爆過往愛情經歷!被離巢前男友傷透心:已經決定要做老姑婆!

娛樂新聞
By Stephanie on 18 Jan 2022
Digital Content Writer

Coffee(林芊妤)近年轉型成為YouTuber同瑜珈教練,仲經營自己嘅運動服裝品牌,事業越來越順利。最近,佢就拍攝影片講述自己係如何變成獨立自主嘅女性,並分享過往喺TVB時期嘅感情經歷,藉此鼓勵網民!

Coffee 喺最新嘅影片中分享過往嘅一段戀情,並勉勵大眾!Photo from Coffee IG

# Coffee 2008年加入TVB入行

現年32歲嘅林芊妤Coffee喺2008年嘅時候,因為受監製錢國偉推薦而成為「Sing之天使」雪梨,正式入行,後來於2014年與TVB解約。隨後,佢就專心發展瑜珈事業,現時佢唔單止係瑜珈教練亦係知名KOL,仲自創咗自己嘅運動品牌,事業發展一帆風順!

Coffee 2008年成為節目《耳分高下》「Sing之天使」雪梨而入行。Photo from Coffee林芊妤 @YouTube

Coffee 現時係KOL亦係瑜珈導師,並開設咗自己嘅運動服裝品牌!Photo from Coffee IG

# 為老公澄清傳聞!

最近,Coffee就拍片分享自己蛻變成獨立自主女性嘅心路歷程,希望勉勵大眾。喺影片開頭,Coffee先為老公翟志榮作出澄清「佢唔係金龜婿,亦唔係富二代」;另外有網民就話Coffee現時係要負責養家,Coffee就回應老公本身係專業人士,所以絕對有能力養起成個家庭!不過,佢就話自己唔會向老公索取家用,因為覺得依然有能力賺錢去貢獻俾家人。

Coffee為老公澄清謠言,揚言對方並非富二代。Photo from Coffee林芊妤 @YouTube

老公本身就已經係專業人士,完全唔需要佢養!Photo from Coffee IG

# 自細屋企比較傳統!

Coffee表示自己嘅屋企比較傳統,由細到大都被灌輸「男主外,女主內」嘅觀念,認為將來一定要搵個好對象結婚。因此佢情竇初開嘅時候,係一位依賴性非常強嘅女友,成日都要同男友一齊,並要求對方噓寒問暖等,令男方往往都會有好多責任同壓力!

Coffee生長喺一個比較傳統嘅家庭,認為女生未來主要係照顧家庭。Photo from Coffee林芊妤 @YouTube

所以佢過往亦曾經有諗過將來要搵經濟能力穩定嘅另一半結婚。Photo from Coffee林芊妤 @YouTube

# 分享其中一段戀情,因拍戲而擦出愛火!

Coffee就分享其中一個交往2年嘅前男友,二人喺TVB認識並且年紀相若,後來因為拍劇而日久生情。佢坦言「同我一齊之前,佢(前男友)名聲唔係咁好,不過我拍拖後先知。」,但就話男方為佢改變咗好多,亦感受到對方滿滿嘅愛意!

Coffee分享過往嘅一段戀情!Photo from Coffee林芊妤 @YouTube

二人喺TVB認識,並且因為拍戲而變得熟悉。Photo from Coffee林芊妤 @YouTube

前男友為佢改變咗好多,亦令佢感受到愛意!Photo from Coffee林芊妤 @YouTube

# 前男友要求Coffee離開TVB?!

直到二人交往1年多後,前男友就決定離開娛樂圈,並打算轉往內地發展,並同Coffee講「我想你離開TVB」,令佢感到非常錯愕!由於前男友覺得演藝圈比較複雜,而且拍戲又有可能會有親密戲份,所以對此感到非常介意。兩人因此而吵架鬧分手,分開3個月期間,Coffee仲因此而「瘦到得返排骨」。

交往1年後,前男友就決定離開娛樂圈,往內地發展事業。Photo from Coffee林芊妤 @YouTube

然而,前男友卻要求Coffee都離開TVB!Photo from TVB

# 曾甘願為對方犧牲事業!

隨後,Coffee同男友複合並達成協議,表示會減少自己喺香港嘅工作量,將對方擺喺第一位;當時佢身邊嘅好友都曾經勸喻佢諗清楚,但佢都因為太愛對方而無視朋友嘅建議。當時嘅佢經常都跟隨男方返內地,並留喺屋企打掃照顧對方起居飲食等,無奈呢段感情最終都未能開花結果!雖然未有透露分手原因,但佢就似乎暗示因為第三者問題而分手?!

Coffee當時就長期都同男方喺內地,並照顧對方起居飲食!Photo from Coffee林芊妤 @YouTube

佢亦隱晦咁暗示感情疑似因為第三者而結束?!Photo from Coffee林芊妤 @YouTube

當Coffee返到香港後,其實佢嘅工作量已經少咗好多「當時真係冇錢又冇事業」,亦令佢明白到永遠唔好將所有嘢押落一個人身上,決心成為一個唔再依賴男生嘅女仔!而佢就開始努力發展自己嘅事業,考牌照成為專業瑜珈導師等,只專注於自己嘅事業。

Coffee因為呢段戀情而明白到唔可以靠男人!Photo from Coffee林芊妤 @YouTube

而Coffee亦集中發展自己嘅事業,成為瑜珈導師。Photo from Coffee IG

# Coffee曾下定決心做「老姑婆」,但卻遇到老公!

Coffee表示「當時我已經諗住要做個老姑婆!」,嗰時佢買咗樓打算同父母同住,並自己一個人努力拼搏工作。但就喺佢搬入新居2個月時,佢老公就出現咗!Coffee表示老公同佢過往嘅男友非常唔同,加上對方喺外國長大,諗法同習慣上都有好多唔同,「簡直就係兩個世界嘅人」!由於Coffee並冇結婚嘅打算,佢坦承「我同佢一齊嘅時候係冇任何期望」!

Coffee表示分手後,自己已經打算做老姑婆,陪伴喺家人身邊!Photo from Coffee林芊妤 @YouTube

但喺搬進新居後,Coffee就認識咗老公翟志榮!Photo from Coffee IG

由於Coffee當時冇結婚念頭,所以同老公拍拖時佢對對方冇期望!Photo from Coffee林芊妤 @YouTube

# 發現懷孕先有結婚念頭?!

直到Coffee發現自己懷孕,老公翟志榮就提出結婚,而佢亦鼓起勇氣同老公談妥婚後嘅財政問題「我希望小朋友嘅學費以及住嘅地方都係由你負責」,希望自己賺嘅錢係留俾自己,即使將來發生咩事,都能夠自立!然而,結婚後老公嘅貼心行動都令佢以前心中嘅不安慢慢消失!

直到Coffee發現自己懷孕後,佢喺結婚前同老公達成財政分配嘅口頭協議。Photo from Coffee IG

希望老公負責小朋友學費、住屋等費用,而自己賺嘅錢就可以留返,害怕將來有突發事情!Photo from Coffee林芊妤 @YouTube

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

Coffee林芊妤晒兒子睇牙醫相被網友斥「要學習做媽媽」,嬲爆回覆超重火藥味

13 Jan , 2022

Coffee(林芊妤)不時喺網上大晒兒子「伯伯」翟德彥嘅日常趣事,近日佢分享仔仔個嘴腫咗,之後發現係佢嘅牙齒出現問題,點知有網民留言指佢「要學習做媽媽」,即時令Coffee發火回覆!

Coffee(林芊妤)不時喺網上大晒兒子「伯伯」翟德彥嘅日常趣事

Coffee分享兒子「伯伯」近日塊面腫咗

Coffee(林芊妤)2018年榮升做媽媽之後生活一直圍住兒子「伯伯」翟德彥,佢日前透露3歲嘅伯伯出世後第一次去醫院,原因係上唇腫咗,當時醫生話伯伯有傷口發炎。

Coffee日前透露3歲嘅伯伯出世後第一次去醫院,原因係上唇腫咗,當時醫生話伯伯有傷口發炎。

Coffee表示:「依家佢變咗一隻鴨仔⋯完全唔認得佢,中咗面目全非拳?」,佢又指自己推晒啲會議同工作留喺屋企陪仔仔,Coffee:「想問吓你哋有冇試過咁嘅情況?通常會幾時先好返㗎?見佢隻牙仔都有少少變黑」

Coffee表示:「依家佢變咗一隻鴨仔⋯完全唔認得佢,中咗面目全非拳?」

發文揭彥彥面腫全因生牙瘡

估唔到佢再次發文指之前喺社交網站分享仔仔塊面腫咗,最近發現原來係因為生牙瘡!佢指發文後有唔少媽媽級網友私訊畀咗好多意見佢,令佢明白事情嘅嚴重性,終於帶咗仔仔去見兒童牙科醫生。

估唔到佢再次發文指之前喺社交網站分享仔仔塊面腫咗,最近發現原來係因為生牙瘡

牙科醫生指伯伯有夜晚飲奶習慣,出現蛀牙問題,所以先會生牙瘡搞到塊面腫咗:「所以我今日出呢個post係好想大大力多謝所有私訊幫過我嘅人,都好想多謝偉大嘅網絡世界~令我可以好快咁做每個決定」

牙科醫生指伯伯有夜晚飲奶習慣,出現蛀牙問題,所以先會生牙瘡搞到塊面腫咗

有網友留言指責,Coffee即發火回覆

Coffee表示希望透過分享令到所有新手媽媽都有所得着:「凡事要及早了解同認識,我哋繼續學習!」但有網友就留言「教訓」佢:「你真係要好好學習做媽媽﹗個仔搞到蛀牙,又牙瘡你都唔知,又無理佢。」

Coffee表示希望透過分享令到所有新手媽媽都有所得着:「凡事要及早了解同認識,我哋繼續學習!」

Coffee即時大怒留言回覆呢位網民:「哇…幾多阿媽會因為畀人咁樣講搞到抑鬱。畀少少同理心啦大佬,第一次做人哋阿媽啫,我唔係唔理係唔識咋奶奶(因為你啲語氣真係好似電視劇啲惡毒奶奶咁)其實把口唔好咁衰,你嘅人生會幸福好多㗎﹗加油。」

有網友就留言「教訓」Coffee,令佢忍唔住反擊

Coffee曾被老公教訓要出聲保護自己

其實Coffee之前都有直接回擊網友嘅留言,曾有人指Coffee老公買唔起樓,暗嘲佢「嫁錯郎」,Coffee回覆稱:「我有手有腳鍾意自己賺錢自己洗,我選擇愛情因為我有能力自己買麵包」,隨後更發千字文護夫。

其實Coffee之前都有直接回擊網友嘅留言,曾有人指Coffee老公買唔起樓,暗嘲佢「嫁錯郎」

Coffee回覆稱:「我有手有腳鍾意自己賺錢自己洗,我選擇愛情因為我有能力自己買麵包」,隨後更發千字文護夫。

Coffee早前上陳敏之YouTube節目做嘉賓,回憶起曾試過畀人當面話「唔知瞓過幾多個男人」,佢當時無出聲但係老公就鬧咗佢一餐,指佢唔好好保護自己,第時點保護個仔,令佢醒覺應該要有咩不平要出聲學識保護自己。

Coffee早前上陳敏之YouTube節目做嘉賓,回憶起曾試過畀人當面話「唔知瞓過幾多個男人」

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel