疫情下封區撮合2對相親男女？！突然被迫同居！兩對CP結局截然不同
疫情問題持續，唔少地方都可能會因為受到影響而突然封城。而近日就有唔少單身男女似乎因為封城嘅關係而尋覓到良緣？！有兩位女子都分別喺相親嘅時候撞正封城，導致被迫要同男方同居，令唔少網民都直呼「簡直就係天意」！
Photo from TVB
# 28歲女子相親卻被迫與對方同居？！
相信大家都會認同「相遇係一種緣分」，但能否同心儀對象繼續發展落去就要視乎情況喇～日前，來自陝西嘅女子就回鄉相親，但卻竟然因為突然封城嘅關係，而被迫喺第一次見面嘅男士屋企同居幾乎一個月？！
Photo from 微博
# 二人去年12月認識！
根據媒體報導，28歲趙曉青表示相親喺親戚安排嘅，並因此而初次認識男子趙飛。二人上年12月頭第一次見面，當時係男方拜訪女方屋企，並且同佢嘅父母一齊食飯。
Photo from 微博
# 開展接近1個月同居生活！
直到12月中，今次就到趙曉青飛往男方嘅家鄉咸陽，預備同對方見面，而佢當時亦因為覺得初次見面非常尷尬，所以就決定唔會留宿。然而，計畫趕不上變化！趙飛所居住嘅社區因為爆發疫情而需要臨時封閉，而佢就被迫要居住喺男方屋企，開展咗長達接近1個月嘅「同居」生活！
Photo from 微博
# 男方父母催婚，遭女方婉拒！
趙曉青表示「一開始很尷尬，但他們都很好人，慢慢就適應了！」，並融入對方嘅家庭環境中。而男方父母喺同居一個星期後，就已經催促兩人盡快結婚，不過趙曉青覺得過於急促而婉拒對方！
Photo from 微博
# 二人日久生情，決定解封後訂婚！
隨住同男方相處嘅日子變長，趙曉青發現佢哋唔單止樣貌有啲相似，就連愛好同觀念都非常一致，兩人因此成為情侶！其中男生最令佢感動嘅行為就係「我晚上要直播賣蘋果，不論多晚他都會陪我！」，仲決定解封後就會訂婚！
Photo from 微博
Photo from 微博
# 網民反應兩極！
呢段由疫情所撮合嘅戀情，引起網民熱議。有網民就認為兩人非常合襯，覺得佢哋嘅緣分一定好深「真的是命中註定！」；但亦有網民認為成件事只係炒作，質疑相親點解會去人屋企，並認為女生係想為自己嘅直播增加點擊率？！
Photo from 微博
Photo from 微博
# 28歲王小姐被迫與第一次見面對象同居！
而另一位來自河南鄭州嘅28歲OL王小姐就第一次同相親對象孫先生見面，並相約喺佢屋企食晚飯。點知，當王小姐預備離開嘅時候，卻發現該小區被劃分成隔離區域，所有人都唔可以進出，令佢突然要住喺獨居嘅男士家中！
Photo from 微博
Photo from 微博
# 意外發現住家男一面！
喺兩人「同居」期間，王小姐不時都會拍攝影片，仲意外發現男子溫柔嘅另一面，例如：主動讓張床比佢、做家務等。而佢仲大讚男方廚藝了得「每天都餵飽我！」，令網民不禁想入非非！雖然同相親對象共處一室，但佢就話兩人並冇因此而變得熟絡，依然非常尷尬。睇嚟呢pair距離真係交往仲需要一啲時間喇～
Photo from 微博
Photo from 微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
83歲伯伯參加相親大會徵婚！ 要求年輕/氣質好 提供1000萬美元作月薪？！
16 Apr , 2021
相信好多人都會因為太忙綠於工作，而缺乏機會去認識另一半。近日喺內地山東就舉行咗第15屆三月三相親大會，而其中一位退休嘅83歲教授嘅徵婚廣告，仲成為咗大家嘅熱話！
Photo from TVB
第十五屆三月三相親大會喺星期三正式開幕，有唔少嘅單身人士都去參加，現場貼滿咗參加者嘅個人資料同埋理想對象嘅條件，希望可以成功搵到心儀對象！
Photo from 微博
其中有一位自稱83歲伯伯張玉福嘅徵婚廣告就好成功咁引起大家注目！根據佢所填寫嘅資料顯示，呢位伯伯出生於1937年，有房有車，月薪有超過5萬人民幣，希望誠徵到一位年齡由22到40歲之間嘅女士，學歷不拘，並且要求要年輕、形象氣質好。
Photo from 微博
Photo from 微博
另外，佢仲自稱而家自己正準備註冊一間市值1萬5千億美元的國際大公司，表示可以為未來妻子提供1000萬美元（約港幣$7770萬），引起大家嘅討論。
Photo from TVB
由於張玉福所提供嘅條件實在太誇張，令唔少人都懷疑佢所講嘅真實性，隨即引起傳媒大眾嘅關注。據了解，伯伯所提供嘅個人資料全部都係真實，佢的確係山東省科學院能源所嘅前教授。而佢就同元配喺1973年結婚，但後來十幾年前妻子因為患病而去世，所以佢就表示希望透過呢個相親大會試下搵新伴侶！
Photo from TVB
Photo from TVB
然而，聽講張伯伯其實患有小腦萎縮症狀，生活大小事一直都係由女兒照顧，而佢女婿亦表示「佢個腦有事，唔可以相信佢講嘅嘢」。
Photo from TVB
有網民就認為係主辦方利用伯伯做炒作，從而提升佢哋活動嘅知名度，亦有網民講笑話伯伯病咗，但都依然偏愛年輕女子，傻唔曬～
Photo from 微博
Photo from 微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
