《全民造星4》落選參賽者出路多！Yoyo拍劇與姜濤合作/咖喱拍MV

Digital Editor

ViuTV《全民造星4》再次大獲成功，新推嘅女團COLLAR新歌MV點擊率可觀，成績唔錯。除咗COLLAR 8位成員外，其他落選參賽者都各有發展，喺唔同嘅平台都見到佢哋！好似之前Ash同咖喱都有出演MV，嚟緊Yoyo仲有份參演電視劇。

ViuTV推女團COLLAR後再簽落選參賽者

《全民造星4》雖然開宗明義選女團，但最終成軍嘅僅為8人：Marf、Gao、Day、Ivy So、Candy、So Ching、芯駖、Winka。但早有眼利網友發現除咗COLLAR外，ViuTV另外仲與6位落選參賽者。

當中有唔少高人氣參賽者，包括：Sica、Alice、Yoyo、Win Win、超酸、Ash，有指幾位落選參賽者將另組女團「DOLLAR」，做女版ERROR。仲有其他人都有唔少工作，即睇部分《造星4》落選參賽者近況！

Yoyo（葛綽瑤）喺節目中以高顏值成網友關注對象，佢雖然喺決賽表演不佳被指走音，但仍獲ViuTV睇中簽約成旗下藝人。唱歌唔係強項嘅Yoyo隨即獲安排參演ViuTV原創劇《季前賽》。

《季前賽》演員陣容強大，有張繼聰、師兄MIRROR嘅姜濤、Ian、Edan、Stanley同ERROR嘅肥仔、193主演。Yoyo率先跑出，成為《造星4》首位拍劇參賽者，公佈嘅演員中佢更係為數唔多嘅主要女角色！Yoyo將喺劇中飾演「何瑪莉」，為籃球隊隊醫。

咖喱（黃雅慧）雖然入唔到《全民造星4》20強，但係佢人氣一啲都唔低，更早喺女團COLLAR出道前就已經出演林欣彤《修養動物》MV，更擔任女主角。

喺MV中咖喱仲有喊戲，好考演技！佢嘅演出獲網友讚好，唔少人都表示希望佢會繼續喺娛樂圈發展。除咗拍MV，咖喱仲開設咗個人YouTube頻道「我和咖哩有個約會?」

阿蛋（黃詠霖）雖然無簽到ViuTV，但被指同周國賢好似樣嘅佢就因而獲得工作機會，出演周國賢《身後身》MV。

佢喺IG貼出合照，連周國賢都留言：「唔係你似我，我似你啫?」，成功提升出鏡率！

講到拍MV，Ash（鍾卓穎）同樣有份！佢因為參演MC張天賦嘅《時候不早》MV引起關注。雖然Ash早喺《全民造星4》60強就被淘汰，但人氣一直高企，已婚身份未有影響佢嘅星途，反而因此接咗唔少廣告。

本來星途一片光明嘅Ash卻因為同MC傳出緋聞惹離婚風波，形象大受打擊，不過佢亦喺IG個人簡介中透露已簽約ViuTV，之前佢有上過《囝囝女女730》獻唱MC嘅《記憶棉》，獲讚有天籟之聲嘅Ash好大機會繼續做歌手。

「日系少女」Sica（何洛瑤）被淘汰後一度惹觀眾不滿，佢喺《全民造星4》形象獨特，吸引唔少fans支持，更為佢大搞應援活動，包括有巴士燈箱廣告、應援巴士，聲勢浩大！

Sica被淘汰後獲導師梁祖堯邀請出演舞台劇，依家更簽約ViuTV，憑住獨特個性有望喺綜藝界發展。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

12 Jan 2022

ViuTV推出嘅女團終於宣佈人選！《全民造星4》除咗決賽當日嘅三甲：冠軍Marf、亞軍Gao、季軍Day外，唔少呼聲極高嘅參賽者如Ivy So、芯駖都成功入團！女團為8人組合，名稱如之前猜測咁叫「COLLAR」。

ViuTV《全民造星4》以首次全女班為賣點，更開宗明義選女團，其中喺決賽選出嘅冠軍Marf、亞軍Gao、季軍Day早已直入女團，但其餘人選一直以嚟都係網民熱話。

早前ViuTV喺社交網站公佈咗多條預告片段，宣傳新女團即將誕生。有唔少網友都化身「偵探」，試圖搵出預告片入面嘅人到底係邊個。

ViuTV被爆註冊咗新商標「COLLAR」，仲開埋IG帳戶「weare.collar」，踢爆女團將定名為「COLLAR」。

喺宣佈成團前亦已有消息稱除咗三甲Marf、Gao、Day之外，舞蹈擔當So Ching、芯駖；顏值擔當Ivy So、Candy同埋主唱Winka都入團，事實證明爆料正確，女團人選的確係呢8位女生！

而Winka更剪咗全新短髮示人，女團出道曲係《Call My Name》。不過女團第一個舞台被指造型出事！尤其係Winka、Day。仲有網友指天王黎明都有睇！睇嚟女團嘅吸引力真係好大！

Text: HolidaySmart Editorial

【想隨時隨地緊貼本地食買玩資訊？】

👉🏻 即刻Follow我地Instagram holidaysmart.hk

👉🏻 訂閱我地 Youtube Channel