download HolidaySmart 假期日常 app
《愛回家》劇情神預測現況!Terry轉世變倉鼠?!網民反應兩極

《愛回家》劇情神預測現況!Terry轉世變倉鼠?!網民反應兩極

電視電影 娛樂新聞
By Stephanie on 20 Jan 2022
Digital Content Writer

疫情問題變得越來越嚴重,而家就連倉鼠都備受牽連!而TVB處境劇《愛·回家之開心速遞》嘅劇情竟然咁啱有關倉鼠,但就令網民有兩極嘅迴響,部份網民認為呢個時候唔係咁適合播放類似內容;部份網民就驚呼:「劇組究竟係咪有預知能力?!」

《愛回家》劇情居然提及倉鼠,令到網民嘅反應兩極!Photo from 《愛·回家之開心速遞》

# 《愛回家》劇情預知倉鼠問題?!

近日,疫情變得越來越嚴重,唔單止人類受到影響,就連倉鼠都受細菌困擾到!而TVB處境喜劇《愛·回家之開心速遞》嘅劇情一向都非常令人意想不到,而且以多數以搞笑形式講述時事,仲竟然俾佢預知到倉鼠問題?!

《愛回家》嘅劇情一向都以天馬行空以及搞笑作為賣點!Photo from 《愛·回家之開心速遞》

# Terry修煉重生術!

昨日(19日),《愛回家》嘅劇情就講述Terry(李偉健飾)因為演技欠佳而被網民嘲笑,所以就一心上山搵神仙修煉「重生之術」;另一方面,大小姐(林淑敏飾)就以為細佬Terry人間蒸發而非常擔心!

劇情講述Terry因為想進修演技,而上山修煉重生之術!Photo from 《愛·回家之開心速遞》

而大小姐就以為弟弟Terry失蹤!Photo from 《愛·回家之開心速遞》

# 最終Terry變成倉鼠?!

劇情開始變得十分「離地」,神仙就話Terry因為正在修煉,所以必須變成其他物件先能夠完成修煉。首先佢變成一隻壁虎,之後再演變成為倉鼠,並需要接受唔同嘅磨練,先可以變返做人類!

Terry進行修煉後,就率先變成咗一隻壁虎!Photo from 《愛·回家之開心速遞》

Terry由壁虎變成一隻倉鼠?!Photo from 《愛·回家之開心速遞》

神仙表示Terry要再接受磨練先可以變返做人類!Photo from 《愛·回家之開心速遞》

# 部份網民認為現時播放倉鼠劇情不合適!

唔少網民見到呢個劇情發展後,都忍唔住擔心Terry「救救Terry大行動」、「唔好做倉鼠啊!」等留言;但亦有網民覺得係劇組專登「抽水」,即使只係巧合都唔應該選擇呢個時間點播放,認為似乎唔係咁合適「倉鼠咁可憐,仲要俾你哋攞去講笑」!

有網民就覺得《愛回家》而家播放類似劇情唔係咁合適!Photo from TVB FB

# 網民讚嘆劇組神預言能力!

除此之外,有網民就覺得電視劇應該喺提前拍攝,令佢哋不禁驚嘆《愛回家》劇組究竟係咪有預知嘅能力,居然會令劇情同現實情況不謀而合?!

有網民就驚嘆《愛回家》劇組嘅預知能力!Photo from TVB FB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

5 Jan , 2022

TVB處境喜劇《愛回家之開心速遞》嘅劇情一直都以搞笑為主~日前,劇組就安排咗「龔水」以及「蓮輝」兩對CP遠赴日本度蜜月,仲出現令觀眾們都意想不到嘅劇情,膠味濃!

《愛回家》嘅新劇情講述兩對新婚夫婦去度蜜月,不過網民嘅重點就放咗喺後面P嘅背景上!Photo from TVB

# 《愛回家》無厘頭劇情,引起網民關注!

《愛回家之開心速遞》一向都以無厘頭嘅劇情而引起網民關注,而劇中嘅兩對CP「龔水」同「蓮輝」就舉辦咗盛大嘅婚宴,連續播出咗3集咁多,令唔少粉絲都因此而感到興奮!

《愛回家之開心速遞》中嘅「龔水」CP結婚,令唔少觀眾都表示非常興奮!Photo from TVB

而「蓮輝」CP亦同時結婚,兩對夫婦嘅婚宴都播出咗3集咁多!Photo from TVB

# 劇中兩對新婚夫婦去日本度蜜月,考驗劇組P圖功力?!

2對CP結婚後,劇組就安排佢哋遠赴日本關西以及青森旅遊度蜜月,但由於現時根本就無法出國,令劇情嘅看點頓時變成「如何將香港嘅景色塑造成日本」!而呂慧儀同林淑敏一抵達日本嘅時候,就喺火炭火車站同埋九龍塘巴士總站取景;再配上後期P嘅日文告示牌同廣告,真係非常搞笑!

熊若水抵達日本場景喺九龍塘巴士總站取景!Photo from TVB

而兩人到日本後,身後嘅廣告牌都變成日文!Photo from TVB

# 背景不時出現日本地標!

佢哋旅遊期間,窗外嘅景色不時都會出現日本出名地標富士山、東京鐵塔等,仲加埋日本暴走族;而1月時分亦居然仲有櫻花睇,實在令人忍唔住爆笑,膠味十足!唔知大家又認唔認得出呢啲景色係香港邊區拍攝呢?!

劇情中嘅窗外不時都會出現日本地標富士山。Photo from TVB

就連東京鐵塔都有出現!Photo from TVB

而馬路上仲會出現日本暴走族!Photo from TVB

# 專程去日本零食區營造便利店感覺?!

而劇組亦有專登安排佢哋去「Donki」同「759」嘅日本零食專區拍攝喺日本便利店嘅畫面,以營造更加迫真嘅感覺!雖然破綻位置的確非常多,但眼見劇組咁努力嘗試將香港打造成日本,唔少網民都覺得幾搞笑「睇到啲場景真係笑爆嘴」、「果然係愛回家啲劇情!」等留言。

而劇組亦安排佢哋去買日本零食,營造好似真係喺日本嘅感覺~Photo from TVB

# 超破格劇情發展!

除此之外,該集仲有非常瘋狂嘅劇情,兩對新婚夫婦誤打誤撞之下調亂咗妻子?!劇情講述秘書唔小心將大小姐(林淑敏)同熊若水(呂慧儀)嘅機票調轉咗,並且去到日本會合丈夫嘅時候先發現,差啲就鑄成大錯!

劇情亦講到因為秘書May嘅大意,導致兩對新婚夫婦被迫「換妻」?!Photo from TVB

好彩兩對夫婦最終都能夠見返面,令蜜月旅程變得完滿!Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel