因為是朋友呀｜蔡卓妍爆已準備好遺囑及遺照仲拍定片留畀親人睇霍汶希直言太悲觀

Digital Editor

蔡卓妍（阿Sa）、鍾欣潼（阿嬌）、容祖兒（Joey）近期主持內地綜藝節目《因為是朋友呀》引網民關注。最新一集，三人邀請經理人霍汶希（Mani）及鄭希怡（Yumiko）一起行山，阿Sa更大爆自己已準備好遺囑及遺照，仲詳細將遺照挑選準則添！

Photo from 蔡卓妍微博

阿Sa自爆已準備好遺囑及遺照

阿Sa在節目中提及，媽媽教佢所有事都要諗定最好及最壞情況，仲自爆已準備好身後事：「我已經把我的平安紙（遺囑）寫好。」唔止遺囑，連遺照都細心揀好！「我的遺照也選好了，我每五年會換一次，我都選開心的照片，我就是怕你們會選那種很悲慘、很黑白的照片，所以我選了彩色，然後笑的。」

Photo from 《因為是朋友呀》

阿Sa解釋，佢只想好而已，佢認為自己離開世界後唔會知道發生咩事，但仍在世上嘅人會好難過，所以佢會想拍一條影片，同佢嘅父母、朋友、伴侶，以及幫佢工作嘅人講一段感謝說話，然後將影片發畀佢哋，等佢哋唔好咁傷心。

Photo from 蔡卓妍微博

對於阿Sa咁快立定遺囑，Mani坦言：「太悲觀了，有計劃很好，但是太悲觀了。」雖然係悲觀，但Mani都表示理解：「我覺得人是應該未來是去計劃的，我一直飛來飛去，所以我也跟你的想法一樣，就是怕有什麼問題出現的時候，那要怎麼辦呢？誰照顧他們呢？所以我都是立那個平安囑的原因。」

Photo from 《因為是朋友呀》

Mani又提到如果自己遇到危險，第一時間絕對唔會打畀Joey、阿Sa、阿嬌或Yumiko，因為佢哋不接電話，所以會打畀自己媽媽或女兒。但到阿嬌被問會打畀邊個時，佢無奈表示唔知應該打畀邊個，可能會選擇報警。阿嬌更直言無一個人令佢最安心，可以提供及時幫助的人。

Photo from 《因為是朋友呀》

Mani聽罷表示四個女生入面，最擔心嘅就係阿嬌，因為佢性格內向，唔容易對人打開心扉，有事發生會較難察覺。

Photo from 蔡卓妍微博

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 即刻Follow我地Instagram holidaysmart.hk

👉🏻 訂閱我地 Youtube Channel