因為是朋友呀｜容祖兒Twins合體直播帶貨被指不專業 盤點7位港星帶貨慘況！
Photo from 蔡卓妍 微博
容祖兒+Twins首次一起直播帶貨
「英皇龍虎豹」容祖兒與Twins主持嘅《因為是朋友呀》深受內地網民歡迎，近日，佢哋首次以三人組一齊進行直播帶貨。直播中，佢哋首先sell一部「唱K神器」，更大合唱經典歌曲《下一站天后》、《姐妹》、《心淡》，氣氛熱烈。
Photo from 微博
被網民批準備不足
然後，三人轉為介紹護膚品就即刻狀態大跌，佢哋一直望著前方，網民懷疑係睇緊題詞器。而講解產品賣點時亦結結巴巴，顯得對產品唔熟悉。連睇緊直播嘅網友都留言直問：「你們使用過嗎」、「多做點功課啦」、「照著讀嗎」。
Photo from 微博
Photo from 微博
有粉絲認為三人自降身價
不少網民事後仍然討論三人嘅帶貨技巧，有人直言：「我做Twins和容祖兒粉絲嘅時候，真是沒想到，港樂天后和港樂殿堂級女子組合，有一天要佢直播賣辣條。」
Photo from 微博 評論
Photo from 微博
亦有網民認為以三人身家地位來講都玩帶貨係「完全拉低幾個層次」、「能賺錢也不錯」、「只能說為了在上海買房，很努力了。」
Photo from 微博 評論
Photo from 微博
有網民平反
不過，都有網民為容祖兒、阿Sa和阿嬌平反，表示佢哋應該只係偶爾客串直播帶貨，「我看好多大牌的也點都帶過，主要精力應該還是放在歌唱演戲綜藝上。」亦有網民稱，三人嘅定位向來都係平民明星，只係大家幫佢哋扣上「后」、「殿堂級」嘅標籤，「Twins出道的時候，唱過那麼多兒歌，還有超市歌，她們都很入世。」
Photo from 微博 評論
Photo from 微博
除咗容祖兒及Twins帶貨收負評，近年亦有好多香港藝人到內地玩直播帶貨慘淡收場，以下即刻睇睇有邊7個！
歐陽震華
歐陽震華於去年曾進行直播帶貨，售賣年貨和其他日用品，但有網民留言指「我不想買年貨，就想看你演的電視劇」、「你又不差這點錢，萬一賣的不好不是晚節不保。」最後，歐陽震華更在微博發聲明，宣佈中斷和早前嘅合作公司進行帶貨活動。
Photo from 微博
江華
江華早前宣佈復出，並於內地進行直播帶貨買金飾，可是到直播直播結束時，訂單只有不夠一百張，仲要被部分網民直指樣貌變得似蛇精男。
Photo from 微博
陳小春
早前有內地商家爆陳小春帶貨成績強差人意，商家本來花了51萬人民幣(約港幣58萬)請陳小春直播帶貨，但三日內只賣出5千人民幣(約港幣5,600)！更有售賣按摩器嘅商家因為成績不佳，聲稱要向陳小春所屬嘅傳媒公司追討41萬人民幣（約港幣46.5萬）。
Photo from 微博
溫兆倫
57歲溫兆倫十多年前已北上發展，佢去年曾在直播間賣女性用品，當時觀看人數只有約一千人，不少網民認為一個五十多歲男藝人售賣女性用品好尷尬，難怪反應不好。
Photo from 微博
呂頌賢
早年憑飾演劇集《笑傲江湖》中令狐沖一角而紅極一時嘅呂頌賢自2007年起轉戰內地，佢曾在2020年進行直播帶貨，但反應冷清，直播觀看人數只有兩百多人，最高峰時都唔過五百人。不過，唔少網民大讚佢依然帥氣，保養得宜！
Photo from 微博
李國麟
李國麟早前直播帶貨8個小時依然賣唔出貨品，有網迷估計佢最後賺唔夠200元人民幣，李國麟更被封為「最慘帶貨明星」，連佢自己都話會暫停帶貨，並希望返港休息。
Photo from 微博
張文慈
張文慈去年移居上海成為直播主帶貨，但直播期間曾被網民留言問佢係邊位，相當尷尬。佢其後更在社交網大呻做直播不容易，辛苦得嚟責任又大，仲直呼「下世不要再做主播了」！但佢亦在帖文最後表示感恩有呢段經歷，自己會越來越堅強。
Photo from 微博
Photo from 微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
