17歲賣腎買iPhone男近況公開！成功賺取2萬蚊！卻意外毀掉下半生？

近年科技日新月異，智能電話亦隨之而變得非常普遍，而Apple品牌嘅電話就係大熱門之一～剛開始推出智能電話時，普遍定價都非常高，唔少網民都會講笑咁話「要賣腎先買到新iPhone」，然而有位年僅17歲嘅內地男子卻竟然真係付諸行動，而佢最新嘅近況亦曝光！

Photo from TVB

# 17歲內地男曾經為iPhone 4s而賣腎！

Apple推出嘅產品一直都備受大眾關注，仲擁有唔少世界各地嘅「果粉」～喺智能電話開始興起嘅時候，iPhone嘅定價相對上比較昂貴，但唔少人都依然願意花錢購買最新款式嘅手機。有部份人仲會喺iPhone推出當日一早去門市排隊購買，非常誇張！當時有位17歲男生仲因此而決定賣腎賺錢，卻導致留下遺憾？！

Photo from TVB

# Apple 2011年推出iPhone 4s

10年前，Apple就推出iPhone4s手機，仲首次將「Siri」語音助理服務新增入電話，令唔少大眾都對呢項新科技感到非常好奇！而當時iPhone 4s嘅定價分別係 $5,088（16GB）、 $5,888（32GB）以及 $6,688（64GB），同當時嘅手機相比價錢比較昂貴。

Photo from Walmart網站

Photo from Apple

# 成功做手術賺錢購買電話及iPad！

同時，內地安徽一位17歲少年「小王」就因為好想擁有一部iPhone4s，但由於家庭貧困，竟然決定賣腎賺錢購買新電話！佢進行腎臟移植手術並成功售出一邊腎臟，獲得2萬2千人民幣（約2萬7千港幣），而佢就利用金錢購買iPhone 4s以及iPad 2！

Photo from TVB

# 卻換來悲慘後果，導致需長期躺臥病床？！

小王當時受訪嘅時候就認為「腎只要有一個就夠了」，仲自豪地向媒體展示手術成功嘅痕跡。然而好景不常！小王手術後嘅幾日就開始出現感染情況，相信係因為手術環境不乾淨而引致，當時嘅佢因為害怕父母責罵而唔敢講出真相，直到情況嚴重送院，醫生先告知佢所剩下嘅左邊腎臟已經嚴重受損，被列為3級傷殘人士，需要長期臥床治療以及洗腎維持生命！

Photo from 微博

即睇更多人氣文章：
17歲少女興奮晒爸爸送「名牌袋」，售價僅$500被網民笑！含淚回應獲力撐
台灣網紅踩入日本做一日牛郎，靠翻譯同肢體動作一個鐘勁賺50萬

Photo from 微博

# 家長索取180萬賠償金！

小王嘅父母聽聞後非常憤怒，仲向地下醫院索取賠償，最終成功獲得147萬人民幣（約港幣180萬）作為賠償金，但都已經挽回唔到兒子嘅健康！

Photo from 三立新聞 @YouTube

# 小王11年後近況公開！

過咗11年，小王依然需要躺臥病床接受治療，唔能夠好似同齡人咁過住正常嘅生活。小王母親表示本身190cm高嘅佢每日都要食藥，體重輕到得返45公斤！而且病情如果控制得唔好，仲有可能導致要換新嘅腎臟！

Photo from 微博

Photo from 微博

相關文章：「中國第一懶人」楊鎖23年躺平人生！長期受父母溺愛導致失去自理能力！

相關文章：打工仔呻公司新規矩返工唔準玩電話！捉到要鎖locker！員工一星期內陸續遞信

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

港女自行花錢購買新iPhone 因為$500 激嬲男友被罵敗家？

12 Oct , 2021

情侶之間難免會因為價值觀以及生活習慣唔同，而容易發生矛盾！最近，有位港女就於討論區大呻因為自己花錢買咗新電話，而激嬲男友被罵「敗家」，令港女感到十分委屈！

Photo from TVB

#港女同男友消費習慣唔同！

情侶之間互相磨合係相處中最困難嘅一步，其中唔少人都可能會因為同另一半有截然不同嘅消費習慣，而導致有爭執！日前，有位港女就遇到類似情況，並於討論區以「我用自己錢買野男朋友都要話我敗家」為題開post。

Photo from 香港討論區

#港女打算用消費券買新iPhone！

港女表示自己就一直都打算利用2期嘅消費券去購買新iPhone，可惜當佢打算佢門市買嘅時候，店員居然同佢講暫時未有現貨，所以佢就打算回家再喺官網上面預訂新電話。

Photo from TVB

#多花$500蚊購買電話！

然而，港女當晚同朋友食飯之後，就經過一間電器舖發現有iPhone現貨，不過價錢就比門市貴$500！由於佢認為價錢相差並唔係好多，所以佢當下就立刻決定咗要買電話！

Photo from TVB

#被男友責罵敗家！

港女買完電話後，就好興奮咁同男友開心share呢個「好消息」。不過唔知係咪因為男友剛剛轉新工太大壓力，竟然換來男友嘅責怪「點解要咁敗家，唔用返正價喺專門店訂機，仲要花貴啲嘅錢去購買新電話啊」，令港女嚇咗一跳！

Photo from TVB

#港女感委屈

港女就覺得十分委屈，認為係花費自己嘅金錢購買，自己亦冇打算要求男友「資助」購買新電話嘅費用，唔明白男友點解要咁緊張！再加上，佢解釋其實喺電器舖買嘅時候都有扣除信用卡積分，所以都只係支付咗比正價貴好少嘅情況下購買。

Photo from TVB

#網民反應兩極

唔少網民睇完嗰post後，都有唔同嘅睇法！部份網民認為港女並冇錯，只要經過自己經濟上負擔得起就完全冇問題；亦有網民認為男友好明顯係控制欲十分強嘅人，認為佢過分管束港女，建議港女好好諗清楚兩人係咪真係適合！

Photo from 香港討論區

Photo from TVB

#部份網民撐男友！

另一方面，有網民就認為男友亦並非冇道理，認為花費多$500蚊只係為咗盡快用到新電話並唔值得。網民仲話估計港女平時應該都係消費得唔精明，先會搞到男友今次咁嬲！

Photo from 香港討論區

Photo from TVB

相關文章：港女指男人著公仔T裇好唔成熟：無啲男人氣慨！不滿男友覺得無問題

相關文章：港女為男友捨棄與家人移民機會！ 不捨6年感情 網民斥：唔好傻啦！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）