download HolidaySmart 假期日常 app
陶大宇進軍樂壇推全新賀年歌!返TVB即被唐詩詠集郵 仲會客串《愛‧回家》?

陶大宇進軍樂壇推全新賀年歌!返TVB即被唐詩詠集郵 仲會客串《愛‧回家》?

電視電影 娛樂新聞
By Cheryl on 25 Jan 2022
Digital Editor

陶大宇早前在內地翻唱《倒轉地球》掀起網絡熱話,佢剛回港準備過年,就隨即推出全新賀年串燒歌《紅陶大宇喜迎春》!MV雖然以佢錄音片段為主,但仍創意十足,相當趣怪。另外,佢亦探訪「娘家」TVB,仲立即被一班藝人朋友集郵打卡!

陶大宇日前推出賀年歌《紅陶大宇喜迎春》Photo from 《紅陶大宇喜迎春》MV

陶大宇推出全新賀年串燒歌

58歲陶大宇去年經常在內地商演中翻唱劉德華歌曲《倒轉地球》,由於台風與唱功都別樹一格,所以成為了網絡紅人,不少網友更想推佢做「我最喜愛男歌手」。農曆新年將至,陶大宇近日返港,日前正式推出了賀年串燒歌《紅陶大宇喜迎春》,更將會派台,正式進軍樂壇!

《紅陶大宇喜迎春》MV好有新年節慶感Photo from 《紅陶大宇喜迎春》MV

MV中可見陶大宇錄音時歡樂畫面Photo from 《紅陶大宇喜迎春》MV

串燒歌當中包括《歡樂年年》、《新春頌獻》、《迎春花》,MV主要以陶大宇錄歌片段剪輯而成,但一啲都唔單調。MV更加入許多特效,包括陶大宇運用疑似Marvel奇異博士嘅傳送門現身維港高歌、唱唱下歌臉部變色、陶大宇在利是封上唱歌等等,真係好有創意。

crossover奇異博士?Photo from 《紅陶大宇喜迎春》MV

現身維港大展歌喉Photo from 《紅陶大宇喜迎春》MV

唱到面都綠埋?Photo from 《紅陶大宇喜迎春》MV

變咗利是?!Photo from 《紅陶大宇喜迎春》MV

陶大宇去TVB即被藝人朋友求合照

除咗出歌,陶大宇亦不忘本,去了「娘家」TVB接受《東張西望》訪問。訪問一開始,唐詩詠已經閃入鏡頭擁抱陶大宇。二人早在17年前劇集《心花放》中飾演兄妹,所以一見如故。陶大宇亦好識做,話自己攬住視后,二人合照時相當歡樂。

唐詩詠與舊拍檔陶大宇開心合照Photo from TVB

之後,《愛‧回家之開心速遞》中嘅「大小姐」林淑敏和「送水輝」許家傑都嚟到,二人更一邊扮陶大宇嘅「水撥式揮手」台風,一邊進入鏡頭,相當搞笑。

林淑敏和許家傑以唱跳《倒轉地球》為出場方式Photo from TVB

曾與陶大宇在2008年劇集《和味濃情》合作嘅林淑敏,大讚大宇哥毫無架子,當年已好肯同一班新人聊天、分享經驗。

林淑敏分享和陶大宇拍《和味濃情》時愉快回憶Photo from TVB

陶大宇有機亮相《愛‧回家》?

陶大宇同時都表示自己有睇林淑敏和許家傑在《愛‧回家》嘅演出。此時,許家傑趁機邀請陶大宇客串劇集,大宇聽罷都覺得好,仲話:「好喎,睇下乜嘢角色,但係我要畀你(指林淑敏)喝罵。」林淑敏直言大宇哥呢家收得貴,大宇就話:「呢樣嘢就,打個折啦!」

許家傑乘機邀請陶大宇客串劇集《愛‧回家之開心速遞》Photo from TVB

林淑敏事後亦在個人IG分享合照,並在帖文大讚大宇哥親和力「足以倒轉地球!」,又表示「希望下次唔係影相,係合作拍劇,咁就好啦!」

林淑敏在IG分享同許家傑與陶大宇訪問當日嘅合照Photo from 林淑敏 IG

以下即睇陶大宇全新《紅陶大宇喜迎春》MV!

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel