download HolidaySmart 假期日常 app
蟲草大王陳恩德搞活動，李佳芯臨時缺席！直言TVB要求唔合理

蟲草大王陳恩德搞活動，李佳芯臨時缺席！直言TVB要求唔合理

娛樂新聞
By Jennifer on 26 Jan 2022
Digital Editor

李佳芯（Ali）被指與「蟲草大王」陳恩德秘戀一年，Ali澄清指兩人一直以嚟都只係工作關係，更「落閘」稱以後都唔會有發展空間。陳恩德亦回應指尊重Ali，而佢公司舉辦活動原定Ali亦會出席，但臨時「無影」，陳恩德亦有為此解釋。

李佳芯（Ali）被指與「蟲草大王」陳恩德秘戀一年，Ali澄清指兩人一直以嚟都只係工作關係Photo from 李佳芯 IG

Ali與「蟲草大王」陳恩德傳出緋聞

Ali於2021年11月被影到同有「蟲草大王」之稱嘅陳恩德喺酒店食飯，隨即傳出緋聞。當時Ali已澄清兩人見面係因為要商談工作嘅事情。

Ali於2021年11月被影到同有「蟲草大王」之稱嘅陳恩德喺酒店食飯，隨即傳出緋聞Photo from 李佳芯 IG

估唔到近日有自稱係Ali好姊妹嘅人爆料稱Ali早已同「蟲草大王」秘戀一年，甚至公開大量相片（包括二人合照，但都唔係太親密），包括疑似「男友視角」拍攝嘅素顏照，直指Ali未同前男友陳炳銓分手已同「蟲草大王」發展。

有自稱係Ali好姊妹嘅人爆料稱Ali早已同「蟲草大王」秘戀一年，甚至公開大量相片，包括疑似「男友視角」拍攝嘅素顏照Photo from 李佳芯 IG

Ali澄清雙方僅工作關係，強調無發展空間

對於有關傳聞，Ali罕有喺IG Story發長文澄清，指喺2020年8月由同事介紹認識陳恩德，期間都有就各種工作展開過洽談，但均未達成共識，所以就無合作到。

對於有關傳聞，Ali罕有喺IG Story發長文澄清Photo from 李佳芯 IG

直到2021年尾，因微電影計劃先再同對方用電話聯繫。Ali又指酒店商談後傳出緋聞，為免再惹誤會雙方已無見面。最後佢重申同「陳生」每次見面只限於工作洽談，從來無發展過任何關係，強調：「今後亦不會有任何發展空間，在此釐清。」

Ali重申同「陳生」每次見面只限於工作洽談，從來無發展過任何關係，強調：「今後亦不會有任何發展空間，在此釐清。」Photo from 李佳芯 IG

「蟲草大王」陳恩德稱尊重Ali，仍當對方係朋友

而對於Ali「落閘」稱無發展可能，「蟲草大王」受訪時表現無奈，佢表示會尊重Ali講嘅嘢，又指Ali可能做呢行有好多包袱。佢承認喺酒店被影到後同Ali都少咗聯絡，但表示唔會影響朋友關係。

「蟲草大王」陳恩德表示會尊重Ali講嘅嘢，又指Ali可能做呢行有好多包袱Photo from 蟲草大王 陳恩德 Facebook

「蟲草大王」公司本來舉辦活動將會邀請Ali出席，但喺最新傳媒邀請上Ali卻「無影」，陳恩德指本來傾好咗Ali會出現，但由於「TVB一啲唔合理嘅要求」，所以佢主動叫對方唔使出席。

「蟲草大王」公司本來舉辦活動將會邀請Ali出席，但喺最新傳媒邀請上Ali卻「無影」Photo from TVB

「蟲草大王」陳恩德指TVB唔尊重佢，直言會抽起晒啲廣告

喺活動完結後蟲草大王稱問過Ali本人同佢經理人，佢哋都表示可以照常出席，但TVB方面則稱如果Ali出席，就唔可以同陳恩德合照，即使大合照都要保持距離，陳生覺得咁樣好唔尊重同唔合理。

活動完結後蟲草大王稱問過Ali本人同佢經理人，佢哋都表示可以照常出席Photo from 李佳芯 IG

TVB方面則稱如果Ali出席，就唔可以同陳恩德合照，即使大合照都要保持距離，陳生覺得咁樣好唔尊重Photo from 蟲草大王 陳恩德 Facebook

陳恩德又指曾私下聯絡Ali，對方稱呢個決定係TVB嘅意思，佢認為自己每年喺無綫投放過千萬廣告費，咁樣好唔尊重，更決定會抽起晒啲廣告，佢直言：「樂易玲要畀個交代我。」

「蟲草大王」認為自己每年喺無綫投放過千萬廣告費，咁樣好唔尊重，更決定會抽起晒啲廣告Photo from 蟲草大王 陳恩德 Facebook

陳恩德直言：「樂易玲要畀個交代我。」Photo from 樂易玲 IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

李佳芯與「蟲草大王」戀情曝光？！好姊妹爆未同陳炳銓分手已發展三角戀

25 Jan 2022

李佳芯（Ali）感情生活一直備受關注，佢同前男友陳炳銓分手後被爆獲城中富商力追，更被影到同「蟲草大王」陳恩德酒店密會，雖然Ali否認戀情但最近有報道指佢其實早同「蟲草大王」秘戀一年！

李佳芯（Ali）感情生活一直備受關注Photo from 李佳芯 IG

李佳芯與陳炳銓結束7年情，恢復單身

現年39歲嘅李佳芯事業發展唔錯，早就拎過視后嘅佢憑《愛美麗狂想曲》獲「最受歡迎電視女角色」，事業得意，而喺愛情方面Ali嘅感情狀態亦受外界關注。

早就拎過視后嘅Ali憑《愛美麗狂想曲》獲「最受歡迎電視女角色」Photo from 李佳芯 IG

Ali同舞台劇演員陳炳銓拍拖多年，不過佢上年被揭搬出愛巢，宣布恢復單身，結束7年情嘅Ali亦坦承有追求者，但就指需要啲時間接受一段新戀情。

Ali同舞台劇演員陳炳銓拍拖多年，不過佢上年被揭搬出愛巢，宣布恢復單身Photo from 陳炳銓 IG

獲城中富商出動造雪機追求，Ali澄清

Ali分手後有傳獲城中富商力追，更不惜出動人造雪機製造浪漫雪景氹Ali開心。Ali曾澄清對方係其中一個生意夥伴，佢表示對方公司有部人造雪機，試開過一次畀佢睇，所謂「力追」只係外界誤會。

Ali分手後有傳獲城中富商力追，更不惜出動人造雪機製造浪漫雪景氹Ali開心Photo from 李佳芯 IG

被影到密會「蟲草大王」陳恩德，Ali稱只係生意夥伴

不過追求者「城中富商」真實身份一直神秘，直至2021年11月Ali被影到同「蟲草大王」陳恩德（Mark）喺酒店密會兩個鐘，離開時Ali更登上男方名下七人車，令緋聞越傳越烈！

2021年11月Ali被影到同「蟲草大王」陳恩德（Mark）喺酒店密會兩個鐘Photo from TVB

之後ALi斬釘截鐵表示同對方只係生意合作關係，絕對無私下聯絡。點知最近有自稱係Ali好姊妹爆料指Ali早已同「蟲草大王」發展超過一年。

最近有自稱係Ali好姊妹爆料指Ali早已同「蟲草大王」發展超過一年。Photo from 李佳芯 IG

疑Ali好姊妹爆一腳踏兩船？！

爆料稱Ali當時甚至仲未同前男友陳炳銓分手，男方更於聖誕節親自製造人造雪為Ali送上驚喜，地點正係男方九龍塘畢架山豪宅內花園，更曝光Ali同男方合照，力證二人關係親蜜。

爆料稱Ali當時甚至仲未同前男友陳炳銓分手，男方更於聖誕節親自製造人造雪為Ali送上驚喜，地點正係男方九龍塘畢架山豪宅內花園Photo from 李佳芯 IG

除此之外，仲有多張疑似係蟲草大王以「男友視角」拍攝嘅相片流出，爆料指為氹Ali開心，蟲草大王更花心機設計咗一個「心」字圖案，搵人鑲嵌成鑽石心口針送畀Ali做訂情禮物。

仲有多張疑似係蟲草大王以「男友視角」拍攝嘅相片流出Photo from 李佳芯 IG

爆料指為氹Ali開心，蟲草大王更花心機設計咗一個「心」字圖案，搵人鑲嵌成鑽石心口針送畀Ali做訂情禮物。Photo from 李佳芯 IG

「蟲草大王」陳恩德背景超強

人稱「蟲草大王」嘅陳恩德曾試過炒股破產，2002年佢同家人創立醫藥品牌，旗下產品以「藥箱都變成首飾箱」呢個口號深入民心，品牌早於幾年前成功上市。

人稱「蟲草大王」嘅陳恩德曾試過炒股破產，2002年佢同家人創立醫藥品牌Photo from 蟲草大王 陳恩德 Facebook

旗下產品以「藥箱都變成首飾箱」呢個口號深入民心Photo from 蟲草大王 陳恩德 Facebook

身為上市公司CEO，佢亦係香港古董車收藏家，作為古董車發燒友，淨係勞斯萊斯佢已有10架，連印度王室坐駕都係佢嘅珍藏之一！雖然佢表示無特別計用咗幾多錢買名車，但見到佢咁多珍藏，相信無返咁上下財力絕對買唔到！

陳恩德仲係香港古董車收藏家Photo from TVB

作為古董車發燒友，淨係勞斯萊斯陳恩德已有10架，連印度王室坐駕都係佢嘅珍藏之一！Photo from TVB

雖然陳恩德表示無特別計用咗幾多錢買名車，但見到佢咁多珍藏，相信無返咁上下財力絕對買唔到！Photo from TVB

Ali IG Story長文回應緋聞

Ali發長文稱同陳恩德於2021年尾因微電影而約喺酒店會談，但為免再惹誤會，之後已再無見面。Ali又澄清從未同對方發展任何關係，更直言以後都唔會有咩發展空間！

Ali IG Story長文回應緋聞Photo from 李佳芯 IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

TVB李佳芯新戀情娛樂新聞