download HolidaySmart 假期日常 app
沈月罕有公開妹妹沈日素顏近照!被網民讚越大越靚!將來有望入行?

沈月罕有公開妹妹沈日素顏近照!被網民讚越大越靚!將來有望入行?

娛樂新聞
By Stephanie on 27 Jan 2022
Digital Content Writer

擁有「最美星二代」之稱嘅邱淑貞大女沈月樣貌清秀,仲獲得各大品牌邀請出席活動。最近,沈月就將鮮少公開露面嘅妹妹沈日嘅近照曝光咗,引起網民關注!

沈月最近就曝光咗妹妹沈日嘅近照!Photo from 沈月IG

# 邱淑貞婚後育有3個女兒!

「一代女神」邱淑貞同時裝品牌 I.T CEO沈嘉偉結婚後,育有3個囡囡:分別係沈月、沈日同埋沈晨,非常幸福!

邱淑貞一家五口喺2018年睇張學友演唱會時罕有地留下倩影!Photo from 劉嘉玲IG

# 大女沈月成為時裝界新寵兒!

現年20歲嘅沈月就盡得媽媽嘅真傳,無論係身材定外表都同年輕時期嘅邱淑貞有幾分相似,獲網民封為「最美星二代」!而佢最近仲經常獲時尚品牌邀請做model,曝光率都算係非常高!

沈月被網民稱為「最美星二代」!Photo from 沈月IG

最近亦成為時裝界新寵兒,獲邀出席品牌活動以及拍攝廣告Photo from 沈月IG

# 另外2個女兒比較少露面!

而沈月嘅兩位妹妹就比較低調,甚少出現於公開場合,行蹤十分神秘。日前,沈月就公開咗妹妹沈日嘅素顏近照,隨即引起網民熱烈關注!

邱淑貞曾經同沈月、沈日一起出席活動;不過細囡就沈晨就絕少露面!Photo from 沈月IG

兩姐妹感情非常好!Photo from 沈日IG

# 沈月公開妹妹沈日近照!

由沈月上載嘅IG story所見,二妹沈日身穿睡衣可愛咁攬住愛犬,而佢亦寫上:「my two cuties」,同妹妹嘅感情非常好~雖然沈日素顏上鏡,不過佢嘅五官都非常標緻,加上燦爛嘅笑容,簡直就係青春無敵!;而網民亦大讚沈日越大越似媽媽喇!

沈月最近將妹妹沈日嘅素顏近照曝光,獲網民大讚越大越靚!Photo from 微博

# 沈日將來有望晉身娛樂圈?!

據悉,沈日小時候就已經同媽媽一樣十分有表演慾,並期望將來有機會踏入娛樂圈!但邱淑貞就要求囡囡先以學業為重,留待畢業後再作打算。而過往沈日就被外界覺得比較似爸爸沈嘉偉,而且氣質亦同姐姐完全唔同,走「ABC」同埋健康性感風!

沈日嘅穿衣風格同氣質都同姐姐沈月非常唔同!Photo from 沈日IG

沈日亦遺傳到媽媽嘅優良基因,擁有一雙大長腿Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

沈月身穿粉色低胸晚裝拍廣告! 網民大讚:遺傳咗媽媽嘅好身材!

7 Dec , 2021

邱淑貞大女沈月無論身材或者樣貌都同邱淑貞年輕時非常相似,成功獲得媽媽嘅優良基因,被網民稱為「最美星二代」!最近,沈月就為珠寶品牌拍攝廣告,身穿粉紅色吊帶裙嘅佢少女味十足,獲得唔少網民嘅稱讚。

沈月一直都被網民大讚深得媽媽邱淑貞嘅真傳,基因超好!Photo from 沈月IG

# 沈月成為新一代時裝界寵兒!

現年20歲嘅沈月係一代性感女神邱淑貞嘅大女,繼承到媽媽嘅驕人身材同顏值嘅佢亦係網民心目中嘅「最靚星二代」!一直以來佢都備受網民關注,喺未出道前就已經擁有逾19萬嘅粉絲,威力實在非同凡響~而家沈月已經成為咗新一代嘅時尚寵兒,周不時都可以喺時尚雜誌或者品牌贊助照片見到佢嘅身影。

邱淑貞大女沈月近年成為唔少時尚品牌嘅新寵!Photo from 沈月IG

沈月獲網民稱為「最美星二代」!Photo from 沈月IG

# 接拍珠寶廣告

日前,沈月為珠寶品牌拍攝廣告宣傳片段,穿上粉紅色晚裝短裙嘅佢少女味十足!喺廣告宣傳片中,沈月不停於珠寶店裡面游走,而佢每當佢用手觸到首飾嘅時候,飾物就會自動戴上喺佢身上,夢幻感滿分~而片中沈月驚喜生動嘅表情以及甜美嘅笑容,的確同商品十分合襯!

沈月最近為珠寶品牌拍攝廣告影片。Photo from 沈月IG

沈月甜美嘅笑容搭配粉紅色晚裝,超級青春!Photo from 沈月IG

# 大晒完美身材!

而沈月嘅晚裝亦完美咁將佢嘅好身材顯露出來,令唔少網民都大讚「同邱淑貞後生一模一樣啊!」、「基因真係好優良」等留言。有指,今次沈月拍廣告係為未來嘅幕前演出作準備,各位粉絲可以拭目以待喇~

沈月身穿嘅吊帶晚裝仲成功大晒佢嘅好身材!Photo from 沈月IG

有傳,沈月未來可能將會進軍幕前拍攝。Photo from 沈月IG

# 網民爭論:邱淑貞後生時靚啲!

儘管大部分網民都讚嘆沈月嘅美貌,仍然有部份網民認為媽媽邱淑貞年輕時期更加靚!有網民就直指兩母女嘅風格可以話係截然不同:邱淑貞年輕時期非常有氣質,俾人一種清新脫俗嘅感覺;相反沈月喺IG上載嘅照片大多都身穿連身裙,比較似「豪門千金」嘅感覺。

邱淑貞過往憑著美貌,獲網民稱為女神!Photo from 台灣節目《雞同鴨講》

邱淑貞年輕時期氣質非凡。Photo from 《賭神》

有網民認為兩母女嘅風格完全唔同,沈月衣著比較成熟!Photo from 沈月IG

# 認為沈月衣著太成熟?!

網民曾經喺討論區表示覺得沈月只不過係因為衣著以及妝容比較成熟,有啲唔符合佢現時嘅年齡,所以先會令人覺得有啲違和感!

有網民曾經表示係因為沈月衣著太成熟!Photo from 連登討論區

現年20歲嘅沈月經常都會身穿高貴連衣裙,網民覺得唔太合襯?!Photo from 沈月IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel