download HolidaySmart 假期日常 app
諸葛紫岐大晒名牌戰利品!卻被網民指唔識欣賞?對名牌大logo情有獨鍾!

諸葛紫岐大晒名牌戰利品!卻被網民指唔識欣賞?對名牌大logo情有獨鍾!

娛樂新聞
By Stephanie on 27 Jan 2022
Digital Content Writer

諸葛紫岐(Marie)自同Neway太子爺薛嘉麟結婚後,就過著幸福少奶奶生活~而佢亦周不時喺社交平台上大晒豪宅以及奢華名牌行頭,但就被網民指穿衣品味俗氣?!

諸葛紫岐最近向網民開始share購物後嘅戰利品,不過有網民就指唔太理解佢嘅穿衣品味!Photo from 諸葛紫岐IG

# 諸葛紫岐婚後淡出娛樂圈!

現年38歲嘅諸葛紫岐(Marie)本身係一位模特兒,仲因為曾自稱係「諸葛亮第63代後人」而備受網民關注!2012年,佢同Neway二太子爺結婚後就淡出娛樂圈,相夫教子,過著少奶奶嘅生活~

2012年,諸葛紫岐同Neway太子爺薛嘉麟結婚Photo from 諸葛紫岐IG

結婚後,二人育有兩名兒子!Photo from 諸葛紫岐IG

# 熱愛購買名牌!

變成豪門少奶奶嘅諸葛紫岐亦非常熱愛購買名牌包包同服裝,當中包括:Hermès、Chanel、Gucci等,仲經常喺IG同大家分享佢嘅奢華生活。

結婚後,諸葛紫岐淡出娛樂圈,過幸福少奶奶生活~Photo from 諸葛紫岐IG

經常都會喺IG同大家分享佢嘅生活Photo from 諸葛紫岐IG

# 拍片大晒Chanel戰利品!

日前,諸葛紫岐就開直播同大家開箱Chanel 2022春夏系列嘅戰利品,當中包含衣服、鞋子、手袋等,全部都過萬蚊!其中佢所展示嘅Chanel 22P限定版黑色Mini Classic Flap 配獅子吊飾就係非常搶手嘅熱門產品,足足要$4,2000港幣!

諸葛紫岐拍攝影片大晒Chanel 2022春夏新款!Photo from 諸葛紫岐IG

其中佢購買嘅Chanel 22P限定版黑色Mini Classic Flap 配獅子吊飾售價大約係$42,000!Photo from 諸葛紫岐IG

# 卻被網民指品味俗氣?!

由影片中所見,諸葛紫岐今次購買嘅單品粗略估計都要十幾萬,果然非常豪爽!不過有網民就似乎唔係咁認同佢嘅服裝品味喇,覺得部分衣服嘅款式以及顏色太過俗氣,「點解會有淘寶feel...」、「果然有錢唔代表有品味!」等。

就咁睇諸葛紫岐今次嘅戰利品都足足要十幾萬!Photo from 諸葛紫岐IG

但有網民就表示唔係好認同佢嘅服裝品味喇?!Photo from 諸葛紫岐IG

# 偏愛名牌大Logo服飾!

翻查諸葛紫岐嘅IG照片,就會發現佢大部分嘅行頭都係來自高級奢華名牌,而且佢仲特別鍾情於名牌標誌性嘅大Logo或者圖案,令大家可以一眼就清楚睇到佢身穿嘅服裝係邊個牌子!

諸葛紫岐一向都對名牌情有獨鍾Photo from 諸葛紫岐IG

佢仲特別鍾情於名牌大logo!Photo from 諸葛紫岐IG

亦都好鍾意具代表性嘅名牌標誌或者款式!Photo from 諸葛紫岐IG

# 經常大晒豪宅靚海景!

除咗鍾意開心share自己身上嘅行頭之外,諸葛紫岐仲會經常喺市價約2億嘅半山豪宅拍照,成日都以無敵大海景作為相片嘅背景,望住咁靚嘅景色又的確好適合打卡嘅~

諸葛紫岐不時大晒2億西半山豪宅嘅靚景色!Photo from 諸葛紫岐IG

成日都會喺屋企打卡㗎~Photo from 諸葛紫岐IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

諸葛紫岐狂晒半山海景豪宅+40萬名牌袋被批炫富!闊太行頭誇過甘比 網民:真正有錢人仲低調

26 Feb , 2021

諸葛紫岐自嫁咗畀Neway太子爺薛嘉麟後晉身為豪門闊太,不時喺IG大晒名媛生活。做咗少奶奶嘅佢豪晒半山豪宅名牌手袋,被網民指炫富!

諸葛紫岐自嫁咗畀Neway太子爺薛嘉麟後晉身為豪門闊太Photo from 諸葛紫岐IG

諸葛紫岐今年37歲,佢本來喺香港做模特兒,亦有參演少量電影、電視劇。不過佢喺2012年同Neway太子爺薛嘉麟結婚後就專心做豪門少奶奶。

諸葛紫岐今年37歲,佢本來喺香港做模特兒Photo from 諸葛紫岐IG

佢為薛家誕下兩子,平時會喺IG分享日常超豪生活包括名牌行頭、半山海景豪宅等。

諸葛紫岐平時會喺IG分享日常超豪生活包括名牌行頭、半山海景豪宅等。Photo from 諸葛紫岐IG

有指諸葛紫岐買入位於半山價值$2億嘅豪宅,面積達4,000呎,仲坐擁無敵海景,而諸葛紫岐亦最愛喺180度靚view窗前擺pose打卡。

諸葛紫岐住喺位於半山價值$2億嘅豪宅,面積達4,000呎,仲坐擁無敵海景Photo from 諸葛紫岐IG

諸葛紫岐亦最愛喺180度靚view窗前擺pose打卡。Photo from 諸葛紫岐IG

除咗豪宅,諸葛紫岐出入都有名車接送,佢亦會影坐車相,以一身名牌示人!

諸葛紫岐出入都有名車接送Photo from 諸葛紫岐IG

諸葛紫岐以一身名牌示人!Photo from 諸葛紫岐IG

喺諸葛紫岐IG經常會有唔同嘅名牌手袋出現,幾乎唔會重複,LV、CHANEL、GUCCI唔少得,連生日都喺名店過,絕對係名店嘅VVIP,生日仲會為佢準備好蛋糕,認真巴閉!佢更豪晒價值$40萬Hermès袋,高調晒命!

諸葛紫岐IG經常會有唔同嘅名牌手袋出現Photo from 諸葛紫岐IG

諸葛紫岐IGPhoto from 諸葛紫岐IG

諸葛紫岐生日都喺名店過Photo from 諸葛紫岐IG

諸葛紫岐豪晒價值各款名牌手袋Photo from 諸葛紫岐IG

雖然奢華闊太生活對佢嚟講係日常,但有唔少網民認為佢炫耀自己名媛身價,有炫富之嫌。亦有人將甘比與諸葛紫岐作比較,指真正有錢人反而仲低調。

有唔少網民認為諸葛紫岐炫耀自己名媛身價,有炫富之嫌Photo from 諸葛紫岐IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel