波波黃婧靈大談身材豐滿6大煩惱 背痛、難買衫 仲有呢樣搞到好吝盡？！
TVB J2台新節目《冇人性教育》又歐陽偉豪（Ben Sir）、黃婧靈（波波）、黃紫恩（Jojo）、胡敏芝（Karen）和吳兆麟（Alan）等人主持。嚟到最新一集，眾人大談女性乳房大小問題，一向以好身材見稱嘅波波，細數身材太豐滿嘅6大煩惱！
Photo from 黃婧靈 波波 IG
《冇人性教育》主持大談cup數問題
《冇人性教育》係一個以分享性知識為主嘅節目，新一集中，主持首先將不同cup數重量比喻為各種物件，讓大家更易理解女性感受，並解說正確答案為：「A cup = 紙巾8包、B cup = 雞蛋4隻、C cup = 蘋果2個、D cup = 電話4部、E cup = 廁紙6卷」 。
Photo from 《冇人性教育》TVB
波波細數豐滿身材6大煩惱
之後，波波與吳兆麟組成一組，大講身材太豐滿嘅煩惱，二人總結出共6個缺點，分別為：負荷太重、背痛、跑步運動時容易晃來晃去、難買衫、容易吸引別人目光、以及進食時較易整污糟衣物，咁就好吝盡。波波話太重就會引伸去背痛嘅問題，「因為你個心口重啊嘛，個膊頭每一日個負荷都好重，又會揈嚟揈去，行或者跑嘅時候就會好奇怪。」
Photo from 《冇人性教育》TVB
「買衫難，又容易吸引目光」
波波坦言身材豐滿容易被其他人望，就連揀衫都要多加注意，內衣款就更難買，「所以你揀衫都一定要好小心，如果你着啲貼身啲嘅話，或者係低胸少少，有人就會話『咁你着得胸衫，或者你啲衫係咁樣，係你問題啦！』、『你預咗㗎啦！』但係其他人着又得。」
Photo from 《冇人性教育》TVB
覺得咩cup最好？
吳兆麟被戴上Bra及2個生果嚟感受豐滿女生感受，佢估計豐滿女生食嘢時會較容易弄污衣物，「凸出嚟... 餸汁會滴落去」。而談論到最理想嘅大小，波波就認為C係最好，因為著衫好睇得嚟有啲線條，「我覺得嗰啲女仔最開心，有少少嘢睇吓，又唔會太多，又唔會太少。」
Photo from 《冇人性教育》TVB
身材扁平較少煩惱？
而胡敏芝則同Ben Sir一組，寫出佢哋認為身材較扁平嘅煩惱，分別係會被當成男生取笑，而且背斜孭袋會無咁穩陣，「hold唔住條繩，所以成日要索低個斜孭袋去腋下」。其他人聽罷都出奇表示其實煩惱唔多，胡敏芝都同意，亦表示咁樣幾快樂，最緊要有自信同愛自己就得。
Photo from 《冇人性教育》TVB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
