download HolidaySmart 假期日常 app
淘寶「大媽衫」專用模特兒真身曝光!自爆薪酬高!最多一日換400套衫

淘寶「大媽衫」專用模特兒真身曝光!自爆薪酬高!最多一日換400套衫

生活熱話
By Stephanie on 28 Jan 2022
Digital Content Writer

網絡世界非常方便,唔少服裝店都會開設自己嘅網頁,等大家可以喺網上購物!當中內地大型網購平台淘寶就有一位中老年服裝專用模特兒梁曉晴,已經從事呢份工作長達11年。而佢最近就暴露自己嘅真實年齡,令唔少網民都感到非常驚訝!

於淘寶擔任中老年女裝模特兒嘅梁曉晴真實年齡曝光!Photo from 梁曉晴小紅書

# 網購已經成為大家日常生活!

網購已成為咗唔少人日常生活嘅一部分,加上疫情緣故,喺網上購物嘅人數亦隨之而增加~其中內地知名網購平台「淘寶」就係唔少內地人最鍾意使用嘅購物網站,售賣嘅貨品應有盡有,包含:服裝、家電、玩具等。

內地知名購物平台淘寶係唔少人網購嘅熱門網頁!Photo from 淘寶網

# 「大媽」服裝專用model真身曝光!

其中淘寶亦有出售中老年女士嘅服裝,而且幫襯嘅客人都非常多㗎~當中有一位似乎係中老年女士服裝嘅專用女模特兒,喺唔少網站都能夠尋找到佢嘅身影。然而,該女模特兒其實係現年29歲嘅梁曉晴,但就已經足足踏足呢個行業11年咁耐!

淘寶網站內有負責擔任中老年女士服裝嘅模特兒!Photo from 微博

然而呢位模特兒其實只係年僅29歲嘅梁曉晴!Photo from 梁曉晴 小紅書

# 原來實際上係一位90後?!

來自北京嘅梁曉晴出生於1992年,小時候嘅夢想係成為空姐或者模特兒,所以細細個就好鍾意不停擺pose影相!喺一次機緣巧合之下,有攝影師就邀請佢成為「 中老年女裝」嘅模特兒,認為佢肩膀寬、身形高挑、臉部圓潤等,非常適合carry該類別嘅服裝。

梁曉晴小時後夢想成為模特兒或者空姐Photo from 梁曉晴微博

不過就被攝影師邀請擔任中老年服裝模特兒!Photo from 梁曉晴微博

# 大爆收入非常高!

梁曉晴直言本身聽到對方咁樣講,心裏的確有啲唔樂意,加上服裝比較成熟,化妝以及髮型都令佢瞬間睇落好奇怪。而梁曉晴就坦承收入高係打動佢嘅原因,最多曾經一日賺取2,500蚊「小錢包厚到拉不上拉鏈」!

起初梁曉晴並唔樂意做呢個工!Photo from 梁曉晴微博

但做模特兒嘅薪水非常高,成為咗打動佢嘅唯一原因!Photo from 梁曉晴小紅書

# 幸運獲得同行青睞,現時已經購買2個物業!

最幸運嘅就係梁曉晴第一次擔任模特兒後,其中一款嘅服裝就非常受歡迎,足足賣出咗9萬件!而佢亦因此而喺同行內變得有名氣,獲得唔少商店邀請做model。佢直認當時完全唔敢同朋友講現時嘅職業,「沒有人願意去拍,大家都覺得做中老年模特很可笑,競爭性比較小,而我就搶到機會」,但而家就已經靠自己努力喺北京以及杭州買樓置業!

梁曉晴成功憑呢份工作賺取唔少錢,仲喺北京同杭州買樓!Photo from 梁曉晴微博

# 曾一日換400件衫!

卸妝後嘅梁曉晴立刻減齡20年,而佢就話中老年服裝照片拍攝速度快,最高試過一日換400件衫,平均每個鍾著40件衫;旺季嘅時候仲只係可以瞓3小時!而佢就話現時嘅中老年衣服已經比以前變得更加時尚,店家亦將盤髮改成頭髮半盤,希望可以迎合消費者。

最高峰時期,梁曉晴曾經一日為400件衫拍照!Photo from 梁曉晴微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

內地推出「禁止炫富」新政策!大晒名牌收據/購物戰利品 一律都唔俾?!

29 Dec , 2021

近來,內地為咗整頓社會風氣,唔單止開始嚴格管理娛樂圈藝人嘅品行,仲實行咗唔少政策嘗試糾正大眾嘅行為。最近,內地又再公佈新政策「禁止網絡炫富」,一旦喺社交媒體見到有炫富嘅post或者圖片都會被刪除!

內地正積極打擊「網絡炫富」文化!Photo from 羅志祥IG

# 內地積極打擊「網絡炫富」!

近年,內地嘗試整頓社會風氣,先係管理娛樂圈藝人嘅品行,然後再推出唔同嘅措施俾大眾,分別有:「限制未成年青少年打機時間」、「禁止娘砲文化」等,花盡心思!日前,有傳內地將會再推出新政策「禁止網絡炫富」!

早前,內地已經開始實施嚴格管理未成年少年打遊戲機嘅時間。Photo from TVB

內地最近推出禁止網絡炫富,大力打擊呢個風氣!Photo from 黃子韜微博

# 抖音已刪除大量有關「炫富」嘅影品及帳號!

其實內地一直都致力改善緊「貧富懸殊」嘅問題, 希望達到社會和諧。早於今年3月,內地知名社交平台「抖音」就已經率先「清除」有關炫富嘅帖文,認為佢哋有損社會公序良俗,部份帳號仲因此而被永久封禁!當時,抖音就已經一共刪除接近3,000條影片以及封禁咗約4,000個帳號。

今年3月,抖音就已經率先開始禁止網絡炫富!Photo from 黃子韜微博

當時唔少抖音就已經刪除約3,000條影片以及封咗約4,000個帳號。Photo from 黃子韜微博

# 將長期管理用戶上載內容!

根據內地媒體報導,抖音未來都將會全面打擊平台上嘅所有違規行為,而管理嘅內容包括有宣揚拜金主義、幻想暴富等嘅生活方式都被佢哋視為不良行為。有用戶就曾經因為上載喺屋企大量拋撒現金,而被禁止使用!

有用戶因為上載喺屋企晒現金嘅影片,而被禁止使用!Photo from 微博

內地另一個社交平台「小紅書」亦「處理」咗接近9,000個疑似「炫富」嘅帖文,並向接近300個用戶發出提醒。

內地社交平台小紅書亦禁止炫富行為!Photo from 微博

# 「網絡炫富」定義含糊?!

其實內地尚為對「網絡炫富」一詞立下標準嘅定義,但就暫時列舉咗幾個例子,例如「展現購買收據」、「點過多嘅餸菜」、「刻意展現名牌」等,亦即係話大家買完戰利品想喺網上開心share;或者一大班人食大餐都分分鐘被喻為違規行為喇!

展示買名牌等嘅收據都可能會成為違規行為!Photo from 小紅書(非當事人)

網民以後想開心share購物戰利品之前,可能都要小心啲先得喇!Photo from 黃子韜微博

唔少網民都好奇喺呢個政策下,將會影響咗一批為名牌宣傳嘅網紅或者藝人。其實一直以來唔少藝人都會喺社交平台都大晒名牌收藏品,其中黃子韜、周揚青本身就已經係富二代嘅藝人們,就經常都會喺網上share佢哋嘅富貴生活,睇嚟呢班藝人以後都要小心啲先得喇!

吳啟華熱愛名錶就大家都知道,而佢仲經常拍片大晒Rolex收藏!Photo from 吳啟華抖音

周揚青不時都會大晒名牌袋以及波鞋收藏。Photo from 周揚青IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel