內地女模飽受情傷 決定人工受孕誕混血3胞胎 身兼父職年花百萬供書教學

內地女模飽受情傷 決定人工受孕誕混血3胞胎 身兼父職年花百萬供書教學

生活熱話 娛樂新聞
By Cheryl on 28 Jan 2022
Digital Editor

現今科技發達,雖然未必個個認同,但生兒育女唔再一定要完整家庭才能做到。內地一名飽受情傷嘅女子一直渴望成為人母,單身嘅佢在4年前決定咗試管嬰兒,並誕下混血三胞胎。之後佢身兼父職,雖然被批導致小孩無爸爸,但佢自信表示自己有足夠錢養兒,更認為子女長大知道真相後會理解自己。

內地女模特李雪珂單身,用試管嬰兒誕下混血三胞胎
Photo from 李雪珂微博

內地女模特單身家庭出身

綜合內媒報道,呢名內地女子係一名模特兒,來自山東,叫李雪珂,今年33歲。父母喺佢3歲時離婚,之後佢與母親相依為命。母親為照顧佢一直保持單身,父親則再婚育有一兒。

李雪珂高中後展開模特兒生涯
Photo from 李雪珂微博

情路不順,幸有母親支持事業

李雪珂5歲開始學民族舞,高中畢業後憑顏值與努力簽約模特兒公司。累積經驗與名氣後,佢在2008年從上海回老家鄉開設模特兒學校。一直陪伴佢嘅母親為咗支持女兒事業,更不惜賣掉唯一擁有嘅房屋。幸好,李女嘅模特學校發展不錯,漸漸開始有盈利,如今更擴展至12個校區。李女自2013年亦開始經營電商,收入頗為可觀。

李雪珂及後開設模特兒學校
Photo from 李雪珂微博

李女經歷過數段戀情但都無疾而終,令佢覺得難以再全心全意地投入一段感情,雖然佢好想成為人母,但又唔想為咗生仔才結婚。因此在4年前,當年29歲嘅李女漸漸有了一個人生仔嘅諗法。

李雪珂在感情路上雖然不順利,但仍希望成為人母
Photo from 李雪珂微博

懷試管嬰兒圓母親夢

2018年秋天,李女到泰國考察3個月後,終透過中介選定一間做試管嬰兒嘅醫療機構。之後佢打排卵針、取卵,再嚴選一名英國男子嘅精子,一次植入3個胚胎,全部都著床成功,佢之後為保胎仲打咗140多針黃體酮。

李雪珂選擇用試管嬰兒方法懷孕
Photo from 李雪珂微博

曾陷產後抑鬱

李女曾試探媽媽對試管嬰兒睇法,但媽媽因擔心外界眼光,又認為女兒獨自育兒太辛苦,所以堅決表明反對。因此,李女只好隱瞞懷孕一事,從泰國回家後亦未有告知母親事實,並以工作為由一人到湖南安胎。

廣告
廣告

李雪珂選了一名英國男子懷試管嬰兒,終誕下混血三胞胎
Photo from 李雪珂微博

2019年7月,李女在醫院剖腹誕下三胞胎,當佢就快坐月完畢時,媽媽始知佢懷孕生子,令佢心痛內疚。雪上加霜嘅係,3名子女每天哭個不停,又爭相要母親注意,李女頓感自己成為餵奶機器,所以一度陷入產後抑鬱。

誕下三胞胎初期,李雪珂為照顧佢哋非常辛苦
Photo from 李雪珂微博

而且,剖腹產留下嘅疤痕亦令佢感到焦慮,佢曾為祛疤而接受5次治療,每次打十多針,惟效果不太明顯。後來,李女終學懂接受一切,並振作起來身兼父職照顧3個小孩。

李雪珂獨力照顧三名孩子
Photo from 李雪珂微博

多年努力工作,有信心夠本育兒

李女透露,現時照顧3名子女每月開銷近10萬人民幣(約12萬港元),當中請3名保姆費用已需2萬人民幣(約2.5萬港元)。佢亦計劃將子女送到杭州一間私立幼稚園,一年要花費100多萬人民幣(約123萬港元)。雖然洗費高,但李女深信自己能夠應付,「假如我未來不能賺錢了,靠現有的資產養他們3個到成年,應該也是不成問題的,所以我才有底氣生3個小孩。」

李雪珂相信以自己嘅事業收益能夠養育三名孩子
Photo from 李雪珂微博

相信子女將來會明白自己

李女坦言自己唔係天生嘅「白富美」,而係全靠自己堅毅與努力先能擁有現時嘅生活與成就。佢不時受到網民揶揄其3名子女沒有爸爸,單親家庭長大嘅李女則表示現今有太多不負責任嘅父親,其實「爸爸」好多時只係一個稱呼,「要是爸爸對媽媽不好,還會影響到孩子,爸爸便沒有那麼重要。」 佢更指,他日子女長大後,問點解自己無爸爸時,佢都會實話實說,隨著時代更開放,佢相信子女自會理解。

李雪珂相信孩子將來會明白自己當初懷試管嬰兒嘅決定
Photo from 李雪珂微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

Share to Facebook
Our Videos
官方影片
You may also like
你可能也喜歡
日本87歲爺爺退休變身潮流教主 穿起孫兒潮服即爆紅 IG擁過14萬粉絲
日本87歲爺爺退休變身潮流教主 穿起孫兒潮服即爆紅 IG擁過14萬粉絲
21 hours ago
19歲少男成功向76歲女子求婚 相差57歲嫲孫戀 網民質疑背後有陰謀?
19歲少男成功向76歲女子求婚 相差57歲嫲孫戀 網民質疑背後有陰謀?
21 hours ago
19歲少女與65歲伯伯閃婚!新郎豪送37萬禮金+房屋/新車!強調並非為錢而出嫁!
19歲少女與65歲伯伯閃婚!新郎豪送37萬禮金+房屋/新車!強調並非為錢而出嫁!
a day ago
曾志偉宣布重啟經典《獎門人》,稱有信心挽救收視,網民反應一面倒!
曾志偉宣布重啟經典《獎門人》,稱有信心挽救收視,網民反應一面倒!
a day ago
阿嬌鍾欣潼為勝出遊戲直言「我結過婚」,獲讚EQ高!靠2招瘦身成功!網民翻出減肥心得影片,卻聽得一頭霧水?!
阿嬌鍾欣潼為勝出遊戲直言「我結過婚」,獲讚EQ高!靠2招瘦身成功!網民翻出減肥心得影片,卻聽得一頭霧水?!
a day ago
《黑豹2》將向已故Chadwick致敬!黑豹妹直言面臨很多困難!黑豹女神加盟《雷神4》連接續集?
《黑豹2》將向已故Chadwick致敬!黑豹妹直言面臨很多困難!黑豹女神加盟《雷神4》連接續集?
a day ago
Hottest Articles
最熱文章
內地女於LV專櫃買手袋,經鑑定為假貨!賠償逾8.7萬,LV回應掀熱議
內地女於LV專櫃買手袋,經鑑定為假貨!賠償逾8.7萬,LV回應掀熱議
2 days ago
荃灣豬肉檔AK走紅疑似集團操作?盤點9位素人店員 爆紅後命運超不同!
荃灣豬肉檔AK走紅疑似集團操作?盤點9位素人店員 爆紅後命運超不同!
3 days ago
球賽直播意外揭發多個外遇現場,用人群掩護以為好安全變舉國注視!
球賽直播意外揭發多個外遇現場,用人群掩護以為好安全變舉國注視!
2 days ago
【泰女星墮河案】整合7大新疑點!發現船上再多一名乘客?船隻曾短暫消失1小時?
【泰女星墮河案】整合7大新疑點!發現船上再多一名乘客?船隻曾短暫消失1小時?
3 days ago
苟芸慧帖文再掀婚變傳聞 疑似暗示老公突然消失 心情複雜?
苟芸慧帖文再掀婚變傳聞 疑似暗示老公突然消失 心情複雜?
2 days ago
【尋人記2】「杯麵男」30年後近況公開!從小缺乏家庭溫暖,險誤入歧途!與良師久別重逢場面曝光!
【尋人記2】「杯麵男」30年後近況公開!從小缺乏家庭溫暖,險誤入歧途!與良師久別重逢場面曝光!
a day ago