張敏演新《倚天屠龍記》近照曝光網民：唔認得！王晶大讚文詠珊戲路廣

娛樂新聞

By Cheryl on 31 Jan 2022

Digital Editor

由王晶執導嘅新版《倚天屠龍記》於今天（31/1）在內地上映，演員當中有不少港人熟悉面孔，例如張敏、林峯、古天樂、文詠珊等。近日，相隔29年再出演《倚天》嘅張敏有新造型照曝光，可惜不少網民都對佢嘅近貌感到驚訝，紛紛留言妝容非常顯老。

Photo from 電影倚天屠龍記微博

張敏近照驚呆網民？！

53歲張敏在1993年參演王晶執導嘅電影《倚天屠龍記之魔教教主》，當中飾演趙敏一角成為經典。今次相隔29年，佢再與王晶合作，將在王晶執導嘅新版電影《倚天屠龍記之九陽神功》以及《倚天屠龍記之聖火雄風》裡面亮相。

Photo from 微博

電影嘅官方抖音號日前發佈了「趙敏與小昭跨時空同框」短片，可見張敏造型與當年相若，不過樣子卻有頗大變化，有網民大呼：「成個樣都唔同哂...」、「好顯老」；但亦有網民認為可能係造型師嘅問題，又指：「都成50幾啦，算係咁啦~」

Photo from 抖音

Photo from 連登討論區

Photo from 抖音

Photo from 連登討論區

王晶發文大讚Janice Man

王晶執導嘅新版《倚天屠龍記》開拍以來話題不斷，早前曾有網民直批飾演小昭嘅雲千千，及周芷若嘅邱意濃係「網紅臉」，王晶因此在微博發文反駁。近日佢再次發文，大讚戲中另一主角，飾演趙敏嘅文詠珊 Janice Man。

Photo from 電影倚天屠龍記微博

王晶在帖文寫道，香港電影界被指演員斷層，佢坦誠有呢個趨勢，但認為不至於只有古天樂一人苦撐，「這幾年靠自己的努力打出一片天的就有謝霆鋒和文詠珊。」佢續解釋：「香港人在內地能當女一的也只有JM（Janice Man）了。從《赤道》、《海上牧雲記》的驚豔，再有《唐人街3》的平淡中見演技，《誤殺2》的感人媽媽，《雪中悍刀行》的硬朗二姐，由媚至柔，由柔至平凡，由平凡再臻至剛戲路之寬，即九十年代也無幾人。」

Photo from 電影倚天屠龍記微博

Janice Man當初有機會演周芷若？

大讚一輪後，王晶仲話今次同JM合作非常愉快，佢坦言曾考慮應該畀佢演趙敏還是周芷若，最後決定演前者，「因為如果JM這麼強的演員演周芷若，演趙敏的得多累。而且JM自己也喜歡演趙敏。」而飾演周芷若和小昭嘅邱意濃及雲千千都係新人，王晶認為佢哋可以向JM學演技。王晶亦估計JM在未來依然會大放異彩，又希望好快可以再同佢合作。