張致恒太太雯雯承認懷孕5個月！直播回應避孕問題：呢個唔重要！

娛樂新聞

By Stephanie on 03 Feb 2022

Digital Content Writer

張致恒（Steven）嘅太太區燕雯（雯雯）無預兆地於IG宣佈離婚消息，但最近二人嘅感情似乎突然出現轉機！近日，雯雯就開IG直播回應網民一直以來嘅疑問，仲親口承認已經懷孕大約5個月？！

Photo from 張致恒IG

# 張致恒2019年奉子成婚！

現年37歲嘅張致恒（Steven）喺2019年與區燕雯（雯雯）奉子成婚，期間Steven就被指欠錢唔還等傳聞，二人婚姻經歷唔少波折，但雯雯都依然多次喺網上為丈夫護航，感情似乎非常穩定！

Photo from 張致恒IG

# 雯雯單方面宣佈離婚，幾日後張致恒箍煲成功！

但雯雯早前突然喺IG單方面宣佈離婚「今天我們正式離婚了！我也真心祝福你能夠幸福」，令唔少網民都對二人嘅感情事好奇！事隔多日，張致恒終於作出回應「經過呢幾日同老婆嘅溝通，我哋決定繼續一齊行前面嘅路」，仲隱晦咁話一家五口好好努力生活落去，令大家都猜測佢地好大機會有第3胎？！

Photo from 雯雯IG

Photo from 張致恒IG

# 雯雯承認有第3胎！

直到昨日（2/2），雯雯就喺IG開直播同網民們傾計，不過鏡頭就只係影住張致恒陪住仔仔玩嘅畫面，而兩位小朋友都非常活潑好動，完全玩唔停～有網民就祝賀雯雯再次懷孕，而佢亦親口承認懷孕傳聞，並且已經過咗一半孕期！

Photo from 雯雯IG

# 回應網民疑問！

面對網民嘅留言，雯雯差唔多都有逐一回答，佢表示唔會搵陪月服務因為價錢昂貴，而且現時嘅外傭亦非常疼愛佢哋一家人～有網民就單刀直入詢問夫婦二人係咪冇避孕，雯雯就認為「呢個問題重要咩？無論點都係一種福氣」！

Photo from 張致恒IG

# Steven暫時專心做住家男！

對於日前IG提出離婚，雯雯就尷尬咁話「過年唔講呢啲啦！」；而Steven就話而家幾乎係「陪月員」，幾乎係佢陪2個仔仔玩「我其實好享受親子時間㗎！」

Photo from 雯雯IG

# 暗示第3胎係囡囡？！

期間，張致恒就表示唔擔心要湊3個小朋友，「生兩個係攰，生三個都係攰，不過聽講女仔靜啲」，唔通係暗示緊今胎係囡囡？！

Photo from 雯雯IG

相關文章：張致恆獲邀做內地潮牌Model 網民唔Buy直指無說服力：發福不少！

相關文章：張致恒返內地登台努力搵真銀撩女功力一流現場大媽冧到暈！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

張致恒老婆雯雯宣佈離婚！細數男方入行後10段情！有5段都係因為偷食而結束？

28 Jan , 2022

張致恒（Steven）同老婆區燕雯（雯雯）奉子成婚，並育有兩名兒子。日前，雯雯就突然單方面於IG宣佈離婚消息，令唔少網民都大吃一驚！而過往張致恒情史十分多姿多彩，而分手收場嘅原因都係因為第三者？！

Photo from 張致恒IG

# 張致恒形象插水，北上工作養家！

現年37歲嘅張致恒（Steven）喺2019年同區燕雯（雯雯）結婚，並育有兩名兒子；但佢就被爆欠錢唔還，導致形象插水！而佢為向大家證明已經改過自新，就北上工作落力賺奶粉錢，一家四口長期分隔兩地。不過最近，張致恒似乎就返咗香港，仲大晒同仔仔出外遊玩嘅片段，十分溫馨～

Photo from 張致恒IG

# 雯雯突然單方面宣佈已離婚！

但正當大家以為佢哋一家人終於可以團聚時，雯雯就突然喺IG宣佈離婚消息：「今天我們正式離婚了！我也真心祝福你能夠幸福」，婚姻只係維持咗唔夠3年，令網民十分驚訝！而張致恒一方暫時尚未作出任何回應。

Photo from 雯雯IG

# 張致恒過往感情史超多！

天生比較多情嘅張致恒感情經歷一直都好豐富，由於佢係香港荷蘭混血兒，所以五官非常深邃，亦因此而擁有好強嘅異性緣，可以話係完全唔缺乏桃花運！不過佢每一次嘅感情都似乎係因為偷食而導致分手收場，有網民就猜測莫非佢今次都係「死性不改」？！張致恒曾於節目自爆17歲失去處子之身；而當時嘅初戀對象係一位16歲嘅模特兒；仲話自己試過一腳踏三船！

Photo from 張致恒IG

2001年：黃榕

Steven 尚未以男子組合BOYZ出道前，就擔任模特兒，而佢當時就與同公司嘅黃榕發展戀情！但女方就曾經大爆兩人拍拖半年時，就已經發現對方一腳踏五船，但Steven最終斷咗聯絡，玩失蹤人間蒸發而分手。

Photo from 黃榕IG

2004年：傅珮嘉

Steven出道後第一位公開承認嘅女友就係比佢大6年嘅傅珮嘉！但當時有傳男方因為顧住拍拖而忽略工作，導致被公司雪藏。後來，Steven喺2016年被爆出同女網友Fiona嘅曖昧短訊，導致3年嘅姐弟戀結束！

Photo from 傅珮嘉IG

2006年：女網民Fiona

當時仲同傅珮嘉交往期間，Steven就被爆出同女網民Fiona有密切嘅交流，關係十分曖昧！雖然女方知道Steven已經有女友，但依然會經常到佢屋企作客。

Photo from 張致恒IG

2007年：鍾舒漫

鍾舒漫（Sherman）喺2007年正式同英皇娛樂簽約出道，同年戀上Steven，兩人發展迅速仲被發現同居！但有傳公司反對藝人拍拖，直指兩人並唔合襯，之後二人就低調處理感情，直到2013年Steven被爆「偷食」孫旗（Keiko）而引致分手！

Photo from 鍾舒漫IG

2013年：孫旗（Keiko）

嫩模孫旗喺2013年重翻幾年前同Steven 嘅感情舊帳，就話當時只係得17歲嘅佢愛上24歲嘅Steven！依照佢嘅說法，即係代表佢哋二人於2008年發展關係，但當時Steven已經有女友？！而女方就表示二人約會幾次後就發生關係，但男方之後就冷落佢；但Steven就只承認對方係一夜情對象！

Photo from 孫旗微博

2014年：莊端兒

Steven當時被傳媒拍到同擁有魔鬼身材嘅莊端兒（Xenia）喺公園談心，其後佢就承認戀情，仲話佢哋喺2013年年尾正式交往，已經視對方為結婚對象。2016年，Steven求婚成功，但正當二人籌備婚禮之際，佢就被爆出同有錢台灣女子Doris 密會，令莊端兒決定狠心分手！

Photo from 莊端兒IG

2016年：台妹Doris

Steven當時已經同莊端兒（Xenia）準備結婚，但就被媒體拍攝到多次夜訪Doris香閨。事後，佢多次喺大眾面前向2位女士道歉，仲坦承自己未能控制自己嘅慾望，需要尋求醫生協助！

Photo from 張致恒IG

2017年：梁皓恩（April）

Steven 2017年於IG公開與舞台劇演員兼模特兒梁皓恩嘅合照，將戀情公諸於世！而佢就大讚女方處事成熟，係理想嘅結婚對象。但佢喺2019年突然宣佈同雯雯結婚，令April大受打擊，多次喺IG發文質問Steven「你想逃避到幾時？」、「#被偷走的那五年」等。有眼利嘅網民就發現原來二人早於2014年就已經擦出愛火，但當時Steven仲依然同莊端兒一齊，所以April好大機會係第三者？！