張致恒太太雯雯承認懷孕5個月!直播回應避孕問題:呢個唔重要!

張致恒太太雯雯承認懷孕5個月!直播回應避孕問題:呢個唔重要!

娛樂新聞
By Stephanie on 03 Feb 2022
Digital Content Writer

張致恒(Steven)嘅太太區燕雯(雯雯)無預兆地於IG宣佈離婚消息,但最近二人嘅感情似乎突然出現轉機!近日,雯雯就開IG直播回應網民一直以來嘅疑問,仲親口承認已經懷孕大約5個月?!

張致恒老婆雯雯開直播承認懷孕消息!Photo from 張致恒IG

# 張致恒2019年奉子成婚!

現年37歲嘅張致恒(Steven)喺2019年與區燕雯(雯雯)奉子成婚,期間Steven就被指欠錢唔還等傳聞,二人婚姻經歷唔少波折,但雯雯都依然多次喺網上為丈夫護航,感情似乎非常穩定!

張致恒2019年同雯雯結婚,婚後育有2名兒子!Photo from 張致恒IG

儘管兩人婚後遇到唔少困難,但都佢哋嘅感情似乎非常穩定甜蜜Photo from 張致恒IG

# 雯雯單方面宣佈離婚,幾日後張致恒箍煲成功!

但雯雯早前突然喺IG單方面宣佈離婚「今天我們正式離婚了!我也真心祝福你能夠幸福」,令唔少網民都對二人嘅感情事好奇!事隔多日,張致恒終於作出回應「經過呢幾日同老婆嘅溝通,我哋決定繼續一齊行前面嘅路」,仲隱晦咁話一家五口好好努力生活落去,令大家都猜測佢地好大機會有第3胎?!

雯雯單方面宣佈與張致恒離婚消息!Photo from 雯雯IG

過幾日,張致恒就表示箍煲成功,並暗示雯雯已經懷有第3胎?!Photo from 張致恒IG

# 雯雯承認有第3胎!

直到昨日(2/2),雯雯就喺IG開直播同網民們傾計,不過鏡頭就只係影住張致恒陪住仔仔玩嘅畫面,而兩位小朋友都非常活潑好動,完全玩唔停~有網民就祝賀雯雯再次懷孕,而佢亦親口承認懷孕傳聞,並且已經過咗一半孕期!

雯雯開直播承認自己已經懷孕約5個月!Photo from 雯雯IG

# 回應網民疑問!

面對網民嘅留言,雯雯差唔多都有逐一回答,佢表示唔會搵陪月服務因為價錢昂貴,而且現時嘅外傭亦非常疼愛佢哋一家人~有網民就單刀直入詢問夫婦二人係咪冇避孕,雯雯就認為「呢個問題重要咩?無論點都係一種福氣」!

雯雯回應將唔會搵陪月服務,認為外傭姐姐嘅照顧已經非常足夠!Photo from 張致恒IG

有網民詢問佢哋有冇避孕,雯雯就認為並唔重要!Photo from 張致恒IG

# Steven暫時專心做住家男!

對於日前IG提出離婚,雯雯就尷尬咁話「過年唔講呢啲啦!」;而Steven就話而家幾乎係「陪月員」,幾乎係佢陪2個仔仔玩「我其實好享受親子時間㗎!」

張致恒話最近做緊專業住家男,幫手湊仔仔!Photo from 雯雯IG

# 暗示第3胎係囡囡?!

期間,張致恒就表示唔擔心要湊3個小朋友,「生兩個係攰,生三個都係攰,不過聽講女仔靜啲」,唔通係暗示緊今胎係囡囡?!

而張致恒就話唔擔心湊3個,仲似乎暗示第3胎大機會係囡囡?!Photo from 雯雯IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

張致恒老婆雯雯宣佈離婚!細數男方入行後10段情!有5段都係因為偷食而結束?

28 Jan , 2022

張致恒(Steven)同老婆區燕雯(雯雯)奉子成婚,並育有兩名兒子。日前,雯雯就突然單方面於IG宣佈離婚消息,令唔少網民都大吃一驚!而過往張致恒情史十分多姿多彩,而分手收場嘅原因都係因為第三者?!

張致恒老婆雯雯突然宣佈離婚消息,令網民非常驚訝!Photo from 張致恒IG

# 張致恒形象插水,北上工作養家!

現年37歲嘅張致恒(Steven)喺2019年同區燕雯(雯雯)結婚,並育有兩名兒子;但佢就被爆欠錢唔還,導致形象插水!而佢為向大家證明已經改過自新,就北上工作落力賺奶粉錢,一家四口長期分隔兩地。不過最近,張致恒似乎就返咗香港,仲大晒同仔仔出外遊玩嘅片段,十分溫馨~

張致恒自從被爆感情生活混亂後,形象大跌!Photo from 張致恒IG

而佢為咗搵錢養家就北上工作,仲話要向大家證明已經痛改前非!Photo from 張致恒IG

# 雯雯突然單方面宣佈已離婚!

但正當大家以為佢哋一家人終於可以團聚時,雯雯就突然喺IG宣佈離婚消息:「今天我們正式離婚了!我也真心祝福你能夠幸福」,婚姻只係維持咗唔夠3年,令網民十分驚訝!而張致恒一方暫時尚未作出任何回應。

雯雯突然宣佈與張致恒離婚消息!Photo from 雯雯IG

廣告
廣告

# 張致恒過往感情史超多!

天生比較多情嘅張致恒感情經歷一直都好豐富,由於佢係香港荷蘭混血兒,所以五官非常深邃,亦因此而擁有好強嘅異性緣,可以話係完全唔缺乏桃花運!不過佢每一次嘅感情都似乎係因為偷食而導致分手收場,有網民就猜測莫非佢今次都係「 死性不改」?!張致恒曾於節目自爆17歲失去處子之身;而當時嘅初戀對象係一位16歲嘅模特兒;仲話自己試過一腳踏三船!

張致恒感情史非常豐富,佢就曾經大晒一腳踏三船嘅往績!Photo from 張致恒IG

2001年:黃榕

Steven 尚未以男子組合BOYZ出道前,就擔任模特兒,而佢當時就與同公司嘅黃榕發展戀情!但女方就曾經大爆兩人拍拖半年時,就已經發現對方一腳踏五船,但Steven最終斷咗聯絡,玩失蹤人間蒸發而分手。

Steven 於2001年於黃榕拍拖,但交往半年就被女方發現偷食!Photo from 黃榕IG

2004年:傅珮嘉

Steven出道後第一位公開承認嘅女友就係比佢大6年嘅傅珮嘉!但當時有傳男方因為顧住拍拖而忽略工作,導致被公司雪藏。後來,Steven喺2016年被爆出同女網友Fiona嘅曖昧短訊,導致3年嘅姐弟戀結束!

Steven正式出道後承認嘅女友就係傅珮嘉,但最終因為同女網民嘅曖昧短訊而導致分手收場!Photo from 傅珮嘉IG

2006年:女網民Fiona

當時仲同傅珮嘉交往期間,Steven就被爆出同女網民Fiona有密切嘅交流,關係十分曖昧!雖然女方知道Steven已經有女友,但依然會經常到佢屋企作客。

張致恒因為同女網民Fiona嘅曖昧短訊曝光,而導致同傅珮嘉嘅3年情斷!Photo from 張致恒IG

2007年:鍾舒漫

鍾舒漫(Sherman)喺2007年正式同英皇娛樂簽約出道,同年戀上Steven,兩人發展迅速仲被發現同居!但有傳公司反對藝人拍拖,直指兩人並唔合襯,之後二人就低調處理感情,直到2013年Steven被爆「偷食」孫旗(Keiko)而引致分手!

2007年,Steven與鍾舒漫交往,兩人關係發展迅速!Photo from 鍾舒漫IG

2013年:孫旗(Keiko)

嫩模孫旗喺2013年重翻幾年前同Steven 嘅感情舊帳,就話當時只係得17歲嘅佢愛上24歲嘅Steven!依照佢嘅說法,即係代表佢哋二人於2008年發展關係,但當時Steven已經有女友?!而女方就表示二人約會幾次後就發生關係,但男方之後就冷落佢;但Steven就只承認對方係一夜情對象!

孫旗自爆多年前同Steven嘅感情,但男方只係承認佢為一夜情對象!Photo from 孫旗微博

2014年:莊端兒

Steven當時被傳媒拍到同擁有魔鬼身材嘅莊端兒(Xenia)喺公園談心,其後佢就承認戀情,仲話佢哋喺2013年年尾正式交往,已經視對方為結婚對象。2016年,Steven求婚成功,但正當二人籌備婚禮之際,佢就被爆出同有錢台灣女子Doris 密會,令莊端兒決定狠心分手!

2014年,Steven被拍到與莊端兒拍拖,而佢哋2016年嘅時候仲打算結婚!Photo from 莊端兒IG

2016年: 台妹Doris

Steven當時已經同莊端兒(Xenia)準備結婚,但就被媒體拍攝到多次夜訪Doris香閨。事後,佢多次喺大眾面前向2位女士道歉,仲坦承自己未能控制自己嘅慾望,需要尋求醫生協助!

張致恒承認與台妹Doris嘅曖昧關係,並哭訴自己因未能控制自己,需要睇醫生!Photo from 張致恒IG

2017年: 梁皓恩(April)

Steven 2017年於IG公開與舞台劇演員兼模特兒梁皓恩嘅合照,將戀情公諸於世!而佢就大讚女方處事成熟,係理想嘅結婚對象。但佢喺2019年突然宣佈同雯雯結婚,令April大受打擊,多次喺IG發文質問Steven「你想逃避到幾時?」、「#被偷走的那五年」等。有眼利嘅網民就發現原來二人早於2014年就已經擦出愛火,但當時Steven仲依然同莊端兒一齊,所以April好大機會係第三者?!

2017年,Steven就公開與梁皓恩April嘅戀情,但有網民就發現原來早於2014年兩人就已經有曖昧?!Photo from Steven IG

2019年: Moon

Moon就喺Steven爆出一腳踏幾船嘅時候,自爆自己都係佢嘅女友!佢就表示喺April同男方分手後先發展戀情,後來發現Steven偷食,但就選擇咗原諒佢。與此同時,Moon再發現雯雯已經有身孕,所以就唯有忍痛放手感嘆「點解可以同時間同咁多人一齊」!

Moon就自爆係Steven嘅女友之一,但就發現雯雯嘅出現而忍痛放棄!Photo from Moon IG

2019年: 區燕雯(雯雯)

Steven 突然於IG宣佈與雯雯奉子成婚,令網民感到驚訝,亦因此而導致Steven嘅豐富戀情經驗曝光,導致形象插水!二人婚後育有2名兒子,而雯雯亦多次喺網上為Steven護航,感情似乎非常穩定。直到昨日(27日),雯雯單方面於IG宣佈離婚消息!

張致恒2019年突然宣佈與雯雯結婚,仲因此而令多姿多彩嘅感情曝光!Photo from 張致恒IG

二人婚後育有2名兒子Photo from 張致恒IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel