download HolidaySmart 假期日常 app
Frankie@MIRROR完美演繹 「Never」一角獲讚!堂妹係細龍太?!現實中長情又專一

Frankie@MIRROR完美演繹 「Never」一角獲讚!堂妹係細龍太?!現實中長情又專一

娛樂新聞
By Stephanie on 03 Feb 2022
Digital Content Writer

ViuTV電視劇《IT狗》自開播之後獲網民大讚,當中喺劇中飾演「Never」嘅Frankie(陳瑞輝)@MIRROR嘅表現亮眼,成為網民讚賞嘅對象!過去Frankie就因為慢熱嘅性格,而被花姐稱為隊中嘅「隱形人」,而家能夠發掘到演戲嘅潛能,都令唔少粉絲替佢感到開心!

Frankie@ MIRROR最近因為出演《IT狗》而備受網民喜愛!Photo from Frankie IG

# Frankie係隊內最年長成員!

現年33歲嘅Frankie(陳瑞輝)係MIRROR中最年長嘅成員,雖然為人比較文靜低調,但就憑著俊俏嘅樣貌成功吸引唔少粉絲關注!過去喺《調教你MIRROR》中,花姐就曾經話佢過分沈默寡言,好似隱形人「完全睇唔到佢」!

Franke係MIRROR中最年長嘅成員,憑俊俏外貌獲得網民歡心~Photo from Frankie IG

花姐曾經於節目中表示Frankie性格過分被動!Photo from 《調教你MIRROR》

# 憑可愛「Never」一角獲得關注!

而Frankie最近終於獲得機會出演電視劇《IT狗》扮演負能量爆燈嘅「Never」,仲爆出唔少搞笑金句,包括:「如果生活將你擊倒就躺下」、「失敗乃成功之後母」等,破格風格為劇中帶來唔少笑點!而佢亦隨之獲得網民們嘅關注及讚賞,人氣急升~

Frankie 最近憑著《IT狗》飾演「Never」一角大受歡迎~Photo from Frankie IG

當中Never喺劇中曝光唔少頹廢搞笑金句~Photo from 《IT狗》

# 誤打誤撞入娛樂圈?!

Frankie入行前係一名舞蹈員,曾經為唔少明星伴舞,擁有豐富嘅舞台經驗。佢接受《偶像名人堂》訪問時,表示會參加《全民造星》全因陪伴肥仔以及Tank報名,但點知最後卻竟然成為MIRROR嘅成員!

Frankie曾經講過會參加全民造星,全因為陪朋友報名,並希望突破自己!Photo from 《全民造星》

# 坦承性格被動,曾因此而感到灰心!

已經成為藝人嘅Frankie坦承知道自己係行得比較慢嘅成員,過往都曾經因為尋找唔到喺團中嘅定位而感到灰心,好彩經過一輪「調教」後,佢終於受到激勵,並於演唱會嘅solo表演中令大家另眼相看,就連花姐都大讚!

Frankie 經過《調教你MIRROR》後變得更加積極,喺演唱會嘅solo表演獲花姐讚賞!Photo from Frankie IG

# 先以發展戲劇為主!

直到現時為止,有唔少MIRROR成員都已經推出咗Solo歌曲,Frankie都希望擁有自己嘅solo歌,但強調而家未係時候「暫時未過到自己嗰關」,承諾會好好練習裝備自己,現時將會先以戲劇發展為主!

Frankie表示現時主要以戲劇發展為先,之後再考慮出solo歌!Photo from Frankie IG

# 與圈外女友交往接近14年!

外貌帥氣嘅Frankie 用情專一,入行後就已經公開認愛同樣係舞蹈員嘅圈外女友Hei,二人交往接近14年嘅時間,感情依然非常甜蜜!

Frankie 已經有一位交往接近14年嘅圈外女友Hei!Photo from Frankie IG

二人感情非常穩定,唔少網民都大讚Frankie長情專一~Photo from Frankie IG

# 堂妹都係圈內人!

順帶一提,其實Frankie嘅堂妹亦都係圈內人,就係曾經喺《愛回家之開心速遞》飾演「細龍太」嘅陳偉琪(Vicky)!佢2013年參加香港小姐競選,隨後成為TVB旗下藝人,但2021年約滿離巢回復自由身,唔知呢對堂兄妹將來有冇機會同台拍戲呢?!

Frankie堂妹係於《愛回家之開心速遞》中飾演「細龍太」嘅陳偉琪!Photo from 陳偉琪IG

陳偉琪上年就已經離開TVBPhoto from 陳偉琪IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

MIRROR IG管理員狂寸鏡粉惹眾怒,有骨對話一覽!花姐公開道歉「撲火」

18 Jan , 2022

近日鏡粉不滿MIRROR官方Instagram不作為,事件令花姐承諾會做得更好。估唔到MIRROR IG嘅admin再度出事激嬲一班鏡粉,仲搞到花姐要公開道歉。唔少網友睇完IG私訊嘅對話紀錄都直言admin講嘢有骨,態度極差!

近日鏡粉不滿MIRROR官方Instagram不作為,事件令花姐承諾會做得更好Photo from 花姐 IG

MIRROR Facebook管理員不情願更新《IT狗》劇照?

鏡粉之前就指MIRROR嘅官方社交帳號甚少更新,希望可以宣傳下鏡仔有份參與嘅作品,其中ViuTV原創劇《IT狗》播出,而MIRROR嘅成員Lokman、Frankie、Stanley都有份出演。

鏡粉之前就指MIRROR嘅官方社交帳號甚少更新,希望可以宣傳下鏡仔有份參與嘅作品Photo from MIRROR Facebook

MIRROR Facebook帳號一直都未有更新,直到播完第五集終於出返post,但鏡粉指喺caption到admin竟然「發晦氣」引用Frankie飾演嘅角色「Never」金句:「是但啦,反正我都無Say…」,好似佢更新劇照admin好唔情願咁。

鏡粉指喺caption到admin竟然「發晦氣」引用Frankie飾演嘅角色「Never」金句:「是但啦,反正我都無Say…」Photo from MIRROR Facebook

官方IG admin留言超有骨!

之後由另一批成員Ian、姜濤、Edan、Stanley主演嘅《季前賽》舉行記者會,MIRROR官方IG亦有喺Story提前宣傳,但同時又留下一句:「大家自己留意報導」,然後hashtag「#唔突登POST啦」,相當「有骨」!

MIRROR官方IG有喺Story提前宣傳《季前賽》舉行記者會,但同時又留下一句:「大家自己留意報導」Photo from MIRROR IG

MIRROR IG管理員hashtag「#唔突登POST啦」,相當「有骨」!Photo from LIHKG

鏡粉私訊MIRROR IG管理員被寸爆

之後有鏡粉睇唔過眼,直接私訊MIRROR官方IG,問admin有咩必要用咁差嘅態度,鏡粉指掛住2021年暑假嗰位admin多啲,而現任MIRROR admin就直言:「我都唔知你掛住果個係邊個」

有鏡粉睇唔過眼,直接私訊MIRROR官方IG,問admin有咩必要用咁差嘅態度Photo from IG @viu_pls_do_ur_job

鏡粉指掛住2021年嗰位summer intern admin多啲Photo from MIRROR Facebook

鏡粉建議佢睇返舊年6~8月份嘅record參考下點同followers交流,但現任admin亦寸爆回覆:「如果中意睇舊嘅資訊 你記得cap底佢隨時回味」,仲要加咗兩個微笑emoji。

鏡粉建議佢睇返舊年6~8月份嘅record參考下點同followers交流,但現任admin亦寸爆回覆Photo from IG @viu_pls_do_ur_job

鏡粉勸佢學下做好偶像團體官方account資訊分享先,admin連續回覆多條訊息,似暗指鏡粉要求多多:「你們的訴求又想見他們出活動,又想要報導又要他們休息,但又不想他們完全消失,又要他們多時間練習排舞,我們都想跟著大家的所需去做呢」

鏡粉勸佢學下做好偶像團體官方account資訊分享先,admin連續回覆多條訊息,似暗指鏡粉要求多多Photo from IG @viu_pls_do_ur_job

現任MIRROR admin:「你們的訴求又想見他們出活動,又想要報導又要他們休息,但又不想他們完全消失,又要他們多時間練習排舞,我們都想跟著大家的所需去做呢」Photo from IG @viu_pls_do_ur_job

網友直言admin態度勁差,好無禮貌

唔少網友睇完有關對話後都大感震驚,認為admin態度真係好差,好似唔想做咁:「有糧出都唔撚想做咁不如quit啦」、「好心認真請個admin manage啦」

唔少網友睇完有關對話後都大感震驚,認為admin態度真係好差Photo from 花姐 IG

網友指admin好似唔想做咁Photo from LIHKG

網友:「好心認真請個admin manage啦」Photo from LIHKG

花姐公開道歉「撲火」

而MIRROR經理人花姐亦火速「撲火」,喺IG Story公開道歉,承認有關管理員嘅回覆唔恰當,日後會注意表達方式:「小編嘅錯,都係我嘅責任。我代佢向大家道歉。」

MIRROR經理人花姐亦火速「撲火」,喺IG Story公開道歉,承認有關管理員嘅回覆唔恰當Photo from 花姐 IG

花姐:「小編嘅錯,都係我嘅責任。我代佢向大家道歉。」Photo from 花姐 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel