傳賴弘國即將第三度結婚？！離婚2年再度封盤！現任女友係空姐？
Photo from 賴弘國IG
# 賴弘國2018年與阿嬌結婚！
來自台灣嘅「醫界王陽明」賴弘國喺2018年同阿嬌結婚，當時婚禮大排筵席，佢哋曾於節目提及阿嬌因為唔希望自己「貼錢」出嫁，所以希望男方負責出婚宴費用。因此賴弘國當時不惜花費5千萬台幣（約1300萬港幣）於美國舉辦婚宴，但就頓時清空咗佢嘅儲蓄！
Photo from 賴弘國IG
Photo from 《花花萬物》
# 婚姻僅維持14個月！
然而，賴弘國同阿嬌嘅婚姻只係維持咗短短14個月就結束，而男方就對外表示自己唔知道理由就被離婚，飽受情傷而暴瘦，仲同朋友聲稱唔會再結婚！而阿嬌就喺節目中提及二人性格不合，經常爭吵而感情變淡，仲透露會閃婚係因為鍾意男方嘅屋企人。
Photo from 賴弘國IG
Photo from 賴弘國IG
# 傳賴弘國即將第3次結婚？！
日前，有網民就大爆賴弘國似乎已經從情傷走出來，有一位穩定交往嘅女友Alice，仲話佢喺年初一（1/2）女友生日當天就已經求婚成功，即將三度結婚？！而有網民就疑似搵到Alice嘅私人IG帳號，照片中影住Cartier戒指盒，並寫上「Yes I do」，令傳聞變得更加沸沸揚揚！不過賴弘國喺接受媒體訪問時，就僅以「目前有穩定交往對象」作回應，未有透露更多嘅訊息。
Photo from 微博
# 現任女友Alice曾任職空姐
其實賴弘國上年同爸爸慶祝生日嘅時候，就曾經上載全家福，而佢身旁就有一位神秘嘅長髮女子，當時大家都將佢解讀成新女友！有指當時照片中嘅女子就係Alice，過往曾經係空姐，現時只係一位普通嘅上班族。據悉二人已經交往接近1年時間，而女方外型高挑身材苗條，加上性格開朗直爽，所以擁有好多朋友。
Photo from 賴弘國IG
Photo from 賴弘國IG
# 賴弘國偏愛空姐類型女仔？！
而賴弘國似乎就偏愛空姐類？！2016年，佢就曾經同有「華航林依晨」之稱嘅Ivy Chao交往1年半後結婚，婚後女方辭去空姐工作，專心做家庭主婦；但結婚不足半年男方就主動提出離婚！其後2018年就認識阿嬌並相戀，睇嚟佢嘅桃花運都真係非常唔錯～
Photo from Ivy chao FB
Photo from 理科太太 Li Ke Tai Tai @YouTube
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
賴弘國承認離婚1年依然未放低！ 慶幸冇幫阿嬌買豪宅 「否則就人財兩失」
12 May , 2021
賴弘國同鍾欣潼（阿嬌）上年被爆婚變，不知不覺已經一年。賴弘國最近喺接受傳媒訪問嘅時候，話自己因為抑鬱問題而暴瘦，仲表示到而家都唔知同阿嬌離婚嘅原因，不過就話好慶幸自己冇幫佢買下豪宅！
Photo from 賴弘國IG
賴弘國同鍾欣潼（阿嬌）於2018年結婚，但就喺2020年對外宣佈離婚，結束短短14個月嘅婚姻！最近，阿嬌就俾傳媒發現暴肥；但相反賴弘國最新上載嘅相就俾網民發現變得好瘦，同以往嘅肌肉身形好唔同。
Photo from 《怦然心動20歲》
Photo from 賴弘國IG
賴弘國喺接受台灣傳媒訪問嘅時候，就表示自己心情抑鬱已經接近兩年嘅時間，令佢經常冇胃口，體重急跌12Kg。除咗因為經歷離婚之外，被網民懷疑佢偷食網紅都係其中一個令佢抑鬱嘅原因，仲話自己經歷呢段婚姻後令佢嘅人生毀咗！
Photo from 賴弘國IG
據悉，佢同阿嬌嘅離婚手續已經完成，不過佢就話自己到而家都未知道自己點解會「被離婚」！佢表示因為阿嬌係明星嘅身分，令佢好大壓力，兩人當時成日會因此而吵架，但就話阿嬌處事比較成熟。
Photo from 《花花萬物》
另外，賴弘國亦提及結婚後兩人有意買台灣嘅上億豪宅，仲話當時買嘅話會係佢出錢，並且將豪宅寫阿嬌名。不過，佢就好慶幸自己並冇因為一時衝動而買，否則而家將會係人財兩失！有傳，佢哋最終冇買樓嘅原因係因為阿嬌媽咪唔希望女兒太大壓力，亦唔想佢哋兩人喺房產上有任何牽連。
Photo from 阿嬌微博
Photo from 賴弘國IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
