MC張天賦再被揭有新歡?!女方有男友,網友憑自拍照踢爆兩人關係非一般

MC張天賦再被揭有新歡?!女方有男友,網友憑自拍照踢爆兩人關係非一般

娛樂新聞
By Jennifer on 04 Feb 2022
Digital Editor

MC張天賦早前連環同《全民造星4Ash(鍾卓穎)、「熊仔頭」Santis傳緋聞,雖然MC指自己仍是單身,但網友再發現MC疑似有新對象,女方更被爆有男友!兩人非一般關係曝光全因一個線索?!

MC張天賦早前連環同《全民造星4》Ash(鍾卓穎)、「熊仔頭」Santis傳緋聞Photo from warnermusic

MC張天賦被連環爆與Ash、Santis同遊超市

MC張天賦唱功了得,異性緣都唔錯,早前因為被揭同MV女主角Ash(鍾卓穎)平安夜同遊超市傳出緋聞,同時Ash宣佈離婚令MC陷入「第三者疑雲」!

MC張天賦被揭同MV女主角Ash(鍾卓穎)平安夜同遊超市傳出緋聞Photo from lihkg

Ash宣佈離婚令MC陷入「第三者疑雲」!Photo from warnermusic

雖然MC澄清同Ash唔熟,又強調自己係單身,但風波未平佢被爆同另一女子到訪超市shopping,女方疑似係「熊仔頭」FHProductionHK嘅Santis,有傳Santis係熊仔頭老婆,所以MC再被指介入他人婚姻。

風波未平MC再被爆同另一女子到訪超市shopping,女方係「熊仔頭」FHProductionHK嘅SantisPhoto from Santis IG

網民再爆MC疑似有新歡

緋聞事件發生僅過去一個月,MC表示會同女性保持距離,眼利網民再發現MC疑似有新歡!連登討論區有人開post「突發!!MC繼Ash Santis又一新女」,樓主更附上有關照片。

緋聞事件發生僅過去一個月,MC表示會同女性保持距離,眼利網民再發現MC疑似有新歡!Photo from warnermusic

憑自拍照踢爆兩人關係親近,門嘅特徵都一樣?!

樓主晒出一位女士喺鏡前嘅自拍照,仲話:「背景似Mc屋企」,仲大爆女方早有男友。睇返女生嘅自拍,的確同MC曾公開嘅自拍照背景十分相似。

網民:「背景似Mc屋企」,仲大爆女方早有男友。Photo from lihkg

樓主晒出一位女士喺鏡前嘅自拍照Photo from lihkg

睇返女生嘅自拍,的確同MC曾公開嘅自拍照背景十分相似。Photo from lihkg

不過背景相又唔代表啲咩,細心嘅網民指出:「想話道門咁啱一樣姐,點知門側邊都係一樣」,兩人自拍照左邊門框都有同一個特點,更有網友搵到:「係門後面條地毯都一樣」

細心嘅網民指出:「想話道門咁啱一樣姐,點知門側邊都係一樣」Photo from lihkg

兩人自拍照左邊門框都有同一個特點Photo from lihkg

有網友搵到:「係門後面條地毯都一樣」Photo from lihkg

女方被爆有男友

網友表示MC有follow到相中女士嘅IG,而喺事件傳出後女生嘅IG已設為私人帳號,但有follow嘅網友稱女方開始大量刪除IG照片。

網友表示MC有follow到相中女士嘅IGPhoto from HolidaySmart

事件傳出後女生嘅IG已設為私人帳號Photo from lihkg

有疑似知情人士指女方曾同男朋友講唔得閒,因為要同女仔fd去staycation慶祝生日,但實情係約咗MC?!事主暫未回應緋聞,但已掀起網友熱議。

MC係樂壇新人王,前途無可限量Photo from MC IG

有疑似知情人士指女方曾同男朋友講唔得閒,因為要同女仔fd去staycation慶祝生日,但實情係約咗MC?!Photo from lihkg

有人認為MC唔抵幫:「聖誕一單,新年又一單」、「咁樣自毁前程真係自己攞嚟」,不過亦有網民稱MC靚仔又有實力,異性緣好其實好正常。

MC張天賦唱功了得,異性緣都唔錯Photo from MC IG

有人認為MC唔抵幫Photo from lihkg

網友:「咁樣自毁前程真係自己攞嚟」Photo from lihkg

亦有網民稱MC靚仔又有實力,異性緣好其實好正常。Photo from lihkg

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

張天賦承認平安夜同Ash出街!強調目前單身:唔清楚佢同老公嘅事!

5 Jan 2022

全民造星4》參賽者Ash(鍾卓穎)日前證實與台灣籍老公離婚嘅消息,令唔少網民震驚。後來,有網民大爆喺黃埔超市見到佢同歌手MC張天賦一齊嘅畫面,引發網民熱議!

Ash日前宣佈與老公離婚!Photo from IG @taiwan.fatboy

# 網民大爆見到Ash 同MC一齊!

喺Ash嘅離婚消息曝光後,有網民就於連登討論區大爆喺平安夜當日見到Ash同歌手MC(張天賦)喺黃埔超市逛街嘅場面,令唔少網民猜測佢哋可能係因為拍攝《時間不早》嘅MV而擦出愛火!同時,Ash前夫亦表示Ash當天係出席慶功宴,令大家都更加確定相中人好大機會就係佢哋兩個!

網民大爆平安夜當日見到Ash同張天賦一齊!Photo from lihkg

唔少網民都覺得兩人可能係因為拍MV而擦出愛火?!Photo from Ash IG

廣告
廣告

# MC只係回應兩人係朋友!

事件發展多日,張天賦就只係透過自己嘅所屬公司作出回應,表示「兩人只係工作關係」,否認熱戀傳聞!另一方面,Ash亦疑似因為傳聞而受到影響,本身喺IG嘅戒指廣告post都已經刪除!

張天賦就透過公司回應兩人只係朋友關係!Photo from 華納

# MC出席活動時,承認平安夜當晚同Ash一齊!

今日(5日),張天賦就出席TVB同港台合辦嘅樂壇頒獎禮記者會。喺接受傳媒訪問時,佢就首次正面回應事件,表示平安夜當日的確係同Ash一齊,「唔係私底下約出嚟,咁啱平安夜當晚冇嘢做,去超市係兩個人,但之後就好多人一齊party」,解釋兩人只係普通朋友關係!

張天賦今日出席記者會嘅時候就承認平安夜當晚係同Ash一齊!Photo from 華納

# 強調自己依然係單身!

當傳媒問到是否知道Ash離婚一事時,MC就話「我哋未熟到咁,所以冇問過!」對於被問到未來同Ash會否有機會發展,佢就話冇諗太多「拍MV時會請教工作上嘅嘢」,但強調自己現時依然係單身!

張天賦強調自己現時係單身!Photo from 張天賦 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

網民疑似撞破Ash同MC張天賦約會?拍MV戲假情真?MC一句回應兩人關係

4 Jan , 2022

ViuTV全民造星4》參賽者Ash(鍾卓穎)昨日(3/1)就承認離婚消息,並表示同前夫係和平分開,令唔少人感到震驚。不過,有網民就喺討論區大爆佢同歌手MC張天賦喺平安夜當日行超級市場,兩人疑似因為拍MV而擦出愛火,令網民議論紛紛!

Ash被網民大爆疑似與MC張天賦拍MV撻著?!Photo from 《時間不早》MV

# Ash證實與台籍老公離婚!

Ash(鍾卓穎)因參加《全民造星4》而人氣急升,成為近來廣告界嘅新寵兒~昨日(3/1),Ash就喺IG證實同台灣籍老公離婚嘅消息,仲強調兩人係和平分手,引起網民熱議。

Ash憑著參加《全民造星4》而人氣飆升!Photo from Ash IG

Ash日前喺IG證實與台灣籍老公離婚嘅傳聞!Photo from Ash IG

# Ash 前夫護航:問題在我身上!

不過離婚消息曝光後,唔少網民都質疑Ash係因為突然爆紅而捨棄老公,並直指佢係「雙面人」、「扮清純」等。而Ash嘅前夫亦喺IG為佢澄清,指對方係心地善良,即使離婚後都會全力支持佢,仲強調「記得問題在我身上」,極力護航!

Ash前夫強調兩人係和平分手,並大讚對方係好女仔!Photo from IG @ taiwan.fatboy

即使離婚都為Ash極力護航!Photo from IG @ taiwan.fatboy

# 網民疑似撞見Ash同MC張天賦逛街?!

隨後,有網民大爆平安夜當日喺黃埔見到Ash同剛奪得叱咤男生力軍金獎嘅MC張天賦一齊!由爆料照片中所見,兩人係行緊超級市場,喺收銀處預備俾錢。有網民就推測兩人可能因為拍攝《時間不早》嘅MV而擦出愛火,因而導致婚變?!

有網民喺連登大爆喺平安夜當日,於黃埔超市見到Ash同埋MC!Photo from 連登討論區

兩人似乎喺超市買完嘢,喺收銀處預備結帳。Photo from 連登討論區

# 網民反應不同!

然而,有網民就質疑圖片太過模糊,根本就唔可以確定相中人嘅模樣,認為唔應該咁快下定論;但部份網民就反駁只係睇相中人嘅耳環、髮型、服裝等都認為的確同佢哋嘅形象相似,引起熱議!

有網民認為圖片太模糊,根本睇唔出係咪Ash同MC。Photo from 連登討論區

但有網民表示單憑衣著、髮型等就已經同佢哋兩個非常相似!Photo from 連登討論區

網民亦因為曝光嘅兩張照片而議論紛紛。Photo from 張天賦IG

# 前夫解畫當日係慶功宴?!

而Ash嘅前夫亦有作出回應,話平安夜當日係同Ash一齊渡過,但隨後又立刻改口「那天是慶功宴啦!」,指兩人會碰面全因爲工作,似乎令呢兩張爆料圖片嘅可信度大大增加!

有網民就喺Ash前夫IG留言講出自己喺平安夜當日見到Ash同MC!Photo from IG @ taiwan.fatboy

起初,Ash前夫話Ash當日同佢一齊渡過,但後來就話佢哋兩人見面係為慶功?!Photo from IG @ taiwan.fatboy

# MC所屬公司回覆!

事件鬧得沸沸揚揚,MC所屬嘅華納唱片就向傳媒回覆「兩人只係工作朋友關係」,否認兩人熱戀傳聞!

張天賦所屬嘅華納音樂就澄清兩人只係朋友關係。Photo from 張天賦IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel