張智霖爆重遇初戀女友被問借錢！15歲兒子魔童正面曝光激似袁詠儀

張智霖袁詠儀夫婦北上發展不時大晒恩愛，係內地網民公認嘅模範夫妻。近日張智霖喺《大灣仔的夜》中提及初戀女友，更直言做過最瘋狂嘅事就係挽回對方，多年後兩人重遇，女方更問佢借錢。

Photo from 袁詠儀微博

張智霖袁詠儀夫婦北上發展晒恩愛

張智霖同老婆袁詠儀曾經出演唔少夫妻綜藝節目，兩公婆嘅感情一直好好，大眾都認定佢哋係一對恩愛夫妻。最近佢同陳小春、林曉峰、謝天華、梁漢文合作主持《大灣仔的夜》，靚靚都有出動監場。

Photo from 袁詠儀微博

《大灣仔的夜》張智霖爆曾為挽回初戀女友遠飛澳洲

喺新一集張智霖就大爆自己做過最瘋狂嘅一件事就係飛去澳洲挽回初戀女朋友！佢表示自己當時年紀細咩都唔識，漏夜搭飛機，落機後仲要搭足9個鐘頭巴士先去到女友屋企。

Photo from 《大灣仔的夜》

Photo from 《大灣仔的夜》

張智霖表示佢去之前有同女友聯絡，但到埗後先發現女友已經搬走。當被問到重新嚟過仲會唔會箍煲，佢亦好坦白：「如果是那個年紀應該會。」

Photo from 《大灣仔的夜》

Photo from 《大灣仔的夜》

初戀女友移情別戀，多年後重遇問佢借錢！

其實張智霖曾經多次喺訪問、節目中大談初戀，早年佢喺電台節目中提到初戀係佢16、17歲時發生，又指初戀女友似日本女星小泉今日子。

Photo from 《大灣仔的夜》

張智霖表示同初戀女友分手原因係對方移情別戀，令佢大受打擊直言：「靚仔唔係大晒！」，事隔多年佢於同學聚會中得悉對方嘅聯絡方式，兩人更相約食飯，點知初戀女友竟然問佢借錢：「真係令我好心傷！」

Photo from 雷霆881

張智霖15歲兒子「魔童」張慕童正面曝光撞樣袁詠儀

雖然佢提起初戀，但亦不忘表示自己嘅理想型就係老婆袁詠儀，求生欲滿分！張智霖袁詠儀除咗獲公認係模範夫妻，佢哋嘅15歲兒子張慕童（魔童）都係大眾關注嘅對象。

Photo from 《大灣仔的夜》

張智霖曾表示唔想多談兒子，因為覺得仔仔只係一個普通人，而佢仔仔因為「你問我答」而引起一場風波，最終要由媽媽公開道歉先平息到，事後魔童已甚少更新社交網站。

Photo from 張慕童 IG

但最近佢喺IG大晒母子合照，更罕有曝光正面，掀起熱議，唔少網友認為佢盡得父母嘅優良基因，顏值爆燈，而且同媽媽靚靚十分似樣。

Photo from 張慕童 IG

相關文章：魔童IG一句話惹怒內地網民！袁詠儀急道歉+澄清：作為父母之過

相關文章：袁詠儀寫錯應采兒簡體名字？最終要轉寫繁體字！網友：這麼簡單的字都不會寫

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

大灣仔的夜｜陳小春張智霖想從廣州坐船返港！無法入境眼濕濕心情低落

27 Jan 2022

陳小春、張智霖、謝天華、林曉峰、梁漢文主持嘅節目《大灣仔的夜》早前獲節目組安排廣州出海，但喺內地工作多個月嘅佢哋突然興起想搭船去維港，更興奮表示好思鄉。不過最終未能如願，「大灣區五人組」難掩失落心情。

Photo from 《大灣仔的夜》

「大灣區五人組」廣州出海即興提議遊維港

陳小春、張智霖、謝天華、林曉峰、梁漢文喺《披荊斬棘的哥哥》中以「大灣區五人組」受到觀眾愛戴，之後仲一齊主持《大灣仔的夜》，喺廣州經營一個大排檔。

Photo from 《大灣仔的夜》

節目第八集就安排咗5位主持晚上坐船於廣州出海。期間佢哋更一時興起，提議坐船去香港遊覽維港景色，5人都表現得十分興奮。

Photo from 《大灣仔的夜》

陳小春、張智霖表現興奮，坦言思鄉

其中以陳小春、張智霖最開心，忍唔住大嗌：「我哋終於完成心願啦！」、「我哋終於都返香港喇！」，之後佢哋更坐定定等待回港，全程都十分雀躍。

Photo from 《大灣仔的夜》

Photo from 《大灣仔的夜》

Photo from 《大灣仔的夜》

張智霖仲一直催促船長同節目組，表示再唔出發就唔夠時間，5位主持紛紛稱好「想家」，又感嘆可以返到去睇維多利亞港，係最想做嘅事，更直言：「有點思鄉的感覺」。

Photo from 《大灣仔的夜》

Photo from 《大灣仔的夜》

Photo from 《大灣仔的夜》

被告知無法入境，「大灣區五人組」表情失落

但可惜節目組同船家商量後指普通船隻唔可以入境，只有帆船先可以駛入維港海域，但用時長達4個鐘以上，時間太長所以無法「遊船河返香港」。

Photo from 《大灣仔的夜》

Photo from 《大灣仔的夜》

得知消息後嘅幾位「大灣區哥哥」個個表情失望，林曉峰指曾經興奮咗5分鐘。而張智霖則表示已經喺腦海中想像維海嘅夜景，返唔到香港：「確實心情很低落。」

Photo from 《大灣仔的夜》

Photo from 《大灣仔的夜》

Photo from 《大灣仔的夜》

Photo from 《大灣仔的夜》

Photo from 《大灣仔的夜》

陳小春一家定居上海、謝天華回港趕過年

已連續於內地工作多月嘅5位「大灣區哥哥」生活基本上都係喺內地。陳小春一家都搬到上海定居，兒子Jasper就讀當地嘅國際學校，有指學費每年約35萬港元！

Photo from 《大灣仔的夜》

Photo from 《大灣仔的夜》

而謝天華喺內地工作8個月後回港同家人過新年，佢表示雖然每天都同仔女視像通話，但指老婆略有「詐型」。謝天華亦坦承「錢係無搵夠嘅」，但都想返屋企休息下，叉滿電再工作。

Photo from 《大灣仔的夜》

相關文章：因為是朋友呀｜容祖兒爆當年張國榮唔太中意佢！袁詠儀憶前輩稱要學習梅艷芳

相關文章：魔童IG一句話惹怒內地網民！袁詠儀急道歉+澄清：作為父母之過

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）