炎明熹MV點擊率破500萬，被指大量view數來自印度！受訪表現興奮
《聲夢傳奇》冠軍炎明熹（Gigi）獲TVB力捧，出道歌《真話的清高》MV喺YouTube嘅點擊率超過500萬，但近日有網民直指點擊數水份好大，有大量view數嚟自印度、印尼等國家。Gigi最近接受訪問亦有提到MV點擊率成績，掀起網民熱議。
Photo from 炎明熹 IG
聲夢冠軍炎明熹《真話的清高》MV點擊率破500萬
《聲夢傳奇》一班學員都簽約TVB獲力捧，除咗安排出新歌，仲有以原班人馬出演嘅《青春本我》，喺電視圈同樂壇並行。其中冠軍炎明熹（Gigi）就係首位於樂壇出道嘅學員，佢更獲咤叱女新人銀獎，成績唔錯。
Photo from 炎明熹 IG
2021年9月佢推出首支派台歌曲《真話的清高》MV最近點擊率突破500萬，《青春本我》第8集插曲《複雜》MV亦於推出5日內超過百萬點擊，引起熱議。
Photo from 星夢娛樂 YouTube
網友揭大量view數來自印度、印尼、土耳其等中東國家
《真話的清高》MV係喺「星夢娛樂」YouTube Channel上傳嘅，而《複雜》MV則放喺「Gigi Yim 炎明熹」頻道公開。
Photo from 星夢娛樂 YouTube
Photo from 炎明熹 YouTube
有網友引用YouTube Music數據，揭示「Gigi Yim 炎明熹」頻道於過去12個月總瀏覽量超過800萬！但當中只有約385萬係來自香港，其餘view數分別嚟自印度、印尼、土耳其、烏克蘭、俄羅斯等地。
Photo from YouTube
Photo from YouTube
以MIRROR、COLLAR作比較，網友疑炎明熹MV點擊率有水份
當中Gigi喺印度嘅人氣最高，播放次數高達50.2萬！印尼亦以28.1萬緊隨其後。有網友搵埋ViuTV旗下偶像團體MIRROR、COLLAR做比較，發現佢哋嘅View數除咗香港之外，多數嚟自英國、加拿大、美國、台灣等地。
Photo from LIHKG
Photo from LIHKG
有網友指佢成功「衝出國際」，更封佢為「印度天后」，由於大量點擊來自印度等地，有網民直言其MV點擊率「水份好重」，懷疑係「買view數」。
Photo from LIHKG
Photo from 炎明熹 IG
Photo from LIHKG
Photo from LIHKG
Gigi受訪表現興奮，直言有留意MV點擊率升得好快
TVB《娛樂新聞台》亦有就超好嘅MV點擊率成績訪問炎明熹，佢表現相當興奮：「多謝大家嘅努力同支持！」，佢稱最近好多fans同家人都有cap圖講返呢個好消息畀佢知。
Photo from TVB
炎明熹指感受到佢嘅fans「Gi炎粉」為佢狂loop MV嘅嗰團火，佢又表示自己平時隔一段時間都會睇返自己嘅MV，所以都有留意到個view數係咁上升。
炎明熹感謝新歌《複雜》製作人，稱疫情後會請客
新歌《複雜》係佢第一首個人國語歌，MV點擊率亦都唔錯，炎明熹表示好感激有份製作歌曲嘅張馳豪（Aska）、林君蓮（蓮姐）、Johnny老師、李敏導演等，佢興奮稱：「全靠大家嘅努力同配合，先做到呢個效果，然後出奇地大家都中意呢首歌，Yeah！！！！！」
Photo from TVB
炎明熹表示仲未用上次台慶抽中嘅大利是現金獎，諗住等疫情好轉就會請大家食飯慶祝呢排嘅好消息。
Photo from 炎明熹 IG
Photo from TVB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
【青春本我】TVB將推跳唱男團「兄弟幫」？！5位聲夢學員+TVB藝人組成
4 Feb 2022
《聲夢傳奇》女團「After Class」率先出道
《聲夢傳奇》有話題度，TVB乘勝追擊開拍《青春本我》，以《聲夢傳奇》班底做主演，當中仲有另一個舞蹈真人騷節目《盛·舞者》嘅參賽者出演。
《聲夢傳奇》三甲都係女生，TVB亦為佢哋度身定做歌曲。ViuTV嘅當家男團MIRROR成績驕人，《聲夢》學員炎明熹（Gigi）、姚焯菲（Chantel）、鍾柔美（Yumi）、詹天文（Windy）組成女團「After Class」搶頭啖湯出道。
TVB將推出跳唱男團力撼MIRROR？！
有咗女團，網民關心之後會唔會都有男團推出？！早前曾有傳TVB有意力捧「千禧五虎」，成員分別為余德丞、丁子朗、羅天宇、周嘉洛同朱敏瀚，不過周嘉洛就否認有啲咁嘅事：「點可能贏到姜濤？！」
不過最近有網友搵返《青春本我》插曲MV，指TVB早有準備推出跳唱男團！MV入邊5位成員又唱又跳，大顯功架！佢哋又打籃球展現青春活力一面。
《青春本我》5人男團「兄弟幫」成員公開
下面都有唔少留言力撐「兄弟幫」男團：「兄弟幫男團多元化，唱得Rap得跳得有戲有感情」、「香港最佳男團」、「有實力的男團終於出現」
「兄弟幫」由聲夢學員冼靖峰（Archie）、張馳豪（Aska）、何晉樂（Rock）以及《盛·舞者》參賽者劉展霆（Eden）、李紹堅（Markii）5位組成，歌曲更有冼靖峰（Archie）、張馳豪（Aska）等參與製作。
網友直言：「天堂鳥、FAITH都好過佢哋！」
雖然只係電視劇插曲，但5位兄弟幫成員都有份快閃唱live，更獲fans大讚跳唱實力強！不過連登討論區亦有網民直言：「新版十兄弟選角咁就搞掂5個」、「好似泰國cosplay f4流星雨啲fd」
兄弟幫表現評價兩極，討論區網友稱好kam：「天堂鳥、FAITH都好過佢地喇」，天堂鳥、FAITH當年因為「浮誇、騎呢」嘅造型同舞姿被封為香港MK-POP嘅始祖，兩個組合嘅代表作《登陸太陽》、《Ma Ma Easy（媽媽今天不必擔心我）》仍然流傳至今。
雖然兩隊男團都已經解散，但有網友睇完兄弟幫MV就表示其實天堂鳥、FAITH「當年走得太前」，又指兄弟幫幾位成員啲pose非常奇怪，令人難以理解。
即睇《兄弟幫》MV：
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
