41歲姚明樣貌憔悴身形發福！一件外套著8年被讚節儉！現坐擁逾11億身家
Photo from 姚明IG
# 姚明退役後，依然致力發展籃球事業！
現年41歲嘅前職業籃球員姚明曾效力上海大鯊魚籃球隊以及美國NBA休士頓火箭，憑著約2.29米嘅身高成功獲得網民們嘅關注，亦係世界知名嘅亞洲運動員之一！不過佢已經於2011年宣佈結束運動員生涯，並開始著手籃球隊管理工作，由2017年直到而家都依然係中國籃球協會嘅主席！
Photo from 姚明IG
Photo from 姚明IG
# 上載拜年影片卻嚇親網民？！
日前，姚明喺新年期間拍攝影片向大眾拜年，「祝大家虎年大吉，虎虎生風，虎躍龍翔，身體健康，萬事如意。」獻上大量祝福語～不過唔少網民都將焦點放咗喺佢嘅外型上，認為姚明現時嘅狀態似乎唔係咁好！
Photo from 抖音
Photo from 抖音
# 網民認為姚明狀態大不如前！
從影片中所見，身穿灰黑色外套嘅姚明似乎非常疲累，頭髮凌亂，神情有啲呆滯；而且身形亦有少少發福嘅現象，令唔少網民都非常擔心佢嘅身體狀況！另外有網民分別將姚明2008年以及今年冬奧會做火炬手嘅照片作對比，感嘆歲月不饒人！
Photo from 微博
Photo from 微博
# 一件外套著足8年，獲網民大讚節儉！
有眼利嘅網民就指姚明身穿嘅灰色外套已經由2014年開始著，大讚佢貼地！據悉，姚明現時嘅身家大約係1.6億美元（約11.4億人民幣），能夠保持住如此節儉嘅習慣實屬難得！
Photo from 姚明IG
# 曾登上NBA球星排行榜第15位！
過去，姚明曾經登上由美國媒體所發佈嘅「NBA球星身家排行榜」第15位，退役之後憑著優越嘅商業頭腦成功賺取唔少錢。有唔少球迷都以為姚明係靠於NBA打比賽時賺錢，然而佢嘅資產主要係憑商業投資以及廣告收入而大大增加！佢退役後曾投資葡萄園、餐飲業等，仲買下唔少豪宅，投資有道！
Photo from 姚明IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
16歲少年離世遺愛捐出器官 受贈者組成「一人籃球隊」完成佢生前嘅夢想
4 Mar , 2019
喺2月底舉行嘅中國女子籃球聯賽（WCBA）全明星賽，其中有一隊由50歲大叔、22歲青年同14歲女生所組成嘅5人球隊，佢哋並唔係WCBA嘅球員，但出場時全場包括姚明都起立為佢哋鼓掌。
佢哋球技唔出眾，但仍然有大約兩分鐘嘅比賽時間，其實佢哋都係器官捐贈嘅受贈者，今次參賽係為咗完成恩人生前嘅夢想，並希望可以呼籲更多人參與器官捐贈。
Photo from weibo
球隊嘅5位球員都係因為獲得湖南長沙市16歲少年「葉沙」（化名）捐出嘅器官而重獲新生，葉沙非常鍾意打籃球，可惜喺2017年4月27號因為腦出血而不幸離世。
Photo from weibo
Photo from weibo
葉沙嘅父母諗起呀仔嘅夢想係成為醫生，加上覺得只要器官仍然運作，就相當於葉沙仍然喺世上，所以都同意捐出葉沙嘅器官。葉沙嘅眼角膜、心、肝、肺同腎分別捐咗俾7個病人。
葉沙以另一種方式留喺世上，佢生前曾經夢想可以同職業籃球員一齊比賽，所以其中5位受贈者特意組成「一人籃球隊」，參加中國女子籃球聯賽全明星賽。
Photo from weibo
呢隊「一人籃球隊」成員有：4號嘅周斌（化名），今年54歲，獲贈葉沙嘅肝；1號嘅胡偉（化名），今年50歲，佢獲贈葉沙嘅腎；20號嘅劉福（化名），今年49歲，佢獲贈葉沙嘅肺；27號嘅黃山（化名），今年22歲，獲贈葉沙嘅眼角膜；7號嘅顏晶（化名），今年14歲，同樣獲贈葉沙嘅眼角膜。
5位受贈者組成嘅球隊叫「葉沙」，更以葉沙捐出器官嗰一日，即係「2017427」作為波衫嘅號碼，喺波衫上面亦都印有佢哋各自獲贈嘅器官，球隊仲有留咗一件16號波衫俾葉沙。
Photo from weibo
Photo from weibo
而接受咗器官捐贈嘅受贈者其實仍然需要長期服用抗排斥藥，身體亦都未完全恢復，尤其仲有幾位受贈者嘅年紀已近半百，但係佢哋仍然毫不猶豫咁參加比賽，積極鍛鍊身體。
Photo from weibo
Photo from weibo
喺WCBA當日，現場播出「一人籃球隊」嘅故事，令全場都非常感動，受贈者都決定喺每年嘅4月27號相聚，一齊紀念葉沙。葉沙爸爸為球隊寫咗一首隊歌《夜夜共眠》，有一句歌詞：「當我在的時候我們素不相識，當我離開的時候我們成了至親至愛」
Photo from weibo
Photo from weibo
真係好感動！葉沙雖然已經離世，但佢遺愛人間，救咗7位病人嘅生命，而喺受贈者體內嘅器官都令葉沙以另一種方式留喺世上。
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
