download HolidaySmart 假期日常 app
北京冬奧|BTS隊長RM出post支持韓國隊,慘遭內地網民狠批!短道速滑比賽爭議多?!

北京冬奧|BTS隊長RM出post支持韓國隊,慘遭內地網民狠批!短道速滑比賽爭議多?!

時事熱話 娛樂新聞
By Stephanie on 09 Feb 2022
Digital Content Writer

2022年北京冬季奧運會已經於上星期隆重開幕,各樣比賽都正在進行中~其中男子短道速滑比賽就備受爭議,有指中國選手疑似犯規拉人,最終仲奪得金牌;其後韓國知名男團BTS 隊長RM就於IG上載影片,遭到內地網民圍攻!

BTS 隊長RM因為於IG上載短道速滑畫面,慘遭內地網民責罵!Photo from BTS official IG

# 冬奧會頻頻出現爭議!

冬奧會嘅各種項目正進行得如火如荼,唔少網民都非常關注精彩嘅賽事~不過喺冬奧開幕禮當日(4/2),就已經出現有朝鮮族因為身穿韓服表演,掀起中韓網民之間嘅罵戰!

冬奧會開幕禮時,就已經出現身穿韓服嘅爭議,導致中韓網民掀起罵戰!Photo from 코리아타임스 YouTube

# 韓國大熱選手遭DQ!

然而,賽事似乎令中韓網民嘅關係變得越來越僵!日前,男子短道競速滑冰1000公尺嘅比賽就陷入爭議,韓國滑冰選手黃大憲以及李俊瑞原本佔據小組第一及第二名,但喺準決賽中被裁決因犯規而DQ取消資格,因此有3位中國選手晉身決賽!

韓國2位選手黃大憲同李俊瑞都被裁定犯規DQ出局!Photo from 微博

因此中國嘅3位選手亦順延入決賽!Photo from 微博

# 懷疑中國選手暗地裡犯規?!

韓國網民都對裁決感到不滿,同時韓國代表隊已經向國際滑冰聯盟(ISU)申訴但卻遭到駁回!其中有網民仲指出疑似見到中國選手拉扯韓國選手嘅片段,隨即引發罵戰!

韓國國家隊向ISU上訴遭駁回!Photo from 微博

# BTS 隊長 RM 上載比賽畫面遭責罵?!

唔少韓國藝人亦有關注呢項賽事,其中韓國天團BTS隊長RM(金南俊)就於IG story上載韓國選手黃大憲超越2位中國選手嘅畫面,並附上鼓掌及俾讚手勢;不過就隨即引起內地嘅網民責罵,喺BTS官方IG帳號洗版留言「以後別來內地賺錢」、「全面禁韓吧」等!

BTS 隊長RM因為上傳IG story被內地網民認為係支持韓國選手,飽受批評!Photo from rkive @IG

於IG story上傳支持韓國選手嘅畫面,惹怒內地網民?!Photo from rkive @IG

內地網民隨即湧入BTS IG留言批評!Photo from BTS official IG

# 新人女團亦被韓國網民責怪!

另一方面,新人女團aespa嘅中國籍成員寧寧亦付費社群平台Bubble恭賀中國選手奪金,佢嘅行為令韓國網民感到錯愕,「在韓國賺錢就拜託留意一下情況」、「又是一個賺夠了就回國的idol」等留言!

女團aespa中國成員寧寧因為祝賀中國隊,亦被韓國網民責怪!Photo from 微博

唔少韓國網民都認為寧寧嘅舉動非常「唔識做」?!Photo from aespa_official @IG

# 最終中國隊伍奪金

而喺男子短道速滑決賽中,率先衝線嘅匈牙利選手劉少林最終被罰判黃牌,所以由本身第二名嘅中國選手任子威奪得金牌,係中國史上第一次於該項目奪金,但亦引發廣大嘅爭議!

短道速滑決賽中,第一個衝線嘅匈牙利選手被罰黃牌,所以由中國選手最終奪金!Photo from Getty image

今次亦係中國隊伍首次於此項目中奪金,但卻引發多方爭議!Photo from Getty image

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

北京冬奧|谷愛凌奪中國第3金 中美混血高材生+模特 仲迷呢位香港男星?

9 Feb , 2022

第二十四屆冬季奧林匹克運動會在北京進行中,18歲中國選手谷愛凌(Eileen Gu)在昨日(8日)舉行嘅自由式滑雪女子大跳台決賽中奪得金牌,係中國隊在北京冬奧嘅第三面金牌。佢嘅討論熱度隨之飄升,佢除咗家庭背景引起關注外,網民亦發現佢微博有跟蹤呢名香港男星

谷愛凌在北京冬奧奪滑雪金牌,亦為中國在今屆冬奧中奪得第三面金牌。Photo from 谷愛凌 微博

谷愛凌代表中國奪滑雪金牌

在日前舉行嘅滑雪大跳台比賽中,谷愛凌本來落後,但在第三跳完成空中轉體四圈半( 1620 度) 嘅超高難度動作,最後成功逆轉排名奪冠。呢面係佢人生首面冬奧金牌,亦係中國隊喺今屆冬奧中嘅第三面金牌。

谷愛凌奪得人生首面冬奧金牌。Photo from 微博

谷愛凌跳出高難度動作最後逆轉排名奪金。Photo from 微博

谷愛凌在決賽中跳出高難度動作扭轉劣勢。Photo from 微博

中美混血,運動叻,仲係高材生兼模特兒

年僅18歲嘅谷愛凌在美國出世,爸爸係美國人、媽媽係中國人,亦係前滑雪教練。佢講得一口流利普通話及英文,唔單只係美國史丹佛大學嘅準學生,仲係一間國際模特兒公司旗下模特兒。佢從小已展現出極高運動天賦,無論足球、騎馬或田徑等都難佢唔到,但佢最終選擇專攻滑雪,從小便多次在滑雪比賽中奪冠,係美國滑雪界嘅潛在新星。

谷愛凌係中美混血兒,19年宣佈歸化中國。Photo from 谷愛凌 微博

谷愛凌同時係一名模特。Photo from 谷愛凌 IG

谷愛凌自小已經係運動高手,但最後選擇主攻滑雪。Photo from 谷愛凌 微博

谷愛凌在2019年宣布歸化中國,代表中國參加冬奧。有指佢曾在訪問中表示「我在美國時是美國人,在中國時就是中國人」,並希望體育可以作為團結嘅力量,令國家之間互相聯繫,而非分裂嘅力量。

谷愛凌代表中國出戰冬奧。Photo from 谷愛凌 微博

谷愛凌愛在社交網上載美照。Photo from 谷愛凌 IG

成品牌寵兒,代言接個不停

谷愛凌擁高顏值與運動天分,讀書又掂,為中國奪金後即受大批網民喜愛。佢同時成為品牌寵兒,據內媒報道,佢現時有至少23個贊助商,更擁有20多個代言,當中包括不少大如LV,其代言費從1百萬美元急升至250萬美元(超過1千9百萬港元)!

谷愛凌年紀輕輕已有20多個代言在手。Photo from 谷愛凌 微博

谷愛凌在內地好受廣告商歡迎。Photo from 微博

微博關注呢位香港男星!

谷愛凌在微博關注了102人,大部分都係體育﹑時尚界朋友,但有眼利網民發現佢follow咗一位香港男星,佢就係謝霆鋒!謝霆鋒更在微博發帖,親自恭賀小粉絲谷愛凌奪冠「恭喜我們的天才少女斬獲第一,你太棒了!」,佢亦在帖文tag了谷愛凌嘅微博帳戶「@ 青蛙公主愛凌」。除咗謝霆鋒,谷愛凌亦follow了內地男星劉昊然,除了佢哋外並未有其他明星出現在佢嘅關注名單上。

谷愛凌在微博關注了謝霆鋒。Photo from 谷愛凌 微博

睇嚟谷愛凌係謝霆鋒嘅粉絲Photo from 謝霆鋒 微博

謝霆鋒亦好識做,在微博發文恭賀谷愛凌奪金。Photo from 謝霆鋒 微博

谷愛凌在北京冬奧奪金後人氣急升。Photo from 谷愛凌 IG

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel