網紅拍片途中遭哥哥關掉濾鏡,真面目表露無遺!網民大驚:根本係兩個人

網紅拍片途中遭哥哥關掉濾鏡,真面目表露無遺!網民大驚:根本係兩個人

生活熱話
By Stephanie on 10 Feb 2022
Digital Content Writer

隨著修圖技巧嘅進步,唔少網民影相嘅時候會用濾鏡,網絡上充斥住唔少「照騙」~最近,內地一位哥哥貪玩同皮膚白皙嘅妹妹一齊拍片,但就突然關掉濾鏡,令妹妹嘅真面目曝光!

現時唔少人用手機影相時,都會用濾鏡或者filter~Photo from TVB

# 拍照濾鏡越來越普遍!

現時嘅手機拍照功能非常方便,社交平台亦有唔少濾鏡俾大家選擇,即使素顏上陣都完全唔需要擔心,成為現代人必備嘅社交工具之一~

濾鏡盛行之後,網絡經常都會有唔同嘅「照騙」!Photo from TVB

# 哥哥與樣貌甜美妹妹拍片~

最近,內地就瘋傳一條影片,內容大致講述一位哥哥同妹妹一齊拍攝影片。妹妹皮膚白皙,五官精緻笑容甜美,喺鏡頭前非常有自信咁擺V字手勢!

內地一位哥哥同妹妹一齊拍攝影片~Photo from 微博

只見妹妹皮膚白皙,非常有自信咁於鏡頭前擺pose!Photo from 微博

# 突然關掉濾鏡,令妹妹真面目無意中曝光!

然而,貪玩嘅哥哥卻突然間關掉相機濾鏡同美顏效果,令妹妹嘅真面目原形畢露!只見佢本身擁有健康膚色,而且外貌亦比較臃腫,判若兩人!眼見自己嘅真面目無意中暴露,妹妹亦非常尷尬咁追住哥哥。

哥哥突然關掉濾鏡,令妹妹嘅真面目曝光!Photo from 微博

妹妹亦因為尷尬而追打哥哥,場面爆笑~Photo from 微博

# 網民讚嘆科技嘅威力~

呢段影片於網絡上瘋傳,唔少網民都對妹妹嘅「素顏」感到十分驚訝,亦讚嘆現時濾鏡嘅效果十分強大「以為是兩個人」、「難怪網上有這麼多美女!」等留言。

唔少網民睇完驚悚嘅變身影片後,都讚嘆濾鏡嘅威力~Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

抖音網紅小林心如零濾鏡真面目曝光!完全走樣嚇親網民,勸佢開返美顏filter

31 Jan , 2022

抖音上有唔少網紅佢哋雖然係素人,但憑住開filter下嘅美貌成功吸納大量fans。近日有「小林心如」之稱嘅網紅夏紫微開直播帶貨,不過唔知係咪唔記得開濾鏡,真樣曝光嚇親網友!

抖音上有唔少網紅佢哋雖然係素人,但憑住開filter下嘅美貌成功吸納大量fans。Photo from 抖音

廣告
廣告

抖音網紅「小林心如」神還原《還珠格格》「紫薇」一角走紅

網上有唔少網紅「變臉」新聞,喺直播平台用美顏filter即可「改頭換面」,網紅喺短片中嘅樣子與真人判若兩人嘅事情屢見不鮮。

網上有唔少網紅「變臉」新聞,喺直播平台用美顏filter即可「改頭換面」Photo from 小紅書

近年抖音有一位網紅「夏紫微」,佢妝容打扮都十足十《還珠格格》入面嘅林心如咁,所以佢又有「小林心如」之稱。網紅夏紫微更模仿林心如喺《還珠格格》入面流淚等等嘅經典場面,憑住神還原《還珠格格》「紫薇」一角成功走紅。

網紅夏紫微更模仿林心如喺《還珠格格》入面流淚等等嘅經典場面,憑住神還原《還珠格格》「紫薇」一角成功走紅。Photo from 微博

夏紫微直播帶貨,零濾鏡真面目曝光

最近佢首次「直播帶貨」,由於以往佢都係同其他人連線、重演《還珠格格》經典場面居多,初次帶貨都成功吸引大量觀眾收睇,高峰期更高達5千幾人。

以往夏紫微都係同其他人連線、重演《還珠格格》經典場面居多Photo from 微博

不過唔知係咪唔記得開濾鏡,夏紫微喺直播帶貨嘅畫面中同以往抖音片入面有好大嘅差距!臉型唔再係之前嘅瓜子臉,而且妝容極濃,眼眶因為濃重嘅眼影顯得黑眼圈深重,眼睛無神。

唔知係咪唔記得開濾鏡,夏紫微喺直播帶貨嘅畫面中同以往抖音片入面有好大嘅差距Photo from 微博

臉型唔再係之前嘅瓜子臉,而且妝容極濃,眼眶因為濃重嘅眼影顯得黑眼圈深重,眼睛無神。Photo from 微博

fans勸開美顏,帶貨銷量差

雖然收睇直播嘅fans好多,但唔少人都被夏紫微零濾鏡真面目嚇親,更紛紛直言:「開美貌呀,不開容易掉粉」,指佢唔開filter,會搞到fans都無晒。

唔少人都被夏紫微零濾鏡真面目嚇親Photo from 微博

網友直言:「開美貌呀,不開容易掉粉」Photo from 微博

微博有網友將佢呢場直播cap圖,直言佢帶貨成績差,推薦商品銷量不佳。網紅夏紫微後來有解釋,直播當日嘅妝容其實係化妝師幫佢化嘅。

微博有網友將佢呢場直播cap圖,直言佢帶貨成績差,推薦商品銷量不佳。Photo from 微博

「小林心如」改名為「夏紫微」

其實夏紫微之前除咗會著古裝之外,更試過以時裝造型現身,明顯開咗filter嘅情況下佢都有幾分似林心如。雖然坐擁過百萬fans,不過因為被官方批評,佢唔再用「小林心如」嘅名字,而係改以「夏紫微」繼續做抖音網紅。

其實夏紫微之前除咗會著古裝之外,更試過以時裝造型現身Photo from 微博

開咗filter嘅情況下佢都有幾分似林心如Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel