打工仔呻中年新同事教極唔聽+超多甩漏 更多次問事主借錢 搞到自己好似扶貧咁!

打工仔呻中年新同事教極唔聽+超多甩漏 更多次問事主借錢 搞到自己好似扶貧咁!

生活熱話
By Cheryl on 10 Feb 2022
Digital Editor

返工不時遇到新同事,並需要教導對方,但如果仲要幫佢解決財務困難就好誇張。近日,一名網民到討論區發文,大呻中年新同事工作能力低之餘,竟然仲問自己借錢食飯,不斷追數下才會還錢,激到事主好生氣,網民都好奇點解老闆會請佢返嚟!

一名網民分享,公司嚟咗嘅中年新同事,唔單只工作表現差,仲問人借錢。
Photo from 《大叔的愛》劇照

中年新同事好難教

最近,一名網民(下稱樓主)到連登討論區以「返工返到好似幫同事扶貧咁」為題發文,表示去年公司嚟咗位新同事,並分派畀樓主指導佢,呢名新人目測30-40歲,樓主估佢至少大自己十多歲。

公司嚟咗嘅新人畀樓主管,目測畀樓主大十多歲。
Photo from 《大叔的愛》劇照

工作方面,樓主都遇到好多麻煩,「比啲簡單野佢做,第二日啲野竟然原封不動,佢就話唔記得咗。」樓主連續數天吩咐新人佢做,但對方卻寧願上高登睇三級帖文,結果樓主要自己做埋佢嗰份。交另一樣工作畀佢跟進,點知佢完全無跟過,結果被人投訴,最後啲task又要樓主跟返。

新人好多時都無完成工作,搞到樓主要做埋佢嗰份。
Photo from 《大姜的愛》 劇照

樓主同老闆反映過,提議畀多1-2星期機會新人,「之後幾日我就全天候坐喺佢隔離,逐隻case同佢一齊跟,同佢講要點做。」過咗一星期,樓主以為今次成功,於是放手畀新人處理,點知佢故態復萌,所以樓主都忍唔住鬧佢。樓主之後私底下問另一team同事有無興趣代替新人個位,打算如果新人仲犯第三次就叫老闆炒佢,但今次之後,對方竟然有改進,所以樓主就算數。

眼見新人有啲改進,樓主就放棄換人計劃。
Photo from TVB

表現有改善,但仍然多甩漏

雖然新人表現有改善,但佢做嘢仍然太被動,「有同事send email比佢,佢睇完就算,冇諗過要有乜行動,要我提佢,佢先去搵個同事。」加上經常有甩漏,「一問佢有無跟足程序,佢就一個驚訝既表情,之後合埋隻眼好似頭痛咁:『呀!唔記得咗!』

新人次次有嘢唔記得做,都會有誇張反應。
Photo from TVB

返工返到要借錢畀新人?!

除咗工作問題,新人更有財務問題。新人有次突然問樓主借200元,樓主以為佢無帶飯錢,於是就借現金,並希望對方用轉數快還錢,「點知佢話下星期先比我,到下星期我立即追佢還錢,提咗佢兩次先還錢。」之後,新人又再問樓主借錢,仲話要等到月尾先可還款。不過,樓主卻發現佢手機開住馬會App,「姐係佢有錢去賭但係冇錢食飯?我今次就唔借比佢。」

廣告
廣告

新人同事多次向樓主借錢,但自己仲有錢賭博?!
Photo from TVB

樓主:返工返到似扶貧!

感非常無奈嘅樓主表示佢從未見過呢種人,「又窮又懶又蠢,又要幫佢執手尾,又要教佢,又要睇實佢,仲要借錢比佢」、「覺得自己返工返到好似扶貧咁」。樓主坦言好想放棄新人,並建議老細唔好比佢過試用期,反正獨自工作更有效率。

樓主更將自己返工比喻成「扶貧」。
Photo from 連登討論區

樓主被新人搞到好頭痕。
Photo from TVB

網民支持炒麻煩新人

對此,大多網民都認為新人表現差勁,又言:「咁你幾時叫老細炒左佢?」、「報串俾老細啦,但你唔好俾佢知你太多嘢」,亦有人認為繼續留喺呢間公司只會令自己蝕底,「第時新人有咩事,你老細一定問你點解會咁。」另有網民覺得樓主仁至義盡,更笑言:「啲社工都冇你咁慈悲。」

有網民更將樓主比喻為社工。
Photo from 連登討論區

有網民認為繼續係咁,情況對樓主不利。
Photo from 連登討論區

不少網民支持將新人同事辭退。
Photo from 連登討論區

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

Share to Facebook
Our Videos
官方影片
You may also like
你可能也喜歡
蒙嘉慧素顏朝聖打卡熱點 居日生活寫意 保養得宜充滿自然美
蒙嘉慧素顏朝聖打卡熱點 居日生活寫意 保養得宜充滿自然美
11 hours ago
【回歸25周年】7月8大活動優惠!7.1免費搭叮叮+巴士+渡輪/博物館免費入場/海洋公園買1送1
【回歸25周年】7月8大活動優惠!7.1免費搭叮叮+巴士+渡輪/博物館免費入場/海洋公園買1送1
12 hours ago
林利與台灣籍老婆再鬧婚變?!男方凌晨突然向妻子道歉,極力挽回婚姻?二人上年曾隔空吵架
林利與台灣籍老婆再鬧婚變?!男方凌晨突然向妻子道歉,極力挽回婚姻?二人上年曾隔空吵架
12 hours ago
日本出租男友店質素掀熱議!「店長推薦」人氣男被指顏值低:咩人都可以做?
日本出租男友店質素掀熱議!「店長推薦」人氣男被指顏值低:咩人都可以做?
13 hours ago
Barbie真人版拍攝現場曝光 兩大主角災難級造型被網民嘲笑
Barbie真人版拍攝現場曝光 兩大主角災難級造型被網民嘲笑
14 hours ago
范冰冰「辟穀」減肥法7日唔食嘢,曾自嘲「范小胖」,為復出極速甩6公斤!
范冰冰「辟穀」減肥法7日唔食嘢,曾自嘲「范小胖」,為復出極速甩6公斤!
15 hours ago
Hottest Articles
最熱文章
YouTuber arhoTV備受爭議,被爆向觀眾賣淘寶貨?推出NFT不受年齡限制,被批誤導中小學生?!
YouTuber arhoTV備受爭議,被爆向觀眾賣淘寶貨?推出NFT不受年齡限制,被批誤導中小學生?!
3 days ago
貧窮限制想像|黃嘉雯失手跌爛古董?!被要求賠償8萬8千!網民一眼看出端倪?
貧窮限制想像|黃嘉雯失手跌爛古董?!被要求賠償8萬8千!網民一眼看出端倪?
2 days ago
伍富橋晉身做億萬駙馬後變樣引熱議,與富貴老婆Shirley勁有夫妻相
伍富橋晉身做億萬駙馬後變樣引熱議,與富貴老婆Shirley勁有夫妻相
3 days ago
何超欣清華大學畢業照曝光!賭王曾評價各房女兒,稱四房超盈「麻麻」?
何超欣清華大學畢業照曝光!賭王曾評價各房女兒,稱四房超盈「麻麻」?
2 days ago
歐陽震華上內地節目稱唔想再用英文名Bobby!訪問期間忽然落淚勁突兀
歐陽震華上內地節目稱唔想再用英文名Bobby!訪問期間忽然落淚勁突兀
2 days ago
40歲陳法拉拍美劇扮女僕 進軍荷里活片約不斷 有意回港拍劇?
40歲陳法拉拍美劇扮女僕 進軍荷里活片約不斷 有意回港拍劇?
2 days ago