download HolidaySmart 假期日常 app
何家勁投資千萬在內地開58萬呎食品廠 派開工利是無架子 網民:仲請唔請人?

何家勁投資千萬在內地開58萬呎食品廠 派開工利是無架子 網民:仲請唔請人?

娛樂新聞
By Cheryl on 10 Feb 2022
Digital Editor

何家勁早年靠演《包青天》中展昭一角紅遍亞洲,佢近年已退出幕前,轉到內地打理健康食品生意,仲有傳身家早已過億。佢在內地嘅食品生產廠房日前復工,「何老闆」就舉行了隆重嘅開工儀式,仲向員工大派利是

何家勁現時在內地有食品工廠,做健康食品生意,近日佢向員工派開工利是,現場氣氛相當熱烈!Photo from 何家勁 微博

何家勁退出幕前 到內地開食品工廠

62歲何家勁當年在劇集《包青天》中飾演展昭一角收穫超高人氣,更被稱為歷代最靚仔嘅展昭。但佢近年已淡出演藝圈,到內地開設自家品牌「勁家莊」,設有工廠專門製作及售賣健康食品。何老闆生意搞得有聲有色,外界估佢身家已經過億!

何家勁當年在《包青天》飾演展昭一角紅遍華人區。Photo from 微博

何家勁在內地開設個人品牌「勁家莊」Photo from 何家勁 微博

何家勁不時分享市政府相關人員到其工廠考察嘅照片。Photo from 何家勁 微博

農曆新年剛過,何家勁嘅廠房於昨日(9日)正式開工,作為老闆嘅佢舉辦了開工拜神儀式,並將照片上載微博,寫道:「祝願各位同事們身體健康!萬事如意!開心工作!」

何家勁內地工廠日前舉行開工儀式。Photo from 何家勁 微博

儀式隆重,現場好多人。Photo from 何家勁 微博

過年開工向員工大派利是

何家勁亦於抖音上載影片,分享自己在儀式上向員工大派利是情況。片中可見,何家勁站在公司門口,手中拿着一疊利是,逐一派發畀排隊嘅員工。期間佢會向員工點頭問好,毫無架子,而有利是收嘅員工睇落都非常開心,現場氣氛好熱鬧。不少粉絲見到有利是收,又可以見兒時偶像,都紛紛留言表示好想到勁哥嘅工廠上班。

做老闆嘅何家勁親自拍開工利是。Photo from 何家勁 抖音

內地網民都讚佢毫無架子。Photo from 何家勁 抖音

工廠同時係旅遊景點

何家勁2011年投資3000萬港元,同好友一齊創立「勁家莊」,為專心打理生意,佢已定居內地。「勁家莊」佔地5.4萬平方米(約58.1萬平方呎),除咗有廠房生產和處理食品,佢更將工廠發展成旅遊景點,工廠周圍有綠色園林區,風景唔錯。工廠不但榮獲「廣東省工業旅遊示範基地」、「惠州人最喜愛的工業旅遊景區」稱號,更被評為「國家AAA級旅遊景區」。

勁家莊面積逾58萬呎。Photo from 勁家莊

勁家莊除咗係一間食品工廠,同時仲係工業旅遊區。Photo from 勁家莊 官網

工廠嚟講都好有心思。Photo from 勁家莊 官網

何家勁曾自爆有女兒?!

何家勁生意發展蓬勃,但近年感情生活成謎。佢1989年拍電視劇《不了情》對金素梅一見鍾情,其後雖然分手,但何家勁曾表示仍深愛對方,仲話過假如大家到60歲都仲未結婚,就再續前緣共度餘生 。到1998年至2001年,佢曾同女星李婉華相戀。雖然何家勁未有透露過現時嘅感情狀況,但佢在去年曾於留言疑似自爆有女兒!

何家勁去年上載自拍短片引不少粉絲留言。Photo from 何家勁 抖音

當時佢上載一條自拍短片後,有網民留言問佢:「何!為甚麼還不成家!」何家勁回覆時竟表示:「女兒都比你大了(哭笑emoji)」呢番話立即引嚟大批粉絲追問,不過何家勁之後未有再作解釋。

何家勁在留言區疑似話自己已有女兒。Photo from 何家勁 微博

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel