抖音「山寨鄭伊健」走紅！正面曝光，網友指更似謝天華戴假髮

抖音有唔少網紅都因為同明星撞樣而走紅，近日一位「翻版鄭伊健」成為網民熱話，佢留咗鄭伊健招牌長髮，側面的確有幾分相似，不過正面公開後，網民直言得髮型似鄭伊健。

Photo from 古惑仔

抖音素人扮明星做網紅

抖音好多素人喺濾鏡同化妝、打扮下與中港台部分藝人有幾分相似，而佢哋亦因此而走紅。有啲網紅更以「翻版」為賣點拍片吸引網民留言、讚好。

Photo from 微博

好似「小林心如」、「翻版周杰倫」、「翻版林俊傑」、「翻版謝霆鋒」等，佢哋有時仲會合作拍片。

Photo from 抖音

「山寨版鄭伊健」模仿本尊髮型、打扮走紅

近日喺抖音出現一位「翻版鄭伊健」，佢成個打扮都同正版十分相似，著上皮質外套，同《古惑仔》陳浩南頗為相似。

Photo from 抖音

連鄭伊健招牌長髮都模仿得一模一樣，加上chok爆神情，側面望落的確同正牌有啲似，憑住「撞樣鄭伊健」，佢成功引起關注，製造話題。

Photo from 抖音

「青島伊面」抖音吸16萬fans，內地網友讚似陳浩南

內地網民對鄭伊健嘅印象多數嚟自《古惑仔》「陳浩南」一角，所以抖音上模仿鄭伊健嘅「浩南哥」造型比較多，唔少內地網友留言大讚佢似鄭伊健。

Photo from 古惑仔

Photo from 抖音

呢位「翻版鄭伊健」嚟自青島，抖音帳號名為「青島伊面」。喺個人簡介中佢表明自己係鄭伊健fans，拍片為「致敬伊面」，共有16.5萬粉絲。

Photo from 抖音

Photo from 古惑仔

香港網民指唔似：「謝天華戴假髮咁！」

不過佢嘅影片有公開正面，唔少香港網友直言一啲都唔似鄭伊健：「咁都叫幾可亂真？」有人更表示比起伊健，佢更似戴咗假髮嘅謝天華：「謝天華黎架喎」。

Photo from 抖音

Photo from 抖音

Photo from LIHKG

相關文章：抖音網紅小林心如零濾鏡真面目曝光！完全走樣嚇親網民，勸佢開返美顏filter

相關文章：47歲蒙嘉慧素顏出鏡做運動！盡力遮掩凸腩 老公鄭伊健陪到實 網民：自然美不造作！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

陳奕迅斬椰子/燒桿工人劉德華/翻版楊冪！11位素人、網紅神撞樣明星！

16 Jul 2021

唔少網紅都因為同明星有幾分相似而走紅，更因此「靠樣食飯」。除咗網紅之外，即使係素人都有唔少同明星撞樣，有啲相似度仲高到令人震驚！

#翻版楊冪

喺小紅書有一位「千草拉拉小姐」，佢嘅自拍照同內地一線女星楊冪非常似樣，尤其係側面，甚至有網友話直程係一模一樣！

Photo from 千草拉拉小姐小紅書

Photo from 千草拉拉小姐小紅書

Photo from 千草拉拉小姐小紅書

Photo from 楊冪微博

#地盤工人Angelababy

呢位女生雖然頭戴安全帽同著螢光背心，但五官精緻，貌似Angelababy。

Photo from Angelababy微博

#側臉神似李璨琛

內地小紅書一位網紅「卡卡Kaka」不時會喺網上分享穿著打扮嘅影片，佢嘅樣同李璨琛有90%相似，尤其係側面，連著衫style都差唔多！

Photo from 卡卡Kaka小紅書

Photo from 李璨琛IG

#還原「紫薇」林心如

內地最近一位「小林心如」神還原《還珠格格》「紫薇」一角而走紅，佢外貌打扮真係同林心如嘅紫薇好似！

Photo from 微博

Photo from 林心如微博

#五官複製陳偉霆

內地網紅「別鬧我是安安」（許淳瑋）同陳偉霆神態相似，連陳偉霆本尊都有喺訪問中提過「別鬧我是安安」，指有朋友誤以為安安拍嘅短片係陳偉霆本人，而陳偉霆都表示覺得安安笑嗰陣同自己一模一樣。

Photo from 微博

Photo from 微博

#陳奕迅斬椰子

湛江吳川一位市民喺街上斬椰子，佢側面同Eason陳奕迅好似，因而爆紅，更獲封為「陳椰迅」。

#燒桿工人劉德華

內地短片APP「快手」上有一名燒桿工人「丫東哥」因為神似天王劉德華而成為網紅，佢唔止外貌似，連聲線都似到十足十，更拍片扮劉德華唱《愛不完》成功吸引大批fans。

Photo from 快手

Photo from 快手

#露宿者彭于晏

喺內地街頭嘅一名露宿者被指撞臉彭于晏，雖然只有佢閉上眼睛嘅相片，不過就咁睇真係有幾分相似。

Photo from 彭于晏IG

#李榮浩標誌小眼睛

李榮浩因為小眼睛而經常被指同狗狗撞樣，連老婆楊丞琳都有笑過佢，有素人都有李榮浩一雙小眼睛。

Photo from 李榮浩微博

#雙胞胎IU

韓國「國民妹妹」人靚聲甜，喺韓國人氣極高，一位網紅金晴雅（청아）就同IU非常似樣！有部分相更似到令人以為係IU雙胞胎姊妹。

Photo from 金晴雅（청아）IG

Photo from 金晴雅（청아）IG

Photo from IU IG

#山寨版周杰倫

抖音網紅「雍杰倫」以扮周杰倫走紅，佢標誌性鬍鬚同眼神的確好似周董！

Photo from 抖音

Photo from Netflix

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）