download HolidaySmart 假期日常 app
萬梓良收徒弟儀式要含水噴臉?!收《戰狼》、TVB演員為徒 過程好奇特

萬梓良收徒弟儀式要含水噴臉?!收《戰狼》、TVB演員為徒 過程好奇特

娛樂新聞
By Cheryl on 11 Feb 2022
Digital Editor

萬梓良現時長居內地,雖然曾傳佢身體不佳,但佢仍不時登台演出,仲會收徒弟,例如演員林敬剛、內地網紅王薛儼等。近日,網上流傳佢再次收徒弟嘅片段,佢就係曾參演電影《戰狼》嘅張永達,儀式過程都相當獨特,萬梓良竟然更用口噴水落對方臉上!

近日有網民上載萬梓良收徒弟短片,當中佢更將水用口噴落徒弟臉上。Photo from 萬梓良 微博

萬梓良早前與妻子補拍婚照

64歲萬梓良於2002年與小16歲妻子,前空姐郭明黎結婚。近日二人補拍婚照,佢哋嘅18歲兒子萬大千同一眾兄弟都有到場支持,十分熱鬧。萬梓良更高呼:「萬子娶老婆,掂唔掂?」身後兄弟都齊心答:「掂!」,睇落好有氣勢。

萬梓良早前同小16歲妻子郭明黎補拍婚照,兒子萬大千都有一起拍照。Photo from 微博

萬梓良一班好兄弟現身支持萬梓良。Photo from 微博

萬梓良收徒弟要含水噴臉?

萬梓良除了不時在內地參加商演,仲會大搞收徒弟儀式,據聞佢在去年已收了四名徒弟。近日,有網民上載萬梓良收徒弟嘅短片,片中嘅徒弟就係有份出演內地電影《戰狼》嘅張永達,可見佢身穿背心,戴著拳套,跪在萬梓良面前。

張永達戴拳套跪在萬梓良面前。Photo from 微博

張永達向萬梓良遞咗一杯水,萬梓良接過後飲咗啖,之後佢再攞另一支水,又飲一啖後竟然將水噴落張永達臉上,並問道:「醒了嗎?」張永達回答:「好。」拜師儀式始乎順利完成。

萬梓良突然向張永達噴水。Photo from 微博

萬梓良收張永達做最後徒弟?!

對此,唔少網民都對儀式大感不解,唔明有咩必要噴水。而且,其實萬梓良早於去年已經同張永達進行過儀式,當時佢更聲稱:「我發誓,你是我最後一個徒弟!」張永達之後向萬梓良敬茶,誠心說道:「謹遵師父教誨!」然後,萬梓良拿出一沓利是,並用利是多次拍張永達額頭。

萬梓良早於去年已同張永達進行過拜師儀式。Photo from 抖音

要用利是拍額頭。Photo from 抖音

師徒情深。Photo from 抖音

多次舉行獨特拜師儀式

萬梓良多次舉行收徒弟儀式,佢於去年4月參與內地電影《創業大贏家》開機儀式期間,順便收埋綠葉演員林敬剛為徒。林敬剛跪在萬梓良面前,萬梓良將佢改名為林奔,萬又拿出一疊價值一萬元人民幣嘅銀紙做見面禮,亦有用銀紙拍打對方頭頂,期間更向林敬剛講:「做咗咁耐騎呢啡,從今日開始,唔洗再做騎呢啡,TVB唔用你,就我用你。」

萬梓良去年為內地電影《創業大贏家》進行開機儀式,途中收了林敬剛為徒。Photo from 微博

萬梓良去年收林敬剛為徒,並進行拜師儀式,並表明會重用林敬剛。Photo from 微博

萬梓良與林敬剛在電影《創業大贏家》開機儀式期間進行拜師儀式。Photo from 微博

萬梓良嘅徒弟儀式都相當特別,內地網紅王薛儼向佢拜師時,萬梓良曾將手上一杯酒淋在徒弟頭上,說道:「一生富貴,跟着我,鐵了心,你還有很多師伯,師叔。」除此,萬梓良亦曾在去年一場飯局上認了一名契女,仲讓對方兩度親吻其臉頰,引起網民熱議。

萬梓良收王薛儼時用酒兜頭淋在徒弟頭上。Photo from 抖音

萬梓良曾在飯局上認契女,並讓對方親自己塊臉。Photo from 微博

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel