袁詠儀兩屆影后拍內地劇淪為配角!老公張智霖微博發文表不滿?

袁詠儀兩屆影后拍內地劇淪為配角!老公張智霖微博發文表不滿?

電視電影 娛樂新聞
By Jennifer on 11 Feb 2022
Digital Editor

現年50歲嘅「靚靚」袁詠儀早前拍攝內地劇《盛裝》,劇中佢飾演主編,更孭炒價逾$50萬Hermès袋出場!不過久未參演電視劇嘅靚靚戲份唔多,於劇中淪為配角,連張智霖都有不滿?!

現年50歲嘅「靚靚」袁詠儀早前拍攝內地劇《盛裝》Photo from 《盛裝》

袁詠儀入行32年,曾兩度奪影后殊榮

袁詠儀1990年參選香港小姐奪得冠軍後入行,1994年憑《新不了情》奪得香港電影金像獎「最佳女主角」,翌年更憑《金枝玉葉》再下一城,蟬聯影后!

袁詠儀1990年參選香港小姐奪得冠軍後入行Photo from TVB

曾兩次奪得影后嘅佢演技毋庸置疑,但結婚後袁詠儀減少拍電影,轉而往內地同台灣拍電視劇。

袁詠儀1994年憑《新不了情》奪得香港電影金像獎「最佳女主角」,翌年更憑《金枝玉葉》再下一城,蟬聯影后!Photo from TVB

靚靚與老公張智霖北上拍真人騷人氣急升

近年北上發展嘅佢少有參演電影、電視劇,反而主力出演綜藝、真人騷。靚靚與老公張智霖由2013年起就開始以夫妻檔參加唔少綜藝節目,夫妻齊齊人氣急升。

靚靚與老公張智霖由2013年起就開始以夫妻檔參加唔少綜藝節目Photo from 袁詠儀微博

其中包括《一路上有你》、《妻子的浪漫旅行》第二季等,靚靚與老公張智霖不時喺節目中大晒恩愛,早已獲內地網民視為圈中模範夫婦。

靚靚與張智霖參加過《一路上有你》、《妻子的浪漫旅行》第二季等Photo from 《妻子的浪漫旅行》

靚靚與老公張智霖不時喺節目中大晒恩愛Photo from 《妻子的浪漫旅行》

久違出演內地劇《盛裝》,袁詠儀飾演主編

佢哋近年憑真人騷獲得唔少人氣,但最近回歸影視圈,張智霖主演《家族榮耀》,而靚靚則出演內地劇《盛裝》。靚靚對上一部電視劇已經係2018年《唐磚》,時隔4年佢再主演劇集,即刻令好多觀眾大為期待。

張智霖參演《家族榮耀》Photo from 張智霖微博

靚靚對上一部電視劇已經係2018年《唐磚》,時隔4年佢再主演劇集,即刻令好多觀眾大為期待。Photo from 《盛裝》

《盛裝》講述時尚雜誌喺轉型之際,意外面臨主編空缺而發展嘅一系列故事。靚靚喺劇中飾演空降雜誌社嘅主編「肖紅雪」,佢同女主角宋佳有唔少職場嘅勾心鬥角劇情。

靚靚喺劇中飾演空降雜誌社嘅主編「肖紅雪」Photo from 《盛裝》

袁詠儀戲份少,淪為大配角?!

雖然久未參演劇集,但身為兩屆影后,靚靚亦係劇集方宣傳重點之一,喺宣傳海報上佔據重要位置。不過劇集開播後有追劇嘅網民就發現靚靚遲遲未出場,戲份似乎唔多。片尾演員表靚靚更排到第9位,雖然劇方有列明排名係「按出場順序」,但已透露靚靚唔會咁快登場。

身為兩屆影后,靚靚亦係劇集方宣傳重點之一,喺宣傳海報上都佔據重要位置。Photo from 《盛裝》

開播後有追劇嘅網民就發現靚靚遲遲未出場,戲份似乎唔多。Photo from 《盛裝》

片尾演員表靚靚更排到第9位Photo from 《盛裝》

張智霖微博發文問靚靚幾時出場

連老公張智霖都發微博tag袁詠儀:「盛装今晚開播!我好認真追完兩集,並未看到肖大主編,請問靚女你幾集才登場,我怎麼找不到你?@袁詠儀靚靚」,有網友感嘆連靚靚老公都忍唔住出聲。不過亦有人認為張智霖此舉係為老婆新劇宣傳,並大晒恩愛。

老公張智霖都發微博tag袁詠儀Photo from 張智霖微博

張智霖:「盛装今晚開播!我好認真追完兩集,並未看到肖大主編,請問靚女你幾集才登場,我怎麼找不到你?@袁詠儀靚靚」Photo from 張智霖微博

孭50萬元Hermès袋登場,有指張智霖花逾2,000萬買手袋贈靚靚

雖然部分觀眾不滿靚靚以影后身份做配角,但第四集佢終於現身,更攜Hermès綠色鱷魚皮Birkin登場,貴氣十足!有指呢個手袋炒價超過$50萬,有網民估計可能係靚靚嘅私伙手袋。

袁詠儀攜Hermès綠色鱷魚皮Birkin登場,貴氣十足!有指呢個手袋炒價超過$50萬,有網民估計可能係靚靚嘅私伙手袋。Photo from 《盛裝》

靚靚與張智霖結婚21年,張智霖經常喺微博、綜藝節目上訴苦稱靚靚成日「買包包」,但有傳多年嚟佢花逾$2,000萬買各種手袋贈老婆,絕對係愛妻號。

張智霖經常喺微博、綜藝節目上「訴苦」稱靚靚成日「買包包」Photo from 微博

有傳張智霖多年嚟佢花逾$2,000萬買各種手袋贈老婆Photo from 袁詠儀微博

廣告
廣告

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

張智霖爆重遇初戀女友被問借錢!15歲兒子魔童正面曝光激似袁詠儀

4 Feb 2022

張智霖袁詠儀夫婦北上發展不時大晒恩愛,係內地網民公認嘅模範夫妻。近日張智霖喺《大灣仔的夜》中提及初戀女友,更直言做過最瘋狂嘅事就係挽回對方,多年後兩人重遇,女方更問佢借錢。

張智霖袁詠儀夫婦北上發展不時大晒恩愛,係內地網民公認嘅模範夫妻Photo from 袁詠儀微博

張智霖袁詠儀夫婦北上發展晒恩愛

張智霖同老婆袁詠儀曾經出演唔少夫妻綜藝節目,兩公婆嘅感情一直好好,大眾都認定佢哋係一對恩愛夫妻。最近佢同陳小春、林曉峰、謝天華、梁漢文合作主持《大灣仔的夜》,靚靚都有出動監場。

張智霖同老婆袁詠儀曾經出演唔少夫妻綜藝節目Photo from 袁詠儀微博

《大灣仔的夜》張智霖爆曾為挽回初戀女友遠飛澳洲

喺新一集張智霖就大爆自己做過最瘋狂嘅一件事就係飛去澳洲挽回初戀女朋友!佢表示自己當時年紀細咩都唔識,漏夜搭飛機,落機後仲要搭足9個鐘頭巴士先去到女友屋企。

新一集張智霖就大爆自己做過最瘋狂嘅一件事就係飛去澳洲挽回初戀女朋友Photo from 《大灣仔的夜》

張智霖落機後仲要搭足9個鐘頭巴士先去到女友屋企。Photo from 《大灣仔的夜》

張智霖表示佢去之前有同女友聯絡,但到埗後先發現女友已經搬走。當被問到重新嚟過仲會唔會箍煲,佢亦好坦白:「如果是那個年紀應該會。」

張智霖表示佢去之前有同女友聯絡,但到埗後先發現女友已經搬走Photo from 《大灣仔的夜》

當被問到重新嚟過仲會唔會箍煲,張智霖亦坦白:「如果是那個年紀應該會。」Photo from 《大灣仔的夜》

初戀女友移情別戀,多年後重遇問佢借錢!

其實張智霖曾經多次喺訪問、節目中大談初戀,早年佢喺電台節目中提到初戀係佢16、17歲時發生,又指初戀女友似日本女星小泉今日子。

其實張智霖曾經多次喺訪問、節目中大談初戀Photo from 《大灣仔的夜》

張智霖表示同初戀女友分手原因係對方移情別戀,令佢大受打擊直言:「靚仔唔係大晒!」,事隔多年佢於同學聚會中得悉對方嘅聯絡方式,兩人更相約食飯,點知初戀女友竟然問佢借錢:「真係令我好心傷!」

張智霖表示同初戀女友分手原因係對方移情別戀Photo from 雷霆881

張智霖15歲兒子「魔童」張慕童正面曝光撞樣袁詠儀

雖然佢提起初戀,但亦不忘表示自己嘅理想型就係老婆袁詠儀,求生欲滿分!張智霖袁詠儀除咗獲公認係模範夫妻,佢哋嘅15歲兒子張慕童(魔童)都係大眾關注嘅對象。

張智霖不忘表示自己嘅理想型就係老婆袁詠儀Photo from 《大灣仔的夜》

張智霖曾表示唔想多談兒子,因為覺得仔仔只係一個普通人,而佢仔仔因為「你問我答」而引起一場風波,最終要由媽媽公開道歉先平息到,事後魔童已甚少更新社交網站。

張智霖曾表示唔想多談兒子,因為覺得仔仔只係一個普通人Photo from 張慕童 IG

但最近佢喺IG大晒母子合照,更罕有曝光正面,掀起熱議,唔少網友認為佢盡得父母嘅優良基因,顏值爆燈,而且同媽媽靚靚十分似樣。

魔童IG大晒母子合照,更罕有曝光正面Photo from 張慕童 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel