梅媽正式與梅啟明斷絕母子關係！直斥對方見錢開眼！過往二人相依為命
Photo from TVB
# 《梅豔芳》電影票房成績唔錯！
有「香港女兒」之稱嘅梅豔芳係唔少人心中無可取代嘅女歌手，而早前仲推出咗電影《梅豔芳》以紀錄佢傳奇嘅一生，票房高達$6,100萬，榮登2021年香港電影冠軍！
Photo from TVB
Photo from 《梅豔芳》劇照
# 梅啟明稱自己擁有梅豔芳商標？！
不過喺電影上映後，梅啟明就入稟高院聲稱自己擁有「梅豔芳」、「Anita Mui」嘅商標，指責電影製作方未經佢同意就擅自使用，要求法院禁止電影使用商標並索取賠償，引起熱議！
Photo from 《梅豔芳》預告片
# 梅媽正式與梅啟明斷絕母子關係！
日前，梅媽就登報正式宣佈與梅啟明脫離母子關係，「本人梅覃美金與兒子梅啟明脫離母子關係，此後梅啟明在外一切華洋轇轕均與本人無關。」而導火線就疑似係電影侵權事件所引致喇！梅媽當時反對梅啟明嘅做法，仲一度向傳媒大爆梅啟明欠債累累，「見錢開眼」，決心「閂水喉」唔再經濟上支援佢！
Photo from 有線電視
# 梅啟明承認欠錢，但全為母親？！
而梅啟明喺接受傳媒訪問時，承認的確有欠錢，但只係幾萬蚊；仲反斥梅媽鐵石心腸，當對方話想見孫子就立刻將兒子從馬拉西亞帶返香港，欠錢原因就係因為要付兒子隔離期間嘅酒店費用！
Photo from 有線電視
# 二人過往母子同心
過往，梅媽同長子梅啟明感情非常好，由於3名子女都先後因病去世，所以一直以來都係梅啟明陪伴喺佢身邊。二人相依為命多年，仲多次為梅豔芳嘅遺產提出法律訴訟。而梅媽亦成功每月領取20萬生活費，仲將錢分俾梅啟明一家，經濟上完全支持佢！
Photo from 《看看星聞》
Photo from 有線電視
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
98歲梅媽為爭梅艷芳億萬遺產多次上訴！生活費加至20萬仍嫌少！一文睇母子爭產歷程
18 Nov , 2021
Photo from TVB
梅艷芳逝世，成立信託基金管理遺產
梅艷芳出道20年嚟喺歌壇、影壇成就輝煌，佢離世遺下價值數千萬港元資產，有指至今已升值至過億！而梅姐喺離世前立下遺囑，成立信託基金管理其遺產。
Photo from TVB
梅姐將名下嘅位於倫敦同香港嘅兩處房產贈予好友劉培基，同時亦安排遺產可以令親人得到足夠嘅照顧：
Photo from 有線電視
1. 梅媽每月可領取$7萬港元生活費
2. 安排$170萬教育基金畀二哥同姐姐嘅4名兒女，供佢哋讀書
3. 到梅媽覃美金去世後，所有資產會扣除開支捐畀妙境佛學會。
Photo from TVB
梅媽覃美金同梅啟明多次上訴入稟爭產
有指梅姐決定梅媽每月只可獲$7萬港元生活費係擔心母親理財不善，若將遺產一次過畀晒梅媽，恐怕佢同哥哥梅啟明會喺短時間內就用晒。不過梅媽就明顯唔滿意女兒遺產嘅安排，喺梅姐離世後短短日子，梅媽即入稟要求法庭裁定遺囑無效。
Photo from 上海電視台
Photo from 上海電視台
隨後法庭駁回梅媽嘅「遺囑無效」主張，但梅媽未有放棄，繼續喺2010年同2011年上訴，但先後被駁回。據報道，梅媽喺庭上多次激動「爆粗」，又嬲到用保溫瓶蓋、除鞋掟人。
Photo from 上海電視台
梅媽同梅啟明申請增加生活費被駁回，兩人先後破產
上訴被駁回後，梅媽又再就佢每月獲得嘅生活費再上法庭，要求攞多啲錢，2012年梅媽生活費上漲至$12萬，但佢仲係唔滿意。梅媽表示佢一個月要支付房租、水電費$4萬元，加上聘請傭人、司機、買補品等開支，連同養6隻狗、兒子梅啟明夫婦等家人嘅費用等，$12萬根本唔夠用。
Photo from 上海電視台
梅媽同梅啟明多年嚟上訴失敗，令佢哋欠下律師費、訟費，最終梅媽同梅啟明分別喺2012年同2013年被法庭頒令破產。梅媽曾因欠付逾110萬訟費，再度鬧上法庭。連法官都直言：「你身體大不如前，自己保重身體，唔好再搞咁多訴訟！」
Photo from 上海電視台
生活費提高至$20萬，梅媽自爆唔夠用
喺梅媽破產後法庭判畀佢每月逾$15萬，但其中約$10.4萬用於還錢，而梅媽房租卻高達$4.3萬，於是又申請房租費等但被拒。梅媽稱無3間房住唔到：一間房擺梅姐啲嘢、佢同家傭住一間房、仲有一間房畀侄仔。但因為6個月無交租而被趕走。
Photo from 上海電視台
法庭之後再判梅媽每月生活費可提高至$20萬，但梅媽仍覺不足，自爆扣除開支只淨$9萬，根本唔夠使。
Photo from 上海電視台
梅媽以各種理由申請提取遺產
梅媽仲試過用各種理由攞錢，2009年梅媽就要求喺遺產提取$80萬元，以滿足佢「八十萬環遊世界」嘅想法，當時被法官拒絕佢嘅申請；2017年梅媽要求一次過攞晒梅艷芳的$7,100萬遺產但被拒；2018年梅媽申請$20萬補辦其91歲壽宴被拒；到2019年佢再申請拎$25萬舉辦95歲壽宴成功獲批。
Photo from 上海電視台
梅啟明不滿電影《梅艷芳》無梅媽
梅艷芳因為家境清貧，年僅4歲就已經喺荔園、啟德遊樂場獻唱維生，佢去世後獲譽為「香港的女兒」。近日佢嘅傳記式電影《梅艷芳》上映令唔少網友再度憶起梅姐生前嘅藝術成就，而梅姐嘅大哥梅啟明都有入場欣賞電影，但佢就十分不滿電影無梅媽嘅角色。
Photo from TVB
Photo from TVB
Photo from 《梅艷芳》
Photo from 上海電視台
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
