download HolidaySmart 假期日常 app
港男家中自行電髮不慎炒車!走在潮流尖端!超乎想像效果惹爆笑

港男家中自行電髮不慎炒車!走在潮流尖端!超乎想像效果惹爆笑

生活熱話
By Stephanie on 16 Feb 2022
Digital Content Writer

由於疫情變得嚴重,政府日前收緊規例將髮型屋列入為受限場所,要求所有理髮店停業2星期。有唔少網民都未能趕上「剪髮」嘅尾班車,所以就決定自行喺屋企理髮,但就釀成笑話,向網民們分享自己嘅髮型

有港男分享自己喺屋企理髮嘅成果,引起爆笑!Photo from TVB

# 髮型屋需要停業14天!

政府上星期收緊防疫措施,將髮型屋列入限制場所停業14天,唔少市民都紛紛抓緊時間理髮;但亦有網民希望發掘新潛能,喺屋企自己修剪髮型,但就失敗收場引發爆笑!

政府收緊防疫條例,髮型屋亦需要停業14天!Photo from TVB

# 港男分享家中電髮經過!

日前,有港男喺FB群組中表示因為唔想排隊剪頭髮,所以決定喺屋企自行電髮,並向大家分享成果!

港男於群組中向大家分享自行電髮嘅經過!Photo from FB群組

# 效果顯著,但並非樓主期望嘅髮型?!

從照片中所見,男子將一小撮嘅頭髮捲起並利用錫紙包住,成個頭足足被捲咗30條咁多!雖然港男未有透露詳細嘅電髮方法,但電髮嘅效果非常顯著,只見佢嘅頭髮變成微微彎曲仲豎起,同本身扁平嘅髮型十分唔同!

只見電髮時佢將頭髮捲起,同外國流行嘅雷鬼髮型有幾分相似!Photo from FB群組

而樓主嘅電髮成果亦非常顯著!Photo from FB群組

# 向網民求救!

不過,港男就直言「宜家出晒事」,希望網民能夠提供尚未關門嘅髮型屋俾佢去「急救」髮型!

港男大呻髮型出事,希望網民俾建議佢補救下!Photo from TVB

# 網民提供補救方法!

有唔少網民見到照片後都忍唔住爆笑,仲話其實新髮型令變得更加年輕同有活力「謝謝你給大家苦中一點樂」、「頭髮睇落多咗」等留言,認為並唔係咁差;亦有網民話髮型應該無法keep好耐,或者利用髮gel將髮型變all back 就可以~

網民們都提供唔少建議俾樓主,認為gel頭後應該唔錯!Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

12 Nov , 2021

你對伴侶髮型有強烈控制慾嗎?近日,一名女網民上討論區發文,指男友見到自己嘅新髮型後竟埋怨佢剪髮前唔問下男友意見先,仲話好多女仔都會問准男友先剪短!此舉令女事主大感不公,故向網民大吐苦水。

有女網民剪髮後諗住畀驚喜男友,點知對方不滿佢無先問准自己Photo from 《以吾之名》 劇照

女生剪髮,男友不滿無先過問

最近,一名女網民到香港討論區發文,表示自己想轉下形象,但有唔太想花很多錢染髮,之前亦試過電直及曲髮,所以今次決定將頭髮剪短至及肩長度。剪髮後就去跟男友吃午餐,諗住畀個驚喜佢。

女事主將頭髮剪至及肩長度,準備見男友Photo from 《降魔的2.0》 劇照

豈料,男友見到女友新形象嘅第一個反應不似預期,問女友:「點解剪短咁大件事都唔問下我先?」女事主感到錯愕,並反問男友:「咁你平時剪頭髮都唔會事先問過我先啦!」

點知男友竟然不滿女友剪髮前無先得佢批准,女友生氣反駁,男方自己剪髮前都唔會問自己意見Photo from 《武法律師》 劇照

男友聲稱好多女生剪髮前都會先過問伴侶

男友聽罷便反駁男生與女生有分別,更直言出面好多女朋友剪髮前都會問咗男朋友畀唔畀先,所以不滿女事主為何沒有先問佢意見。

男友更聲稱好多女仔剪髮前會先過問男友意見Photo from 《香港愛情故事》 劇照

女事主大呻不公

女事主在帖文大呻:「其實都唔係剪短咗好多啫... 而且頭髮呢啲嘢唔通我都唔可以自己話事咩!」佢又不忿問道:「你哋啲男人到底諗緊咩嘢?你哋剪髮前都唔問我,我剪前又要問過你哋先?公平咩??」

對於連剪頭髮咁個人嘅事都不能自行作主,女事主大感不公Photo from 《武法律師》 劇照

網民:大男人主義!

對此,大部分網民都認為事主男友控制慾過高,充滿大男人主義,長期交往只會令事主不快;又有人驚歎21世紀仍有如此男人,女人剪髮無先過問猶如犯下大罪。

大部分網民都認為事主男友太大男人主義、控制慾太強Photo from 香港討論區

有網民驚歎呢家仲有如此男人,女人剪髮猶如犯下大罪Photo from 香港討論區

不少網民建議分手

亦有網民建議事主分手,因為可見佢男友連少少事都管,事主會無法做自己想做嘅事,將來有排捱。有網民亦同意,如果剪髮都要先得男友批准,恐怕將來結婚後,事主想去娘家都要問過男友先。

不少網民都認為事主男友控制慾太強,會令事主無法進行想做嘅事,建議分手Photo from 香港討論區

另有網民笑言,若果事主男友認為好多女生剪髮前都會先問准男友,咁女事主都可以「回禮」,話有好多男生一出糧就會將大部分薪水畀曬女友!

有機靈網民建議女事主可以「回禮」,指好多男人一出糧都會將薪水畀曬女友Photo from 香港討論區

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel