【潮人注意！】RAZE銅鑼灣限定店結幕企劃～必搶重磅聯乘Billionaire Boys Club「星塵藍」＋大玩科技藝術

相信大家近月經過銅鑼灣希慎廣場對面都對樓高3層嘅RAZE限定店亳不陌生～由去年12月以節日為主題矚目登場，將限定店打造成一個集買、玩、打卡於一身嘅地方。喺過去1月亦夥同YouTube頻道Mill Milk製作以新舊銅鑼灣為主題嘅展覽，完美展現作為本地科研品牌嘅多樣性！而踏入2月，限定店將嚟到尾聲並於2月21日結幕。為隆重其事，RAZE一口氣推出多項聯乘為是次限定店畫上完美句號！今次結幕企劃同樣驚喜十足，而家即刻為大家逐一介紹壓軸驚喜～

#結幕企劃結合科技、藝術同時尚，唔止限定店咁簡單！

Photo from HolidaySmart

RAZE一直以嚟相信未來係充滿無盡可能，好似浩瀚宇宙一樣。而今次限定店以「Across the Universe of Art & Fashion」為結幕主題，結合咗科技、藝術同時尚，由外牆裝飾、店內佈置以至展覽內容都非常切合主題，真係每層一驚喜，好有心思！

#重磅聯乘街頭潮牌Billionaire Boys Club推出限定「星塵藍」，潮人必搶！

Photo from HolidaySmart

小編睇到今次RAZE結幕企劃嘅重磅聯乘真係好興奮！最矚目莫過於同金牌製作人Pharrell Williams同日本時尚教父NIGO聯手打造嘅街頭時尚品牌Billionaire Boys Club聯乘，推出獨家限量宇宙「星塵藍」，每片仲印有Billionaire Boys Club代表性太空人同RAZE標誌，整體非常有質感～而限量「星塵藍」色系2月19日起於銅鑼灣限定店發售，各位潮人萬勿錯過！

Photo from HolidaySmart

為配合結幕企劃主題，設於G樓嘅戶外空間亦化身成太空小花園，入面除咗有Billionaire Boys Club代表性嘅太空人公仔板同大家Say Hi，牆身仲佈滿圓形星空鏡，真係超夢幻，絕對值得花時間欣賞同影相。

#藝術迷絕對要留意！RAZE+光觸媒抗菌漆化身油畫顏料，創意無限！

Photo from HolidaySmart

結幕企劃驚喜真係一浪接一浪，限定店1樓有RAZE x 新晉藝術家Lingmuki嘅展覽*，佢利用10種RAZE+光觸媒抗菌漆繪畫以超新星（Supernova）為題嘅油畫同立體作品，天花仲吊咗多個迷你太空人同外星人公仔，真係好Cute！Lingmuki早前仲特意親臨限定店繪作牆身油畫，大家不妨到場支持本地畫家，仲可以近距離欣賞佢細緻嘅油畫刮力技巧?～

#超有Feel RAZE x TELEPORT 科幻藝術體驗館

Photo from HolidaySmart

嚟到2樓，就有令小編最驚喜嘅聯乘－RAZE x TELEPORT*。整個投射裝置由TELEPORT科幻藝術體驗館設計，大家只要擺動身體就可以操作感應器改變幕牆上嘅圖案同顏色～而且靠近幕牆仲能夠投射墨流圖案喺衣服同身體剪影上，充滿科幻感，型格十足～

睇完小編推介咁多壓軸活動，一於把握最後一周，約埋閨蜜或者另一半去RAZE限定店感受各個聯乘嘅魅力啦！

RAZE銅鑼灣限定店
地址：銅鑼灣啟超道16號地下至2樓（希慎廣場對面）
日期：即日起至2022年2月21日
營業時間：星期一至日 上午11時至下午10時
詳情：https://bit.ly/3rMd2Ft

*1樓及2樓展覽之開放時間及詳情或因應最新防疫措施而作出調整。

RAZE x Billionaire Boys Club限定版「星塵藍」現於銅鑼灣限定店獨家展出，並於2月19日RAZE銅鑼灣限定店及BBC中環限定店發售，詳情請留意RAZE及BBC公佈。

Text：HolidaySmart
Featured for：RAZE
Photos source：HolidaySmart

**本文章的圖片均經其本人或其公司授權，其他媒體不得轉載