download HolidaySmart 假期日常 app
陳楨怡被周子揚爆收兵!5大裙下之臣:何超蓮舊愛、天堂鳥成員

陳楨怡被周子揚爆收兵!5大裙下之臣:何超蓮舊愛、天堂鳥成員

娛樂新聞
By Jennifer on 15 Feb 2022
Digital Editor

港姐亞軍陳楨怡最近被周子揚瘋狂爆料,指佢有男友仍一腳踏兩船同自己交往。情人節周子揚又爆陳楨怡喺TVB收咗5個「觀音兵」,當中有男有女,每個人都有不同「功能」!

港姐亞軍陳楨怡最近被周子揚瘋狂爆料,指佢有男友仍一腳踏兩船同自己交往。Photo from 陳楨怡 IG

周子揚爆陳楨怡背正印男友Andy一腳踏兩船?

2020港姐亞軍陳楨怡(Celina)擁有一雙長腿,簽約TVB後主要擔任主持嘅工作。早於參選時,佢已公開有圈外男友,對方為戴祖兒嘅前度Andy。

2020港姐亞軍陳楨怡(Celina)擁有一雙長腿Photo from 陳楨怡 IG

早於參選時,陳楨怡已公開有圈外男友,戴祖兒嘅前度Andy。Photo from TVB

雖然名花有主,但曾經係TVB藝人嘅周子揚突然向傳媒爆料稱佢同陳楨怡已經秘密交往1年半!周子揚更晒出合照等「證據」,又聲稱好愛對方,希望可以公開戀愛。但女方就澄清兩人只係朋友關係,更表示自己現時單身,否認周子揚「正印男友」身份。

曾經係TVB藝人嘅周子揚突然向傳媒爆料稱佢同陳楨怡已經秘密交往1年半!Photo from 周子揚 IG

陳楨怡澄清兩人只係朋友關係,更表示自己現時單身,否認周子揚「正印男友」身份。Photo from 陳楨怡 IG

聲稱陳楨怡「愛收兵」,又與港姐冠軍謝嘉怡、季軍郭柏妍開party

周子揚又稱陳楨怡愛抽煙,更會聯同其他人開party,同屆港姐冠軍謝嘉怡、季軍郭柏妍等都有參與。不過謝嘉怡受訪表示佢無抽煙習慣,屋企人亦唔會畀佢吸煙。

周子揚稱陳楨怡愛抽煙,更會聯同其他人開party,同屆港姐冠軍謝嘉怡、季軍郭柏妍等都有參與Photo from TVB

周子揚情人節再「發力」,爆料陳楨怡除咗Andy同佢之外,仲喺TVB收兵!人數更高達5人之多,當中有男有女,每個「兵」都有唔同「功用」。

周子揚情人節再「發力」Photo from TVB

周子揚爆料指陳楨怡除咗Andy同佢之外,仲喺TVB收兵!人數更高達5人之多Photo from 陳楨怡 IG

第一位:「天堂鳥」前成員Lincoln

第一位就係男團「天堂鳥」前成員Lincoln(許俊豪),佢現時簽約TVB,更加入「Super Tiger」力撼ViuTV當紅男團MIRROR。周子揚指陳楨怡貪Lincoln喺TVB人脈多,可以介紹經理人私下幫陳楨怡接Job。

男團「天堂鳥」前成員Lincoln(許俊豪)Photo from 登陸太陽 MV

Lincoln現時簽約TVB,更加入「Super Tiger」力撼ViuTV當紅男團MIRRORPhoto from TVB

周子揚指陳楨怡貪Lincoln喺TVB人脈多,可以介紹經理人私下幫陳楨怡接Job。Photo from TVB

第二位:模特兒出身黃俊豪

第二位「兵」係黃俊豪(Jeremy),佢係已故賭王女兒何超蓮舊愛,模特兒出身嘅佢現時亦係TVB旗下藝人,有指佢成功埋堆富婆圈,從聚會合照中可見當日出席聚會嘅女士個個非富則貴:有身家超過20億嘅呂良偉夫婦、曾係香港女首富嘅金利豐金融行政總裁朱李月華、「國寶級」鋼琴大師劉詩昆嘅太太孫穎、身家估計超過5億港元嘅「大美人」關之琳。周子揚稱Jeremy模特兒出身,可以介紹多啲廣告畀陳楨怡。

第二位係黃俊豪(Jeremy),佢係已故賭王女兒何超蓮舊愛Photo from 黃俊豪 IG

有指黃俊豪成功埋堆富婆圈,從聚會合照中可見當日出席聚會嘅女士個個非富則貴Photo from 黃俊豪 IG

周子揚稱Jeremy模特兒出身,可以介紹多啲廣告畀陳楨怡。Photo from 黃俊豪 IG

第三位:TVB力捧林正峰、第四位:韓國男模特兒

第三位係最近備受TVB力捧嘅林正峰,喺青春劇《青年心城之撐起青春》擔正做男主角,同游嘉欣有感情線。雖然林正峰有正印女友Yuki,但周子揚表示林正峰是TVB高層曾勵珍愛將,直言陳楨怡「收佢做兵可以收到料」!另外仲有不知名嘅韓國廣告男模,周子揚指陳楨怡亦係希望對方可以介紹廣告工作畀佢。

第三位係最近備受TVB力捧嘅林正峰Photo from 林正峰 IG

林正峰喺青春劇《青年心城之撐起青春》擔正做男主角,同游嘉欣有感情線Photo from 林正峰 IG

雖然林正峰有正印女友Yuki,但周子揚表示林正峰是TVB高層曾勵珍愛將,直言「收佢做兵可以收到料」Photo from TVB

第五位:馮盈盈女助手

至於最後一位係5個「觀音兵」中唯一一位女生,就係馮盈盈嘅女助手,馮盈盈IG嘅日常照基本上都係由女助手負責影。周子揚透露馮盈盈女助手本身做攝影師,陳楨怡貪佢影相夠靚咁話!

最後一位係5個「觀音兵」中唯一一位女生,就係馮盈盈嘅女助手Photo from 馮盈盈 IG

周子揚透露馮盈盈女助手本身係攝影師,陳楨怡貪佢影相夠靚咁話!Photo from 馮盈盈女助手 IG

網民:男方好幼稚

周子揚多次爆料,稱對方一腳踏兩船、愛抽煙等,今次佢又力數陳楨怡享受做「娘娘」,雖然佢自稱自己好愛對方,但行為上未免自相矛盾,加上陳楨怡咁耐以嚟都淨係回應過一句「單身」,唔少網民都表示周子揚行為幼稚:「做男人做到咁小器」、「擺明想害個女仔身敗名裂!」

周子揚多次爆料,稱對方一腳踏兩船、愛抽煙等,今次佢又指陳楨怡享受做「娘娘」Photo from 周子揚 IG

周子揚自稱自己好愛陳楨怡,但行為上未免自相矛盾Photo from 周子揚 IG

唔少網民都表示周子揚行為幼稚:「做男人做到咁小器」Photo from HolidaySmart

亦有網友稱唔明以陳楨怡條件點解會做到「娘娘」,更有網民直言所謂嘅觀音兵知名度都好低。

有網友稱唔明以陳楨怡條件點解會做到「娘娘」Photo from LIHKG

陳楨怡不時會喺IG晒靚相Photo from 陳楨怡 IG

有網民直言所謂嘅觀音兵知名度都好低。Photo from LIHKG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

TVB落選港姐被爆?食免費tea走數刪走宣傳post!網友憑4點揭真身

17 Jan 2022

前新城電台DJ林柏希近日爆料有「港姐10強」嘅TVB藝人主動搵佢以IG出post宣傳換取「免費試食」,點知最後竟然「走數」刪除宣傳帖文。有網民發現有港姐十強之一嘅藝人重新公開tea set打卡照,疑為「?著數」落選港姐真身!

前新城電台DJ林柏希近日爆料有自稱「港姐10強」嘅TVB藝人主動搵佢以IG出post宣傳換取「免費試食」Photo from 梁柏希Facebook

前新城電台DJ林柏希爆有落選港姐「?著數」

林柏希之前曾經喺新城電台做DJ,自2016年離職後轉行做飲食界公關。佢近日喺Facebook發長文爆有同事同佢講有一位TVB藝人主動用IG Inbox餐廳表示想試Tea Set,之後翻睇佢IG發現佢係「某一屆香港小姐十強」。

林柏希之前曾經喺新城電台做DJ,自2016年離職後轉行做飲食界公關Photo from 梁柏希 IG

林柏希直言唔知對方係邊個但見佢有超過3萬個followers,諗住互惠互利啦:「我請你食無問題,叫佢之後出返個IG wall post囉」,佢表示對方唔係佢朋友,亦唔係佢邀請嘅,所以曾同對方講到明唔係淨係出IG story,係要wall post。

林柏希直言:「講真,我完全唔知佢乜水,見佢都有三萬幾followers,就諗住互惠互利啦,我請你食無問題,叫佢之後出返個IG wall post囉」Photo from 梁柏希Facebook

「港姐十強」只出IG Story,仲要齋影背面

但事後港姐十強淨係post咗IG Story,仲要得佢嘅背面無影到個tea set,林柏希無奈指作為PR要向老闆交待,佢嘅同事等咗幾日都唔見港姐十強有出返post,於是主動聯絡對方,提醒佢出返IG wall post。港姐十強完全無覆到同事嘅WhatsApp,不過當晚有出返個post,但個post都係集中影住佢個靚樣,個tea set就完全blur咗,亦無tag到有關餐廳。但見對方有落到「打卡位置」,所以林柏希都收貨。

事後港姐十強淨係post咗IG Story,仲要淨係得佢嘅背影,又無影到個tea setPhoto from 梁柏希Facebook

「港姐十強」刪除宣傳帖文,公關:唔好再用呢啲招數呃飲呃食

點知第二日林柏希同事想cap圖做media clipping時竟發現對方已刪除(或者隱藏)相關帖文,令佢非常無語:「一個tea set值幾錢吖?原來你個朵就係值咁多㗎咋?哈哈!仲有,真係唔係我迫你出post㗎,係你主動R跟住自己應承咋,原來你嘅誠信只係值一晚」,從字裡行間都feel到佢有幾火,林柏希直言:「唔好再用呢啲招數去其他餐廳呃飲呃食喇,真係影衰晒㗎!!」,事件引起網民熱議,更有唔少人去搵落選港姐嘅IG睇下係邊個「走數」。

林柏希直言:「唔好再用呢啲招數去其他餐廳呃飲呃食喇,真係影衰晒㗎!!」Photo from 梁柏希 IG

網友揭符合4大條件嘅黃婉恩疑為「走數港姐」真身!

有網友發現黃婉恩(Yancy Wong)嘅IG post有重新公開一張high tea打卡post,相片的確係模糊咗個tea set,但有落到相關hashtag。黃婉恩係2020年香港小姐10強落選佳麗,同屆冠軍謝嘉怡都有follow佢,符合「港姐十強」嘅身份。

有網友發現黃婉恩(Yancy Wong)嘅IG post有重新公開一張high tea打卡post,相片的確係模糊咗個tea set,但有落到相關hashtag。Photo from 黃婉恩 IG

黃婉恩係2020年香港小姐10強落選佳麗Photo from TVB

同屆冠軍謝嘉怡都有follow黃婉恩,符合「港姐十強」嘅身份Photo from 黃婉恩 IG

黃婉恩IG followers有超過3.6萬,亦同林柏希所講嘅一致,加上佢於相中嘅衣著打扮都同林柏希公開嘅背影照十分相似,咁多條件都中晒,唔少網民都估佢就係「走數落選港姐」!

黃婉恩IG followers有超過3.6萬,亦同林柏希所講嘅一致Photo from 黃婉恩 IG

於相中嘅衣著打扮都同林柏希公開嘅背影照十分相似Photo from 黃婉恩 IG

好似喎!Photo from 梁柏希Facebook

黃婉恩入院不忘化妝打卡

黃婉恩原來2019年已經報名參選港姐,可惜接獲入圍通知後,因腳傷被迫退選,到2020年佢再度參選,最後入圍10強。黃婉恩簽約TVB後現時主要做娛樂新聞報道主播、《港生活·港享受》主持。

黃婉恩原來2019年已經報名參選港姐,可惜接獲入圍通知後,因腳傷被迫退選Photo from 黃婉恩 IG

黃婉恩簽約TVB後現時主要做娛樂新聞報道主播、《港生活·港享受》主持。Photo from 黃婉恩 IG

其實今次並非黃婉恩首次掀起網友熱話,2021年佢因為踩單車整傷腳要入院,佢更影相放上IG,當時有人好奇佢住私家醫院單人房應該生活富貴外,亦有網民指佢入院都掛住打卡。

2021年黃婉恩因為踩單車整傷腳要入院,佢更影相放上IGPhoto from 黃婉恩 IG

有網民指黃婉恩入院都掛住打卡。Photo from 黃婉恩 IG

有關帖文下嘅留言亦非常直接:「原來就係呢個呃Tea Post?,其實冇錢咪唔好食,做人底線真係要?」、「因為世上無免費嘅午餐,所以轉攻下午茶?」、「r埋r埋先儲夠錢買LV」

好多網民去黃婉恩IG留言Photo from 黃婉恩 IG

網友直言:「原來就係呢個呃Tea Post,其實冇錢咪唔好食,做人底線真係要」Photo from 黃婉恩 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel