人氣Sticker可愛小朋友Tatan近況曝光!成為印尼年紀最小網紅!爆紅全因哥哥?

人氣Sticker可愛小朋友Tatan近況曝光!成為印尼年紀最小網紅!爆紅全因哥哥?

生活熱話
By Stephanie on 15 Feb 2022
Digital Content Writer

相信大家用WhatsApp或者Signal嘅時候,都會使用唔同得意又搞笑嘅sticker!其中爆紅嘅可愛小肥仔sticker主人公就係來自印尼嘅Jonathan R.Sugianto,原來宜家佢已經8歲喇,仲打算進軍YouTube界!

爆紅Sticker嘅小肥仔近況曝光!Photo from jrsugianto @IG

# 人氣Sticker小肥仔超得意~

唔知大家又有冇用過呢款超得意嘅小肥仔sticker呢?!佢搞怪嘅模樣同動作,加上字幕對白令sticker變得栩栩如生,隨之令佢人氣爆燈~

可愛小肥仔Sticker男孩原來印尼人!Photo from 微博

可愛嘅模樣加表情,成功令Sticker人氣飆升!Photo from 微博

# 成為印尼年紀最輕網紅!

其實呢位可愛小肥子啊係來自印尼嘅Jonathan R.Sugianto,大家都稱呼佢為 Tatan(中文譯為打蛋),出生於2013年嘅佢已經8歲喇,而IG帳號就有高達270萬人追蹤,可以話係一位小網紅~

可愛印尼小肥仔宜家已經8歲喇!Photo from 微博

成為咗印尼年紀最小網紅,IG追蹤人數達27萬!Photo from 微博

# 爆紅全因為哥哥?!

Sticker爆紅令Tatan成為印尼年紀最輕嘅網紅,當時嘅佢只係得4歲,而成名契機原來係因為哥哥?!事關哥哥一直都好鍾意Tatan,經常為佢拍照錄片,亦因此捕捉到弟弟可愛嘅樣貌!

Tatan之所以會爆紅原來係因為哥哥?!Photo from Jonathan R. Sugianto @Youtube

哥哥平常非常疼愛Tatan,經常帶佢周圍玩~Photo from Jonathan R. Sugianto @Youtube

據悉,當時Tatan係因為一條跳舞影片而獲得網民關注,只見佢忍唔住跟著音樂搖擺自己嘅身體,令大家都大讚可愛~

Tatan係因為一條跳舞影片而備受網民關注!Photo from 微博

# Sticker亦記錄Tatan日常生活!

而Tatan嘅sticker其實亦隱藏唔少故事:「自救」Sticker喺Tatan生病吸氧嘅時候拍下、甜蜜飛吻圖片就係想媽媽示愛嘅時候拍下等,性格乖巧又貼心!

Tatan嘅sticker其實都記錄低佢嘅日常生活~Photo from Twitter

可愛飛吻sticker就係獻吻俾媽媽嘅時候影~Photo from Twitter

# Tatan今年已經8歲,成為YouTuber!

轉眼間,Tatan宜家已經8歲喇,樣貌的確成熟咗好多,但依然非常可愛!另外,Tatan亦投身YouTube 界成為YouTuber,影片大部分都係日常影片,而且好多都係開箱影片~

現年8歲嘅Tatan長大咗好多,但依然非常得意!Photo from jrsugianto @IG

Tatan近來非常活躍於拍攝Youtube~Photo from Jonathan R. Sugianto Youtube

# 網民擔心Tatan健康!

不過有網民就擔心Tatan嘅健康,雖然圓嘟嘟嘅面頰係佢嘅標誌,但認為佢有體重過重嘅傾向,希望Tatan父母唔會為賺錢而漠視兒子嘅成長!

有網民就擔心Tatan身形過重會影響成長!Photo from jrsugianto @IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

廣告
廣告

爆紅「男友𥄫女」MEME圖背後竟藏心酸故事!完整故事大公開 網民:真係估佢唔到

10 Sep , 2021

近呢幾年,大家都好鍾意喺社交媒體使用唔同嘅表情包,其中好多都經過網民嘅惡搞,非常有趣~其中一個大家都必定有睇過嘅「男友𥄫女」表情包,原來呢系列嘅照片背後卻隱藏住一個令大家都爆笑嘅結局㗎!

網絡經常都會使用唔同嘅表情包或者Meme~Photo from Pinterest

#「男友𥄫女」圖片十分出名!

相信而家唔少人都有用表情包嘅習慣,而網路上亦出現唔同種類嘅表情包俾網民自由創作,為大家提供笑彈。當中有一個非常著名嘅「男友𥄫女」就更加係家傳戶曉,喺網上被大家瘋傳!

呢張男友偷望女仔嘅表情包被網民瘋傳!Photo from Pinterest

#表情包背後隱藏心酸愛情故事?!

最近,有網民就發現原來呢系列照片嘅後續發展,故事發展令大家忍唔住爆笑,而家就等我哋將成個故事完整咁還原一次啦~當初,呢位男友喺同女友拖住手拍拖逛街嘅時候,一見到有靚女就即刻回頭望,令身旁嘅女友非常生氣!

男友依然繼續公然喺女友面前望其他女生!Photo from Pinterest

女友見狀十分生氣!Photo from Pinterest

#偷望對象居然係女友朋友?!

儘管呢位男友經常因此而激嬲女友,但佢依然死性不改,而好巧合嘅係男友每次𥄫嘅對象都好似係同一個女仔。有一次,女友就忍唔住喺男友偷望時上前理論,但就發現女仔竟然係佢失去聯絡多時嘅兒時好友,氣氛瞬間變成開心重聚嘅畫面!

女友再一次發現決定搵該名女生議論!Photo from Pinterest

竟然意外發現兒時好友!Photo from Pinterest

#男生瞬間變局外人!

久別重逢嘅呢對好朋友就即刻搵咗間咖啡廳坐,好開心咁大聊往事,而男友(藍色格仔衫)就好落寞咁坐喺另一張枱,背對住佢哋坐,似乎未能夠加入兩人嘅話題之中!

兩個女生瞬間變成好友!Photo from Pinterest

#女生們感情升溫!

劇情峰迴路轉!兩個女仔嘅感情變得越來越好,一拍即合,佢哋之間嘅關係好快就已經昇華到超越咗朋友關係,並發現對方先係自己嘅真愛!

兩個女生嘅感情迅速升溫!Photo from Pinterest

#男生變回單身!

最後,佢哋就決定結婚,並且得到身邊嘅親朋好友們嘅祝福,有情人終成眷屬!而鏡頭一轉,男生就一個人孤單又落寞,勢估唔到最終兩個女仔都離佢而去!

最終兩人結婚,成功尋覓真愛!Photo from Pinterest

留下男生獨自落寞流淚!Photo from Pinterest

#圖片本來係商業用素材!

其實呢系列嘅爆笑表情包原本係商業用嘅製作素材,係由外國攝影師Antonio Guillem為一間Shutterstock 公司拍攝。點知就被廣大嘅網民用咗做搞笑表情包,仲因此而爆紅~

呢系列嘅照片係出自攝影師Antonio Guillem!Photo from Shuttlestock官網

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel