download HolidaySmart 假期日常 app
港男自稱於上市公司做銷售經理，女友踢爆竟任職麥當勞欲分手

港男自稱於上市公司做銷售經理，女友踢爆竟任職麥當勞欲分手

時事熱話
By Jennifer on 16 Feb 2022
Digital Editor

香港唔少女生都好重視對象有無上進心，日前有網友喺討論區發文指男友自稱喺上市大公司工作，但竟被佢揭穿只係喺快餐店做，令佢大為失望，仲打算分手。

香港唔少女生都好重視對象有無上進心Photo from TVB

男友聲稱任職上市大公司

職業都係部分人嘅揀偶條件之一，男士如果有高薪厚職喺婚戀市場會較受歡迎，有啲人甚至會故意隱瞞自己嘅真實職業，務求喺追求女生時更順利。

職業都係部分人嘅揀偶條件之一，男士如果有高薪厚職喺婚戀市場會較受歡迎Photo from TVB

不過瞞得一時就瞞唔到一世，被揭穿仲可能會激嬲另一半！有網民喺香港討論區發文指男友之前曾同佢講自己任職上市大公司。

瞞得一時就瞞唔到一世，被揭穿仲可能會激嬲另一半

有網民喺香港討論區發文指男友之前曾同佢講自己任職上市大公司。Photo from TVB

港女揭男友做麥當勞經理，想分手

男友聲稱自己喺上市公司做銷售經理，原本都相安無事，但女友最近去連鎖快餐店用餐，竟偶然遇上男友！

男友聲稱自己喺上市公司做銷售經理，原本都相安無事

女友最近去連鎖快餐店用餐，竟偶然遇上男友！Photo from 麥當勞

女友大為吃驚，佢無意中竟揭穿男友其實係喺麥記做經理，有感同之前男友聲稱「上市公司銷售經理」差距好大，於是於討論區發文，苦惱問網民：「應唔應該分手？」

無意中竟揭穿男友其實係喺麥記做經理，女友大為吃驚Photo from TVB

女友覺得男友真實職業同之前聲稱「上市公司銷售經理」差距好大Photo from TVB

網友：佢又無呃你喎！

帖文引起網友關注，唔少網民稱麥記經理呢份工都唔係好失禮，又表示樓主仲可以有唔少「著數」：「有免費包食唔好咩？」，呼籲樓主好好珍惜男友。

唔少網民稱麥記經理呢份工都唔係好失禮Photo from 香港討論區

網友表示樓主仲可以有唔少「著數」：「有免費包食唔好咩？」Photo from 香港討論區

網民呼籲樓主好好珍惜男友。Photo from TVB

另外亦有網民反指男友無講大話，麥記的確係上市大公司，佢亦係做緊經理職位，為人十分「誠實」：「佢無呃你喎！」，仲有人表示樓主男友轉數快，將來定必有所成就，所謂莫欺少年窮，勸樓主唔好分手。

有網民反指男友無講大話，麥記的確係上市大公司Photo from 香港討論區

網友：「佢無呃你喎！」Photo from 香港討論區

有人表示樓主男友轉數快，將來定必有所成就，所謂莫欺少年窮，勸樓主唔好分手。Photo from TVB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

港女不慎做第三者，憑4大線索踢爆男友未分手！撞見男友「正印」真身極震驚

5 Jan 2022

喺一段感情中第三者嘅出現多數都會被指責。近日有網友喺討論區發文稱佢發現男友原來另有愛侶，而佢則喺不知情嘅情況下做咗第三者，更撞破男友同「前度」約會嘅場面，令佢大感崩潰！

喺一段感情中第三者嘅出現多數都會被指責。

港女唔知情做咗第三者

「第三者」一直都為人厭棄，兩個人之間如果出現第三者，多數都會將負任歸咎於佢，但有時第三者自己都係被騙嘅人，其實都非常無辜。近日喺香港討論區就有網友發文稱自己唔小心做咗第三者！

近日喺香港討論區就有網友發文稱自己唔小心做咗第三者！

佢表示初初認識男朋友嗰陣覺得佢個人好好，又溫柔體貼、咩都遷就佢，兩人喺11月尾正式確定關係成為情侶。

網友表示初初認識男朋友嗰陣覺得佢個人好好，又溫柔體貼、咩都遷就佢

線索一：男友夜晚9點後先覆機

但好快樓主就發現男友有啲奇怪，男友平日要去到夜晚9點後先會聯絡佢，男友解釋因為返工好忙，即使搭車都想休息下，所以會返到屋企先搵佢。

好快樓主就發現男友有啲奇怪，男友平日要去到夜晚9點後先會聯絡佢，男友解釋因為返工好忙

線索二：聖誕日男友稱要「報福音」唔得閒

之後到聖誕節樓主滿心期待，因為係佢哋一齊過嘅第一個節日，佢主動問男友有咩計劃，點知對方沉默咗1分鐘，之後先話佢聖誕節嗰日要同屋企人去報佳音，因為一齊咗無幾耐，樓主對男友嘅家人認識唔深，以為佢哋有信仰所以聖誕節唔得閒。

到聖誕節樓主滿心期待，因為係佢哋一齊過嘅第一個節日

樓主問男友有咩計劃，點知對方沈默咗1分鐘，之後先話佢聖誕節嗰日要同屋企人去報佳音

線索三：港女發現男友手機有聯絡人叫「豬豬B」

即使一開始樓主唔為意，同男友相處都慢慢發現啲「蛛絲馬跡」，佢有好幾次都見到男友手機有個叫「豬豬B」嘅人搵佢，樓主懷疑男友可能有其他女朋友，不過試過好幾次想開佢手機都唔成功。

樓主好幾次都見到男友手機有個叫「豬豬B」嘅人搵佢，樓主懷疑男友可能有其他女朋友

樓主懷疑男友可能有其他女朋友

線索四：男友多次回避有關「前女友」問題

樓主表示有問過男友有關前女友嘅事，男友對每個有關前度嘅問題只係回答一兩句就算，令樓主心中嘅懷疑越嚟越大：「我覺得佢根本未同佢前女友分手就同我一齊。」

樓主表示有問過男友有關前女友嘅事，男友對每個有關前度嘅問題只係回答一兩句就算

港女終見男友正印真身，大感震驚

為咗了解清楚男友係咪另有女友，樓主不惜去男友公司附近等佢放工，樓主見男友收咗工45分鐘都未走，終於「正印」出場，令樓主大為震驚！

為咗了解清楚男友係咪另有女友，樓主不惜去男友公司附近等佢放工

樓主指有位男士出現同男友打招呼，佢同男友拍拖成個月都未見過佢啲朋友，仲以為男友係約咗fd，但嗰位男士竟然行埋去鍚咗男朋友塊面一啖！之後更十指緊扣拖住手咁離開，樓主雖然内心有預感自己真係做咗第三者，但佢點都估唔到男友手機嘅「豬豬B」會係一位男士。

樓主指有位男士出現同男友打招呼，佢同男友拍拖成個月都未見過佢啲朋友，仲以為男友係約咗fd

嗰位男士竟然行埋去鍚咗男朋友塊面一啖

男友同嗰位男士之後更十指緊扣拖住手咁離開

樓主表示：「豬豬B原來係男人..呢件事對我黎講真係太震驚，我唔敢同我啲朋友講..」，好多網友都認為樓主男友隱瞞自己早有另一半嘅事實好過分，亦有人勸樓主快啲同男友分手「唔好一錯再錯」，而樓主就指得知真相後已即刻同男友斬欖。

樓主表示：「豬豬B原來係男人..呢件事對我黎講真係太震驚，我唔敢同我啲朋友講..」

有人勸樓主快啲同男友分手「唔好一錯再錯」

有網友猜測：「係咪想要個BB先追你咋？！」，亦有人表示：「情敵係男友點都好過情敵係女人...」，但有網民則質疑樓主經歷嘅真實性，認為即使依家社會風氣開放咗，都好難會見到有男士十指緊扣咁行街：「睇BL劇上腦？」

有網友猜測：「係咪想要個BB先追你咋？！」

有人表示：「情敵係男友點都好過情敵係女人...」

有網民則質疑樓主經歷嘅真實性，認為即使依家社會風氣開放咗，都好難會見到有男士十指緊扣咁行街：「睇BL劇上腦？」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

時事熱話麥當勞港女網民熱話男友香港討論區