梅啟明獲梅媽供養毫不感恩，不滿對方每月只畀2萬生活費：邊夠用
梅艷芳母親梅媽覃美金早前宣佈同梅啟明斷絕母子關係，梅啟明於街上召開記者會，佢直斥梅媽年紀大受人擺佈，仲大爆梅媽每月袋高額生活費只畀2萬元佢使，佢更直認有婚外情。
Photo from 香港開電視
梅啟明告電影《梅艷芳》，梅媽宣佈與梅啟明脫離母子關係
梅艷芳傳記電影《梅艷芳》上映後票房成績相當唔錯，榮登2021年香港電影冠軍！但梅姐哥哥梅啟明日前入稟高院聲稱擁有「梅艷芳」、「Anita Mui」商標，指電影製作方未經佢同意擅自使用，要求法院禁止電影使用商標並索取賠償。
Photo from 電影《梅艷芳》
Photo from 有線電視
當時梅媽曾表示唔同意梅啟明告上法院，又大鬧兒子欠債累累、見錢開眼。近日更登報宣佈與梅啟明脫離母子關係：「本人梅覃美金與兒子梅啟明脫離母子關係，此後梅啟明在外一切華洋轇轕均與本人無關。」
Photo from TVB
Photo from 香港開電視
梅啟明開記招稱梅媽年紀大糊塗
對於母親單方面宣佈斷絕母子關係，梅啟明就攜文件見記者，佢聲稱自己早喺2004年就註冊咗商標同版權，又話當初係梅媽叫佢入紙告電影方先，依家又要佢撤銷，懷疑梅媽「收咗人錢」。
Photo from TVB
Photo from TVB
Photo from 香港開電視
梅啟明表示母親同佢脫離母子關係嘅導火線正係因為佢控告電影公司，梅啟明直言梅媽年事已高：「眼又矇、耳又聾，佢依家可能畀人擺佈。」，不過有在場記者指佢所言只係揣測，梅啟明雖承認只係猜測，但佢堅持：「如果佢無收咗人錢，點解會叫我唔好告？」
Photo from 有線電視
Photo from 有線電視
爆梅媽每月畀$2萬元生活費唔夠使
梅啟明坦言佢對梅媽毫不感恩，佢不滿指梅媽每月生活費高達$25萬，但淨係畀$2萬佢用，根本唔夠應付日常花費，梅啟明稱佢要供養仔女，又指兒子十分優秀，全靠自己培養。
Photo from TVB
Photo from 有線電視
梅啟明直認有婚外情
有記者問佢係咪因為「包二奶」而導致生活費唔夠使，梅啟明否認有包二奶，但坦承有女朋友，仲理直氣壯表示：「係呀我未離婚，我係有女朋友。佢（女朋友）有叫過我離婚，但我無所謂。」
Photo from 有線電視
梅啟明稱打過好多份工，根本唔係貪錢
對於老婆怒斥佢根本無理過個仔，梅啟明就話：「我要搵食」，佢稱自己打過好多份工：做過地盤、裝修、廚房等。對於梅媽話佢「貪財」，梅啟明反駁：「我貪財，我一早貪咗啦！個個月貪佢一兩萬蚊咩？」，又話唔覺得未離婚有女朋友對子女有任何影響。
Photo from 香港開電視
Photo from 上海電視台
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
98歲梅媽為爭梅艷芳億萬遺產多次上訴！生活費加至20萬仍嫌少！一文睇母子爭產歷程
18 Nov 2021
Photo from TVB
梅艷芳逝世，成立信託基金管理遺產
梅艷芳出道20年嚟喺歌壇、影壇成就輝煌，佢離世遺下價值數千萬港元資產，有指至今已升值至過億！而梅姐喺離世前立下遺囑，成立信託基金管理其遺產。
Photo from TVB
梅姐將名下嘅位於倫敦同香港嘅兩處房產贈予好友劉培基，同時亦安排遺產可以令親人得到足夠嘅照顧：
Photo from 有線電視
1. 梅媽每月可領取$7萬港元生活費
2. 安排$170萬教育基金畀二哥同姐姐嘅4名兒女，供佢哋讀書
3. 到梅媽覃美金去世後，所有資產會扣除開支捐畀妙境佛學會。
Photo from TVB
梅媽覃美金同梅啟明多次上訴入稟爭產
有指梅姐決定梅媽每月只可獲$7萬港元生活費係擔心母親理財不善，若將遺產一次過畀晒梅媽，恐怕佢同哥哥梅啟明會喺短時間內就用晒。不過梅媽就明顯唔滿意女兒遺產嘅安排，喺梅姐離世後短短日子，梅媽即入稟要求法庭裁定遺囑無效。
Photo from 上海電視台
Photo from 上海電視台
隨後法庭駁回梅媽嘅「遺囑無效」主張，但梅媽未有放棄，繼續喺2010年同2011年上訴，但先後被駁回。據報道，梅媽喺庭上多次激動「爆粗」，又嬲到用保溫瓶蓋、除鞋掟人。
Photo from 上海電視台
梅媽同梅啟明申請增加生活費被駁回，兩人先後破產
上訴被駁回後，梅媽又再就佢每月獲得嘅生活費再上法庭，要求攞多啲錢，2012年梅媽生活費上漲至$12萬，但佢仲係唔滿意。梅媽表示佢一個月要支付房租、水電費$4萬元，加上聘請傭人、司機、買補品等開支，連同養6隻狗、兒子梅啟明夫婦等家人嘅費用等，$12萬根本唔夠用。
Photo from 上海電視台
梅媽同梅啟明多年嚟上訴失敗，令佢哋欠下律師費、訟費，最終梅媽同梅啟明分別喺2012年同2013年被法庭頒令破產。梅媽曾因欠付逾110萬訟費，再度鬧上法庭。連法官都直言：「你身體大不如前，自己保重身體，唔好再搞咁多訴訟！」
Photo from 上海電視台
生活費提高至$20萬，梅媽自爆唔夠用
喺梅媽破產後法庭判畀佢每月逾$15萬，但其中約$10.4萬用於還錢，而梅媽房租卻高達$4.3萬，於是又申請房租費等但被拒。梅媽稱無3間房住唔到：一間房擺梅姐啲嘢、佢同家傭住一間房、仲有一間房畀侄仔。但因為6個月無交租而被趕走。
Photo from 上海電視台
法庭之後再判梅媽每月生活費可提高至$20萬，但梅媽仍覺不足，自爆扣除開支只淨$9萬，根本唔夠使。
Photo from 上海電視台
梅媽以各種理由申請提取遺產
梅媽仲試過用各種理由攞錢，2009年梅媽就要求喺遺產提取$80萬元，以滿足佢「八十萬環遊世界」嘅想法，當時被法官拒絕佢嘅申請；2017年梅媽要求一次過攞晒梅艷芳的$7,100萬遺產但被拒；2018年梅媽申請$20萬補辦其91歲壽宴被拒；到2019年佢再申請拎$25萬舉辦95歲壽宴成功獲批。
Photo from 上海電視台
梅啟明不滿電影《梅艷芳》無梅媽
梅艷芳因為家境清貧，年僅4歲就已經喺荔園、啟德遊樂場獻唱維生，佢去世後獲譽為「香港的女兒」。近日佢嘅傳記式電影《梅艷芳》上映令唔少網友再度憶起梅姐生前嘅藝術成就，而梅姐嘅大哥梅啟明都有入場欣賞電影，但佢就十分不滿電影無梅媽嘅角色。
Photo from TVB
Photo from TVB
Photo from 《梅艷芳》
Photo from 上海電視台
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
