新娘婚禮前要求男方俾7萬禮金先肯落車!場面超尷尬!網民怒斥:叫佢原車折返

新娘婚禮前要求男方俾7萬禮金先肯落車!場面超尷尬!網民怒斥:叫佢原車折返

生活熱話
By Stephanie on 16 Feb 2022
Digital Content Writer

結婚嘅時候「俾禮金」係其中一個傳統,雙方家庭多數都會談妥好並得出結論。最近,內地有位新娘居然喺搭車到男方家門前準備進行婚禮時,要求男方付禮金,令男方家人當堂手足無措非常狼狽,引起熱議!

內地有新娘居然喺辦婚禮前,要求男方再支付「禮金」,場面超尷尬!Photo from TVB

# 禮金問題係唔少新人嘅煩惱?!

喺結婚前夕,一對新人都有好多嘢要準備,其中禮金就係最常見嘅問題之一喇!其實「俾禮金」係一種結婚嘅傳統,由男方俾錢女方家人,以感謝女方父母養育女兒之恩。然而,有一對新人卻居然因為禮金,而導致婚禮當天非常尷尬?!

支付禮金係辦婚禮嘅其中一項,但亦係唔少新人最頭痛嘅一環!Photo from TVB

# 內地新娘迎親時,唔願意落車!

日前,內地河南省開封市村莊就舉辦一場盛大嘅婚禮,正準備進行迎親儀式。根據當地習俗,新娘會乘坐禮車到新郎屋企進入家門才算完成,但呢位新娘卻遲遲都唔願意落車!

內地河南日前舉辦一場因為禮金而導致好尷尬嘅事,引來附近途人圍觀?!Photo from 微博

新娘抵達新郎家後,遲遲唔落車,仲提出過分要求!Photo from 微博

# 要求男方家人俾7萬禮金,令對方超慌張?!

從影片中所見,新娘已經搭乘黑色私家車抵達新郎屋企門口,但同行嘅幾位伴娘突然大喊「不給6萬6(約7萬3千港幣)下車禮,新娘就不下車,一分也不能少」態度非常決絕!而男方嘅父母非常驚愕,引來大批鄰居圍觀;另一方面男方家人心急到忍唔住落淚,並且立刻打俾朋友借錢,先成功籌錢令婚禮儀式得以完成!

新娘過分要求男方家人俾7萬禮金先落車!Photo from 微博

男方父母超驚慌,最終要由新郎爸爸(藍圈)打電話問人借錢!Photo from 微博

# 男方父母已經支付大量結婚費用!

根據內地媒體報導,男方父母已經支付咗一對新人嘅新房、新車費用,連訂婚嘅25萬(約港幣30萬港幣)都係佢哋俾。加上新娘當日上車嘅時候,其實就已經支付咗14萬8千(約港幣18萬)嘅「上車費」,所以男方家人真係非常驚嚇!

知情人士透露男方家人已經為新人支付新房、新車及訂婚費用!Photo from TVB

# 網民批評女方行為惡劣!

呢件事隨即引起內地網民嘅熱議,認為女方嘅行為實在太過分,「不停加價」、「不是已經談妥好了嗎?」等留言,認為簡直就係「搶錢」!

網民都紛紛批評女方自私行為!Photo from 微博

# 原來內地婚禮仲包含下車費?!

據悉,「下車費」的確係當地婚禮習俗嘅其中一環,不過就並唔係必要嘅,視乎雙方家人而定,但一般出價並唔會咁高!加上男方已經出錢購買唔少禮物俾新人,所以下車費嘅金額就更加唔合理!

儘管下車費係內地嘅婚禮嘅其中一個傳統,但並唔會開咁高嘅價錢!Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

新娘熱情獻舞卻慘遭悔婚?2大原因令新郎突然暴怒大喊:不娶了!

廣告
廣告

17 Jan , 2022

結婚典禮係人生大事之一,當然唔少得有載歌載舞嘅表演啦~最近,有位新娘婚禮嘅時候熱情咁向新郎跳舞,但卻竟然激嬲男方,而對方仲激動到決定悔婚同賠償聘金?!

新娘於提親時,向新郎大跳熱舞,卻帶來反效果?!Photo from 微博

# 新娘跳舞卻成為男方悔婚理由?

唔少新娘都會喺結婚典禮嘅大日子盛裝打扮,而內地嘅婚禮最近就非常流行以跳舞去炒熱現場氣氛!然而,有位新娘卻竟然因爲跳舞而導致結唔成婚?!

新娘熱情準備舞蹈,但竟然被男方嫌棄?!Photo from TVB

# 女方熱情表演性感舞蹈

根據媒體報導,江蘇一位新娘滿心歡喜咁喺提親嘅時候,為丈夫準備舞蹈表演,令現場氣氛瞬間變得十分熱鬧!從影片中所見,新娘身穿傳統紅色婚禮旗袍超級熱情咁向男方展現自信嘅舞蹈~

新娘向新郎大跳性感熱舞。Photo from 微博

新娘成功以舞蹈炒熱氣氛,而旁人亦似乎十分享受~Photo from 微博

# 新郎突然暴怒!

只見,新娘將雙手擺喺新郎嘅肩膀上,並且扭腰搖擺,又不時深情咁同對方「放電」,令喺一旁嘅來賓都忍唔住熱烈歡呼!不過,面對另一半嘅熱情攻勢,新郎嘅面色就變得越來越僵硬,後來仲突然發嬲一把推開女方,大叫「不娶了」!

隨著新娘嘅舞蹈攻勢越來越厲害,男方卻突然變臉!Photo from 微博

男方突然發嬲大喊「不娶了」!Photo from 微博

# 男方懷疑對方曾在夜店工作?

在場嘅親朋戚友都感到非常錯愕,紛紛勸喻新郎。而佢就憤怒咁話「她跳得這麼純熟,我就知道她以前做什麼了!真的太丟臉了!」認為女方過往應該喺夜店工作過,迎娶對方會影響佢嘅形象,佢仲立刻要求對方「將38萬(約港幣46萬)嘅聘金還給我」!

新郎解釋憤怒原因,認為女方過往曾經喺夜店工作?!Photo from TVB

# 網民反應兩極!

事件隨即引起網民熱議,而佢哋嘅反應亦各有不同!有網民就認為新郎嘅情商好低,就算對女方嘅過去有懷疑都唔應該突然喺眾目睽睽之下推倒別人,認為佢性格衝動;另外有網民就嘲諷男方自己應該都有去夜店玩,先會用呢個原因懷疑另一半!

網民就認為男方會咁樣懷疑新娘,亦間接證明佢自己係夜店常客!Photo from TVB

# 網民認為新娘應自重

但有網民就覺得新娘應該好好檢討自己嘅行為,覺得佢婚前有意向男方隱瞞過去,「立刻暴露職業!」、「在婚禮上這樣也太不得體了吧!」等留言。

有網民認為新娘應該檢討自己嘅行為!Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel