download HolidaySmart 假期日常 app
林德信晒媽媽年輕舊照 林子祥前妻吳正元早年Fit爆有型!曾與葉倩文掀三角戀風波

林德信晒媽媽年輕舊照 林子祥前妻吳正元早年Fit爆有型!曾與葉倩文掀三角戀風波

娛樂新聞
By Cheryl on 17 Feb 2022
Digital Editor

林子祥與前妻吳正元育有一子(林德信)、及一女(林德懿),雖然二人已離婚,但關係至今仍然良好。林德信近日公開了多張家庭合照,當中仲有吳正元年輕時嘅舊照,可見其身材與氣質都相當不錯!

林德信近日為慶媽媽吳正元生日,曬出媽媽嘅年輕舊照!Photo from 林德信 FB

吳正元與林子祥曾為夫妻

吳正元原是華納唱片高層,佢同林子祥1980年在美國低調結婚,並育有一子一女。1983年,吳正元「拉攏」了丈夫與歌手葉倩文合唱《重逢》,令二人結緣。林子祥翌年更為葉倩文寫下《零時十分》一曲,作品成為大熱,葉倩文因而一炮而紅,二人之後亦推出更多合唱歌,例如《重逢》。

林子祥與葉倩文合唱《重逢》成為當年大熱作品。Photo from 《重逢》Official MV

林子祥、吳正元、葉倩文曾現「三角戀風波」

二人其後傳出緋聞,女方更在1992年勁歌金曲頒獎禮得獎時公開向林「表白」:「好多人都傳我同阿Lam拍拖... 無論如何,我都係咁愛你。」由於林子祥當時已有妻兒,所以該言論引來不少爭議。

葉倩文在92年勁歌頒獎禮上大膽表示「我都係咁愛你」。Photo from 勁歌金曲頒獎典禮 1992

林子祥終與葉倩文再婚,與前妻相處融洽

吳正元與林子祥最終在1995年離婚,男方在翌年便與葉倩文結婚,至今恩愛非常。

林子祥與葉倩文在1996年結婚。Photo from 葉倩文 FB

葉倩文與林子祥至今仍非常恩愛。Photo from 葉倩文 FB

而兒子林德信在近日上載了多張家庭合照,當中可見佢跟同母異父哥哥朱志威關係不錯,而林子祥也搭着前妻膊頭影相,相信二人離婚後仍相處融洽。

林子祥同前妻搭膊頭合照。Photo from 林德信 FB

林德信妹妹林德懿育有2名小孩,相中可見榮升婆婆嘅吳正元與孫女一齊做瑜伽,佢保養不錯,網民亦讚佢哋一起做瑜伽好可愛。

吳正元與孫女一齊做瑜伽。Photo from 林德信 FB

林德信po出多張家庭合照。Photo from 林德信 FB

林德信曬媽媽吳正元年輕時期相片!

林德信嘅多張照片中,最搶眼嘅莫過於媽媽吳正元嘅年輕舊照,當年嘅佢穿著露腰上衣與熱褲,擺出叉腰甫士,睇落充滿自信。林德信在帖文中祝賀媽媽生日快樂,又希望遲啲可以再一齊同媽媽旅遊。

林德信公開媽媽吳正元年輕時期照片!Photo from 林德信 FB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel