吳啟華大爆內地工作收入高！坦承於TVB工作艱辛：起碼攞走8成報酬！

吳啟華近年主力返內地發展，仲專登開咗抖音帳號同內地粉絲互動，逾73萬人追蹤。最近，佢接受傳媒訪問時就透露自己嘅最新動向，表示已經喺深圳買樓，非常滿意現時嘅生活，仲大爆以前喺TVB嘅時候收入少，生活好艱難！

Photo from 吳啟華微博

現年57歲嘅吳啟華近年已經移居內地，並且北上發展自己嘅事業。佢仲非常熱衷於玩抖音，經常都會拍片同內地嘅粉絲互動，亦會大晒自己勞力士（Rolex）名錶收藏，吸引唔少網民追蹤！

Photo from 吳啟華抖音

Photo from 吳啟華抖音

# 透露最新動向，打算長居內地！

日前，吳啟華喺接受內地傳媒訪問時透露自己嘅最新計畫，表示即將同朋友一齊開製作短片嘅公司，大讚內地發展潛力非常大；仲話已經喺深圳買樓打算長期定居，認為居住環境非常舒適！

Photo from 吳啟華微博

Photo from 吳啟華微博

# 大爆TVB收入低，生活壓力大？！

吳啟華仲忍唔住大爆當年喺香港工作嘅日子，慨嘆TVB人工低，令佢生活壓力超大！雖然當時佢喺TVB已經小有名氣，但收入依然好低「一個月得幾千蚊，唔係大家諗咁風光。做電視台點都會被剝削，例如拍一套戲本身可以攞十蚊，但有八蚊都要俾電視台！」

Photo from 吳啟華微博

# 坦承內地工作報酬超好！

佢就直言喺內地嘅收入的確大大提升，坦言就算做二、三線，報酬相對比較高；仲話出席商演可以再額外賺多啲，「一場商演等於電視台2個月工資，所以好多藝人都做」，又難怪會令佢「開金口」獻唱嘅～

Photo from 吳啟華微博

Photo from 吳啟華微博

 # 多次離巢，但最終都情歸TVB！

其實吳啟華1983年入行就立刻入咗TVB，早期因為拍攝《魔域桃源》嘅大反派而為人熟悉，演技獲得好評，後來佢都飾演反派角色居多。1987年，佢同TVB有糾紛所以離巢，開始拍攝電影。1996年，佢就返TVB拍攝電視劇，期間曾出演多部經典作品《壹號皇庭V》、《妙手仁心》等，人氣飆升，後來大多都係飾演男一角色！

Photo from 吳啟華微博

Photo from TVB

# 曾揚言希望中港兩地同時發展

直到2006年，吳啟華再度離開TVB。2013年佢又再度回到TVB拍電視劇《On Call 36小時II》，之後一直都有接拍唔同劇集。當時佢就表示希望內地香港兩邊同時發展，目標係中港兩地每年都可以拍攝一部劇，唔知佢宜家會唔會計畫有變呢？！

Photo from TVB

# 吳啟華經歷2段婚姻！

吳啟華除咗事業歷練多之外，佢嘅感情生活都曾經經歷起跌！1992年，佢同泰國富二代Varintra結婚，不過婚姻維持大約3年就結束。直到2007年，佢就同比佢細21年嘅內地演員長春姑娘石揚子（石洋子）結婚，並育有一名女兒吳熙兒，但夫婦二人於2014年正式離婚！

Photo from 吳啟華微博

Photo from 吳熙兒微博

# 每月俾6萬生活費，女兒獲網民大讚靚女！

雖然吳啟華已經離婚，但佢對女兒依然寵愛有加，每個月都會向女兒支付6萬人民幣（約7萬3千港幣）贍養費，仲希望力推現時13歲嘅囡囡做網紅！而囡囡亦被網民大讚越來越靚，擁有做明星嘅潛力；幾年前仲獲邀出演微電影，即使面對眾多鏡頭都並無怯場，深得父母真傳～

Photo from 吳熙兒微博

Photo from 吳熙兒微博

相關文章：盤點5套經典醫療劇！講起做醫生，你會諗起邊個？程至美定一件頭？

相關文章：黎耀祥淪落內地街頭賣藝？！盤點5名男星為呃like 抖音有幾騎籬！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

吳啟華抖音另類炫富！與雷宇揚、程東重演《賭俠》曬名錶？！

4 Nov , 2021

藝人吳啟華近年轉投內地發展演藝事業，近日佢更開通抖音進一步與內地粉絲拉近距離。佢搵嚟好多圈中好友幫佢宣傳帳戶，日前，佢上載嘅新影片就有雷宇揚、林韋辰及程東助陣，順便曬自家收藏嘅名錶。

Photo from 吳啟華 微博

吳啟華專注內地發展，向國家表忠

57歲吳啟華近日進駐抖音平台，拍片解釋了自己北上發展嘅理由，佢表示因為自己係中國人，回歸前都覺得自己係二等公民，呢家終於可以做一個真正嘅中國人，亦稱自己多年來見證了祖國嘅蓬勃發展而決心移居內地，「身為中國人，我驕傲我自豪。」

Photo from 吳啟華 抖音

Photo from 吳啟華 抖音

吳啟華開抖音獲眾星幫忙宣傳

唔單只宣揚自己對中國嘅愛，吳啟華更請嚟大堆明星朋友幫忙拍片宣傳其抖音頻道，包括：張家輝、張智霖、蔡少芬、佘詩曼等。

Photo from 吳啟華 抖音

Photo from 吳啟華 抖音

吳啟華與雷宇揚、林韋辰及程東重演《賭俠》場面

近日吳啟華又上載新影片，今次搵嚟好友雷宇揚、林韋辰及程東重演《賭俠》橋段，仲以此作為新奇嘅炫富方法！影片開場，吳啟華與雷宇揚閒聊，並指向雷手上腕錶稱：「這個是勞力士（Rolex）！」而一旁嘅林韋辰都大曬自己佩戴嘅名錶。

Photo from 吳啟華 抖音

用《賭俠》大軍名場面炫富？！

突然，在《賭俠》中飾演獨眼「大軍」嘅程東推門進場，吳啟華、雷宇揚及林韋辰見狀立即將手上名錶遮蓋起來。然後，程東突然「大軍上身」，重演《賭俠》中使用特異功能嘅名場面，利用透視眼成功窺探吳啟華身上戴著一隻炒價約50萬嘅熊貓地通拿。

Photo from 吳啟華 抖音

Photo from 吳啟華 抖音

程東立即指著吳啟華呼喊：「你！拿出來！」，吳啟華等人都擺出一副「今次大鑊！」嘅表情，影片中嘅炫富方式認真有創意。

Photo from 吳啟華 抖音

Photo from 吳啟華 抖音

吳啟華曾花百多萬裝身

其實吳啟華向來愛收藏名錶和名衣，佢曾亮相TVB清談節目《Tiger's Talk》。節目中，佢坦言自己非常貪靚，稱自己一年大概花一百二十多萬元買衣服，連主持之一伍詠薇都驚歎：「估唔到仲貴過我啲衫。」

Photo from TVB

Photo from TVB

擁4架名車，曾為名錶豪花80萬

儲名車及名錶亦係吳啟華愛好，佢表示自己擁有四架名車，又稱自己收藏嘅名錶中，最貴一隻達八十萬，而且係硬食炒價。佢指該錶係勞力士嘅Yacht-Master糖果，錶面邊鑲滿彩色寶石，所以又俗稱「糖果圈」。

Photo from TVB

Photo from TVB

Photo from Rolex

相關文章：吳卓羲戴逾30萬勞力士現身煞科宴！ 身家豐厚 收藏近40隻名錶/7架名車！

相關文章：袁偉豪娶張寶兒佩戴名錶價值超過$100萬！升呢做「駙馬」搬入7千萬愛巢

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）