download HolidaySmart 假期日常 app
Super Tiger「蔥頭」丘梓謙IG反擊網友!抖音拍片堅稱無扮姜濤

Super Tiger「蔥頭」丘梓謙IG反擊網友!抖音拍片堅稱無扮姜濤

娛樂新聞
By Jennifer on 17 Feb 2022
Digital Editor

TVB 10人男團「Super Tiger」嘅演出掀起熱議,有網民認為係想「複製」ViuTV當紅偶像MIRROR嘅成功之路。近日喺《愛回家之開心速遞》飾演「蔥頭」嘅Super Tiger成員丘梓謙喺IG公開網民私訊並一一反擊,再度引起關注。

TVB 10人男團「Super Tiger」嘅演出掀起熱議Photo from TVB

TVB推男團「Super Tiger」為撼MIRROR?!

TVB新推出嘅組合「Super Tiger」於賀歲節目壓軸登場,雖然成員知名度偏低,但憑住充滿「個性」嘅造型以及疑似「咪嘴」嘅表演仍成功引起網民關注。

「Super Tiger」憑住充滿「個性」嘅造型以及疑似「咪嘴」嘅表演仍成功引起網民關注。Photo from TVB

ViuTV旗下有當紅男團MIRROR,所以有人覺得Super Tiger嘅出現係為咗硬撼MIRROR。成個團有10位成員,但好多都係「新面孔」,只有「C位」羅天宇有較多電視劇出演經驗,知名度相對較高。

有人覺得Super Tiger嘅出現係為咗硬撼MIRROR。Photo from MIRROR IG

丘梓謙《愛回家之開心速遞》演「蔥頭」疑扮姜濤?

另外仲有前男團「天堂鳥」成員許俊豪(Lincoln)、童星出身嘅丘梓謙,相信已係Super Tiger中比較多人認識嘅成員。

童星出身嘅丘梓謙相信已係Super Tiger中比較多人認識嘅成員。Photo from TVB

其中28歲嘅丘梓謙喺《愛回家之開心速遞》飾演人氣偶像「蔥頭」,佢於劇中多次做手指心心同雙手合十等小動作,又吸引大小姐龍力蓮同大家姐熊尚善為佢爭風呷醋,疑似映射姜濤。

28歲嘅丘梓謙更喺《愛回家之開心速遞》飾演人氣偶像「蔥頭」Photo from TVB

丘梓謙於劇中多次做手指心心同雙手合十等小動作,疑似映射姜濤Photo from 丘梓謙 IG

被網友私訊鬧爆

當初佢出演「蔥頭」一角時稱已做好心理準備會畀人鬧,丘梓謙更一一回覆網友嘅留言,當時仲獲讚EQ高。

丘梓謙出演「蔥頭」一角時稱已做好心理準備會畀人鬧Photo from 丘梓謙 IG

丘梓謙回覆網友嘅批評,當時仲獲讚EQ高。Photo from 丘梓謙 IG

事隔一年,佢於現實生活以男團成員出道,繼喺《開心速遞》疑似扮姜濤後,新團Super Tiger亦被指「倒模」MIRROR,令丘梓謙IG再被網友私訊批評!

繼喺《開心速遞》疑似扮姜濤後,新團Super Tiger亦被指「倒模」MIRROR,令丘梓謙IG被網友私訊鬧爆!Photo from 丘梓謙 IG

丘梓謙公開網友留言逐一反擊

丘梓謙 IG Story公開網民私訊,有網民爆粗指佢:「唔好扮MIRROR啦」,佢亦正面回應該網友:「Come」、「我哋會長命百歲」等,之後佢再post story表示:「請尊重別人尊重自己,放心我哋一定會長命百歲,不用擔心」

丘梓謙 IG Story公開網民私訊,有網民爆粗指佢:「唔好扮MIRROR啦」Photo from 丘梓謙 IG

丘梓謙再post story表示:「請尊重別人尊重自己,放心我哋一定會長命百歲,不用擔心」Photo from 丘梓謙 IG

網民指佢「自製新聞」

佢嘅回覆亦獲部分網友大讚高EQ,不過亦有人指佢「自製新聞」,又唔認為佢咁回應係EQ高嘅表現:「做公眾人物,俾人話兩句就反擊,叫高EQ?」、「似唔鋸又駁唔到多啲」

丘梓謙嘅回覆亦獲部分網友大讚高EQPhoto from 丘梓謙 IG

有人指佢「自製新聞」,又唔認為佢咁回應係EQ高嘅表現Photo from LIHKG

網民指佢回覆十分「寸嘴」Photo from LIHKG

亦有網友認為私訊丘梓謙嘅並唔係鏡粉:「鏡粉連鬧你都覺得晒時間啦,有時間去追鏡唔好?」,又呼籲其他人唔好理佢:「反正TVB都唔會真係捧, 整出嚟沾下人氣啫」

有網友認為私訊丘梓謙嘅並唔係鏡粉Photo from 丘梓謙 IG

網友:「鏡粉連鬧你都覺得晒時間啦,有時間去追鏡唔好?」Photo from LIHKG

網民呼籲其他人唔好理佢Photo from LIHKG

抖音拍片堅稱無扮姜濤

有網民發現佢喺抖音拍片疑「借姜濤上位」,片中丘梓謙背對鏡頭,一名中年男子指佢涉嫌「扮姜濤」,然後佢就轉身稱:「我唔係扮姜濤,我叫丘梓謙。」,網友指佢:「抖音扮姜濤仲死撐」

有網民發現丘梓謙喺抖音拍片疑「借姜濤上位」,片中丘梓謙背對鏡頭,一名中年男子指佢涉嫌「扮姜濤」Photo from 丘梓謙 抖音

丘梓謙轉身稱:「我唔係扮姜濤,我叫丘梓謙。」Photo from 丘梓謙 抖音

網友指佢:「抖音扮姜濤仲死撐」Photo from LIHKG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

《愛回家》蔥頭丘梓謙IG面對網民洶湧留言!耐心平靜回覆獲讚高EQ

18 May 2021

日前《愛回家之開心速遞》一集就有丘梓謙飾演年輕偶像「蔥頭」,疑似扮姜濤,有大批網友留言,不過面對洶湧嘅評論,丘梓謙仍耐心回應獲唔少網民讚佢EQ高!

日前《愛回家之開心速遞》一集就有丘梓謙飾演年輕偶像「蔥頭」Photo from 《愛回家之開心速遞》

ViuTV《全民造星》出身嘅姜濤成為新一代偶像,有一班「姜糖」支持,生日獲fans送各種禮物為佢慶祝。

ViuTV《全民造星》出身嘅姜濤成為新一代偶像Photo from 姜濤IG

人氣高企嘅姜B受大眾歡迎,之前TVB《超級綜藝隆重登場》記者會搵咗鄧智堅模仿佢而引起網民討論,事後馮盈盈同阿Bob仲要喺IG發文道歉。

TVB《超級綜藝隆重登場》記者會搵咗鄧智堅模仿佢而引起網民討論Photo from TVB

不過《愛回家之開心速遞》「善追星」一集,由丘梓謙飾演嘅「蔥頭」係一名偶像,平時中意做手指心心同雙手合十等小動作,同姜濤相似,被指扮姜濤。

由丘梓謙飾演嘅「蔥頭」係一名偶像,平時中意做手指心心同雙手合十等小動作Photo from 《愛回家之開心速遞》

當時佢表示已有心理準備會受網友討論,丘梓謙指扮呢個角色係想向年輕人偶像姜B致敬,不過喺佢嘅IG仍引嚟唔少網民留言。

,丘梓謙指扮呢個角色係想向年輕人偶像姜B致敬Photo from 丘梓謙IG

丘梓謙IGPhoto from 丘梓謙IG

有網友留言:「唔係刪我留言呀?」,丘梓謙則回覆:「放心不會刪」;網友:「俾人鬧兩句就即刻覆人,睇你個樣都唔會紅得去邊㗎啦」,丘梓謙回:「放心唔會del」

有網友留言:「唔係刪我留言呀?」,丘梓謙則回覆:「放心不會刪」Photo from 丘梓謙IG

網友:「俾人鬧兩句就即刻覆人,睇你個樣都唔會紅得去邊㗎啦」,丘梓謙回:「放心唔會del」Photo from 丘梓謙IG

而有網民指唔識佢時,佢亦好脾氣留言:「hi係我呀」,佢留言亦有好多emoji,獲好多網友大讚佢EQ高。

有網民指唔識佢時,佢亦好脾氣留言:「hi係我呀」Photo from 丘梓謙IG

好多網友大讚佢EQ高Photo from 丘梓謙IG

佢最近喺IG post咗唔少「蔥頭」造型照,更留言宣傳:「愛回家之開心速遞見」,睇嚟佢喺《愛回家》仲會有唔少戲份!

丘梓謙最近喺IG post咗唔少「蔥頭」造型照,更留言宣傳:「愛回家之開心速遞見」Photo from 丘梓謙IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel