印尼男因外貌遜色被女友狠飛 發奮減磅終變男神 網民:入得男團!

印尼男因外貌遜色被女友狠飛 發奮減磅終變男神 網民:入得男團!

生活熱話 娛樂新聞
By Cheryl on 17 Feb 2022
Digital Editor

好多人都為了不同原因積極瘦身,當中不少成功案例都好勵志。最近,印尼一名男生因被女友嫌棄外貌與身材而被狠飛,男生之後下定決心減磅,成功後將自拍放上TikTok,超狂對比震驚一眾網民!更有人認為呢家嘅佢已經入得男團

印尼男Oddi因外貌與身材不好而被女友狠飛,之後佢發奮減肥,對比超驚人!Photo from Tiktok @thisisds_

印尼男因外貌不好被女友狠飛

綜合外媒報導,一名叫Oddi嘅印尼男生本來身材臃腫,皮膚非常粗糙、多皺紋,臉色睇落唔多好。連女友都嫌佢外型遜色,於是決定同Oddi分手。但Oddi並無因此自暴自棄,佢好快就決定自救減磅!

Oddi以前臉色不好,臉部多肉。Photo from Tiktok @thisisds_

身型也頗為臃腫。Photo from Tiktok @thisisds_

發奮減磅大變身

經過一番努力,Oddi在TikTok上載自己減磅後嘅成果,網民見到前後對比都感到相當驚訝。瘦身後嘅Oddi臉部線條比以前突出很多,眼窩深邃、五官分明,連皮膚都變得細滑有光澤。

減磅成功!Photo from Tiktok @thisisds_

成個人瘦曬!Photo from Tiktok @thisisds_

網民:可以入男團!

網民見到如此強大嘅前後對比,都認為Oddi嘅經歷超級勵志,並替佢變帥感到高興。唔少網民見到佢呢家判若兩人,更覺得佢成個Oppa咁,可以入偶像男團了!

廣告
廣告

臉部輪廓好分明。Photo from Tiktok @thisisds_

仲一身韓風打扮,難怪有網民話佢似oppa。Photo from Tiktok @thisisds_

瘦身過程不易,為自己堅持下去

Oddi亦分享了佢嘅減磅成功之道,佢在瘦身期間完全唔食零食、汽水、酒精飲品、甜點,亦唔會進食高油及太鹹嘅食物。佢自細亦習慣了不吃早餐,只喝一杯水,到午餐才進食。Oddi亦坦言減磅成功不是幸運,「成功當然係不容易,一切都要靠努力來達成,而且一定要持之以恆,因為呢啲付出並唔係為了別人,而係為了自己和健康。」

Oddi靠一番堅毅與努力成功減磅。Photo from Tiktok @thisisds_

網民都認為Oddi嘅大變身好犀利~Photo from Tiktok @thisisds_

Oddi現在對自己外型更有自信,並經常在TikTok上載其自拍影片,多條片都有數十萬點擊率,而展示佢減磅前後嘅對比短片更有超過1千7百萬點擊,睇嚟佢嘅大變身相當成功。

佢上載嘅變身前後對比短片已擁超過1千7百萬點擊!Photo from Tiktok @thisisds_

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel