download HolidaySmart 假期日常 app
林欣彤確診卻令戀情意外曝光!陷入三角戀風波?!過往情路坎坷

林欣彤確診卻令戀情意外曝光!陷入三角戀風波?!過往情路坎坷

娛樂新聞
By Stephanie on 21 Feb 2022
Digital Content Writer

歌手林欣彤(Mag)早前就疑似確診,但就被傳媒爆出係因為「同住者」樂隊ONE PROMISE鼓手Anton(馮卓然)而導致「中招」;而男方過往就有一位交往7年嘅圈外女友,令網民不禁懷疑Mag介入三角戀當中?!

林欣彤被爆出戀情,陷入三角戀風波?!Photo from 林欣彤IG

# Mag被爆出戀情!

現年31歲嘅林欣彤(Mag)於IG上載快速測試結果疑似確診,仲向大家分享自行檢查嘅小小心得。然而,有傳媒爆出林欣彤同樂隊ONE PROMISE鼓手Anton(馮卓然)熱戀中導致「中招」?!

林欣彤上載快速檢測結果!Photo from 林欣彤IG

而Mag口中嘅「確診同住人」原來係ONEPROMISE鼓手Anton?!Photo from Anton IG

林欣彤亦曾經邀請Anton出演MV男主角,似乎有私心~Photo from 《鐵樹》MV

# Anton曾出席AK MV拍攝!

據悉,Anton上星期曾經出席AK@MIRROR嘅MV拍攝,其後現場工作人員驚傳確診,而有份出席嘅陳健安(On仔)@C AllStar 、ONE PROMISE兩位成員包括Anton都相繼確診,正在家中進行自我隔離!

Anton曾出席AK MV拍攝Photo from Anton IG

C AllStar陳健安亦確診!Photo from 陳健安IG

# 男方本身有交往多年圈外女友!

然而,有傳媒再爆出Anton本來有一位已經交往7年嘅圈外女友,因此令Mag陷入三角戀風波之中!後來,男方接受傳媒訪問時承認同Mag發展中,堅稱係同前任分手後先同Mag交往,否認三角戀疑雲!

林欣彤亦因此而陷入小三疑雲!Photo from 林欣彤IG

Anton 承認同Mag關係發展中,強調係同前女友分手先一齊!Photo from Anton IG

# 男方前任暗示有第三者介入?

不過,男方前任就似乎並唔認同呢個講法,先後喺IG story上載照片,並引用Mag好友許廷鏗嘅歌曲《殘忍》以及語錄宣洩感情,疑似暗示感情中出現第三者!

Anton前女友於IG上載許廷鏗《殘忍》嘅歌詞!Photo from IG

字句中似乎暗示感情出現第三者?!Photo from IG

# 5日前依然親暱互叫「爸爸媽媽」

另外,Anton本身同前任一齊養育愛犬Captain,自稱係Captain嘅爸爸媽媽~但有網民就發現喺愛犬嘅專屬IG,5日前先上載疑似Anton同狗狗瞓覺嘅照片,寫上「Captain 與爸爸的枕頭,​​​​​​咁樣一齊瞓係愛啊媽媽 jealousyyyyyyy」,二人分手後依然有交流;亦令網民推測莫非佢哋5日前依然喺埋一齊?!

Anton同前女友一齊養育愛犬Captain,仲開設頻道分享養寵物嘅心得~Photo from captaindogtv @IG

5日前先同前任互相稱呼「爸媽」~Photo from captaindogtv @IG

# Mag入行後曾公開與羅孝勇戀情!

其實Mag一直以來嘅感情經歷都非常崎嶇!佢2010年出道嘅時候,就與同樣喺《超級巨星2》出身嘅羅孝勇公開戀情,期間Mag一度患上情緒病,而男方亦一直陪伴在旁,可惜感情只維持3年。當時就有傳Mag因為搭上陳家樂而分手,仲被男方正印女友數落,不過佢哋都否認傳言。

Mag出道後曾經公開與羅孝勇戀情!Photo from 羅孝勇IG

# 情路崎嶇

喺2015年,有報道就指Mag遭到舊情復燃嘅初戀男友動手,導致出活動嘅時候需要配戴太陽眼鏡。有傳,因為男方疑神疑鬼,經常懷疑Mag有新歡而導致分手收場!

林欣彤曾經同初戀男友復合Photo from 林欣彤IG

# 過往亦被傳介入他人戀情?!

2018年,Mag就被爆出介入天堂鳥成員歐鎮源(Tyrese)同華姐余思霆嘅感情,被拍到與男方共進晚餐、睇演唱會等。不過當時二人都不約而同強調只係普通朋友,令關係變得撲索迷離!Tyrese宜家已經同網紅Pumpkin Jenn 訂婚,而余思霆亦同朱敏瀚甜蜜交往中。

林欣彤2018年被傳媒拍到與Tyrese 食飯,仲有在場人士表示見到二人拖手?!Photo from 林欣彤IG

林欣彤曾被傳出介入Tyrese同余思霆感情中,宜家男方已經同YouTube Pumpkin Jenn訂婚!Photo from Tyrese IG

# 節目大爆前任出軌!

Mag喺2020年上節目《吃掉前男友》中自爆發現男朋友出軌嘅經歷,仲一度向對方下跪嘗試挽留感情,「我話你可唔可以唔好離開我,尋晚講嘅嘢當無發生過啦!」令節目嘉賓都表示心痛!

林欣彤曾分享發現前任出軌經歷!Photo from 《吃掉前男友》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

廣告
廣告

更多相關文章

「林欣彤點解唔紅」掀網民熱議!出道10年第一首歌最紅?網友列3大原因

30 Aug , 2021

TVB《聲夢傳奇》話題度唔錯,其實喺10年前已有類似嘅節目《超級巨聲》,培養出唔少現職歌手,林欣彤(Mag)就係其中一位,近日討論區有網友發文分析佢出道多年點解都仲唔紅,掀起熱議。

喺10年前已有類似嘅節目《超級巨聲》,培養出唔少現職歌手,林欣彤(Mag)就係其中一位Photo from TVB

現年31歲嘅林欣彤於2010年參加《超級巨聲2》,最終更勇奪冠軍,翌年佢簽約英皇娛樂並推出出道作《洗澡》,首張個人唱片《Vocalist》更獲得白金銷量!佢出道成績咁好,當年亦奪得唔少新人獎。

林欣彤於2010年參加《超級巨聲2》,最終更勇奪冠軍Photo from 林欣彤IG

翌年林欣彤簽約英皇娛樂並推出出道作《洗澡》,首張個人唱片《Vocalist》更獲得白金銷量Photo from EEG

#出道10年都「唔紅」?!

林欣彤出道至今已有10年,近日有網民喺連登討論區以「林欣彤,點解唔紅?」為題開post,樓主指佢一出道反而仲紅啲,指佢啱啱入行嗰幾年進步得算多,但之後開始失聲:「呢幾年嘅表現真心麻麻,好唔穩定」

林欣彤出道至今已有10年Photo from 林欣彤IG

有網民喺連登討論區以「林欣彤,點解唔紅?」為題開postPhoto from lihkg

樓主又附上林欣彤唱live嘅片段:「好多壞習慣都改唔好,叫人點聽得舒服?」,列出3大原因。

樓主又附上林欣彤唱live嘅片段:「好多壞習慣都改唔好,叫人點聽得舒服?」Photo from TVB

#氣聲多年無改善

樓主表示某啲句子用氣聲唱一兩次都正常,但林欣彤前面句句都用,令人覺得好唔舒服。佢又稱老一輩歌手教唱歌有講過唱歌係唔應該有氣聲,直言:「呢個應該係職業歌手本身要知既野吧?」

樓主表示某啲句子用氣聲唱一兩次都正常,但林欣彤前面句句都用,令人覺得好唔舒服Photo from 林欣彤IG

#揸咪隻手不停郁

樓主認為揸咪隻手郁嚟郁去搞到佢嘅歌聲時大時細,又係令到人聽得好唔舒服:「簡單啲講,令到個表演好唔穩定」

樓主認為揸咪隻手郁嚟郁去令歌聲時大時細,又係令到人聽得好唔舒服Photo from TVB

#尾音換氣聲太大聲

樓主表示林欣彤咁多年都有呢個壞習慣,而一首歌加加埋埋咁多氣聲、換氣聲等:「真係唔太想聽」

樓主表示林欣彤尾音換氣聲太大聲Photo from 林欣彤IG

但樓主指林欣彤都有唔少優點:「雖然講到佢好多壞習慣,但佢高音音色係靚,音樂感都好重,令我印象深刻係佢唱浮誇,雖然都係好多透氣聲,但起碼穩定啲,每句都有力support,真心希望佢打好啲基本功啦」

但樓主指林欣彤都有唔少優點:「雖然講到佢好多壞習慣,但佢高音音色係靚,音樂感都好重」Photo from 林欣彤IG

#網友熱議指重鼻音+定位唔清晰係問題

有網友就留言指佢鼻音好重,人氣又一般,直言做藝人紅有時唔係淨係靠實力,形象、包裝、有個人性格、魅力更重要:「佢個定位,俾人感覺都好霉」,亦有網友認為紅唔紅其實更多係睇有無好歌,而佢對林欣彤嘅印象只有《洗澡》呢首歌。

有網友就留言指佢鼻音好重Photo from lihkg

網民直言做藝人紅有時唔係淨係靠實力,形象、包裝、有個人性格、魅力更重要Photo from lihkg

有網民則表示林欣彤喺最紅時期有情緒問題,令佢星途受阻,2012年林欣彤啱啱出道1年,因為聲帶出現問題,令工作停滯,林欣彤透露有試過兩個月無開聲講嘢,差唔多休息一年先重新投入工作。

有網民表示林欣彤喺最紅時期有情緒問題,令佢星途受阻Photo from lihkg

#網民指林欣彤簽約王祖藍旗下浪費咗3年?

有網友稱佢簽咗王祖藍工作室做經理人公司後就「越做越霉」,佢2016年經理人公司轉去曾志偉、王祖藍合資經營嘅「手工藝創作」,2017年佢坦言公司承諾為佢開嘅個人演唱會遲遲未能落實,最終2019年佢宣布離開公司,結束3年賓主關係,隨後加盟華納唱片。

有網友稱佢簽咗王祖藍工作室做經理人公司後就「越做越霉」Photo from lihkg

林欣彤2016年經理人公司轉去曾志偉、王祖藍合資經營嘅「手工藝創作」Photo from 林欣彤IG

最終2019年林欣彤宣布離開公司,結束3年賓主關係,隨後加盟華納唱片。Photo from 林欣彤IG

其實有唔少網友都表示林欣彤唱歌好聽,如果可以改善氣音會令人聽得更加舒服。

其實有唔少網友都表示林欣彤唱歌好聽,如果可以改善氣音會令人聽得更加舒服。Photo from lihkg

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel