周揚青超豪複式豪宅曝光!健身房大到分區 網民讚歎設備超Hi-tech!

周揚青超豪複式豪宅曝光!健身房大到分區 網民讚歎設備超Hi-tech!

娛樂新聞
By Cheryl on 21 Feb 2022
Digital Editor

內地網紅兼羅志祥舊愛周揚青(Grace)出身富裕,佢曾表示前年生日獲爸爸送贈一間別墅豪宅,近日佢應粉絲要求曝光內部環境,入面嘅健身房更豪華得令網民讚歎「貧窮限制了我的想像!」

周揚青近日在小紅書上載影片,公開豪宅內嘅健身房環境。Photo from 周揚青 IG

周揚青公開豪宅內Gym room

周揚青愛在社交網上跟粉絲們互動,近日佢應粉絲要求,在小紅書上載了一條Roomtour片,公開其豪宅內嘅健身房環境,亦事先表明當中所有設備都係佢屋企真金白銀購買,絕無廣告。佢帶大家進入超大嘅gym room,並首先介紹當中嘅「瑜伽區」。

周揚青應粉絲要求,拍片公開自己豪宅內嘅健身房。Photo from 周揚青 小紅書

帶大家進入佢嘅gym roomPhoto from 周揚青 小紅書

擁High-tech健身設備

瑜伽區放有一面全身鏡,佢並非一般鏡子,而係「高科技健身鏡」,鏡裡設有電子跳舞老師,只要用手觸控面板選擇課程,用家就可以跟住電子老師一齊跳。

健身房內有一面高科技鏡子,內有電子跳舞老師指導你跳舞。Photo from 周揚青 小紅書

周揚青示範一邊根著電子老師跳舞,一邊運用鏡子觀察動作。Photo from 周揚青 小紅書

旁邊亦放有數個周揚青媽媽買嘅「小枕頭」,作用係健身後用嚟拉筋,防止小腿變粗,真係非常講究。

仲有「小枕頭」比人做完gym拉筋,小腿變粗好大鑊。Photo from 周揚青 小紅書

邊做gym邊望樓下大廳

周揚青之後介紹一部橢圓儀,佢表示初頭想要一部跑步機,但佢媽媽直言跑步機對膝蓋唔好,所以堅持買橢圓儀。而且,佢嘅橢圓儀正對著大玻璃,可以一邊運動,一邊觀望整個家嘅環境。

周揚青示範用橢圓儀。Photo from 周揚青 小紅書

仲可以一邊運動,一邊觀望大廳環境。Photo from 周揚青 小紅書

廣告
廣告

周揚青最愛按摩椅

介紹完健身設備,周揚青把鏡頭轉向一部白色鋼琴,和一張梳化,再影向兩張豪華太空艙按摩椅,佢直言深紅色嗰張就係佢最愛嘅按摩椅。周揚青指,平時佢健身或工作後好累,就會躺在上面享受按摩,按摩椅可以讓人躺平180度作深度按摩,又有支架畀人放上手機睇片,楊青表示佢有時舒服到喺上面瞓著咗,難怪呢個「按摩椅區」係佢整個健身房內最愛嘅地點。

健身房內有2張豪華按摩椅。Photo from 周揚青 小紅書

周揚青表示整個健身房內佢最愛設備就係按摩椅,非常舒服~Photo from 周揚青 小紅書

有粉絲見到楊青設備咁齊全嘅健身房都不禁直呼:「貧窮限制了我的想像」、「你家真的超級大啊,好好看!」

有網民留言,讚歎周揚青嘅豪宅。Photo from 周揚青 小紅書

曾獲爸爸送特別設計豪宅

周揚青爸爸係某國企總經理,據聞身份過百億,佢在女兒32歲生日時送了一幢別墅做禮物。由於楊青喜歡星空,所以周爸爸特地在豪宅內部設計了星空頂電影院。

周揚青爸爸曾特地為女兒在豪宅內設計了星空天花戲院。Photo from 周揚青 微博

周揚青亦不時在豪宅內打卡,可見大廳樓底超高,天花有大水晶燈,空間猶如一個商場。而衣帽間亦彷如名店,盡顯氣派,不少網民都認為其複式設計豪宅像皇宮般奢華。

豪宅猶如商場。Photo from 周揚青 IG

鞋櫃如鞋店。Photo from 周揚青 IG

衣帽間Photo from 周揚青 微博

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel