download HolidaySmart 假期日常 app
SuperTiger成員許俊豪疑壓力大自認垃圾 有傳因狀態差被導演罵 開po澄清原因係咁!

SuperTiger成員許俊豪疑壓力大自認垃圾 有傳因狀態差被導演罵 開po澄清原因係咁!

娛樂新聞
By Cheryl on 22 Feb 2022
Digital Editor

TVB新男團Super Tiger早前在大台賀歲節目表演跳唱,又接受《東張西望》訪問,當中成員們都呼籲觀眾「畀個機會佢哋」,好有鬥志,但成員許俊豪(Lincoln)日前卻突然在個人IG話自己係垃圾,引起關注後佢急急現身解話!

許俊豪近日在IG直指自己係垃圾,被猜測同近日在片場被導演鬧嘅傳聞有關,但Lincoln好快就親自在IG解話。Photo from 許俊豪 IG

TVB早前隆重推出限定男團Super Tiger,10位成員包括:羅天宇、許俊豪、丘梓謙、鄒兆霆、曾展望、林俊其、魏柏豪、劉展霆、李紹堅及宋懿芳,眾人在《東張西望》接受訪問時都熱情地向觀眾介紹自己,更大呼「唔係唔畀機會我呀嘛?」

TVB早前推出了新男團Super Tiger。Photo from 《東張西望》TVB

許俊豪參演多套TVB劇集

當中資歷最深成員之一許俊豪(Lincoln)係前天堂鳥成員,佢加入TVB後在多套劇集亮相,例如《愛上我的衰神》、《法證先鋒V》、《法言人》,又曾客串《愛.回家之開心速遞》。

許俊豪有份出演劇集《愛上我的衰神》。Photo from 《愛上我的衰神》 TVB

亦有份客串《愛.回家之開心速遞》Photo from 許俊豪 IG

許俊豪IG話自己係垃圾?

作為Super Tiger成員之一,又有份參演多套劇集,Lincoln始乎將備受力捧。但唔知係咪因行程緊密令佢不勝負荷,近日傳出佢拍攝劇集《法言人》時因狀態差而被導演大罵,疑似備受壓力嘅Lincoln在IG限時動態寫道:「我係垃圾」,亦有指佢寫下「我係一個衰人,唔好畀機會我」等頹爆留言,其粉絲見狀都非常擔心。

許俊豪近日突然上載IG Story話自己係垃圾。Photo from 許俊豪 IG

前天堂鳥兄弟都表達關心

該限時動態不久便被刪除,但同樣有份出演《法言人》嘅前天堂鳥兄弟葉泓聲(Gordon)唔知係咪都擔心Lincoln,於是私下通知經理人公司老闆嚟探班,之後亦將探班照分享到IG限時動態。

前天堂鳥隊友葉泓聲都上載IG Story表示老闆嚟探班。Photo from 葉泓聲 IG

許俊豪解釋實情與單車意外有關

而Lincoln知道自己言論引起關注後,都立刻上載帖文解話,佢表示自己係因為早前踩單車時發生意外,身體有受傷,幸好並無大礙,對於「垃圾」一詞,佢指:「喺班車友面前,絕對要認自己係垃圾。」佢亦不忘上載限時動態,展示單車照,寫道:「唔好意思,最近炒車受傷,所以太垃圾。」

許俊豪之後上載IG帖文解話。Photo from 許俊豪 IG

亦有上載IG Story解釋因踩單車炒車先話自己垃圾。Photo from 許俊豪 IG

佢昨晚(21日)更開IG Live向粉絲交代自己嘅炒車事件及近況,佢睇落心情平和無咩嘢,表示現時正在休養,而一班粉絲都留言祝福佢早日康復。

許俊豪日前開IG Live向粉絲交代近況。Photo from 許俊豪 IG

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel