王嘉爾戀情曝光？對象係韓女團中國成員！女方被拍深夜上門過夜
王嘉爾（Jackson）以韓國男團GOT7成員身份出道多年，但組合未有同經理人公司成功續約，之後佢就主力喺內地發展。近日內地傳媒影到有女性深夜到王嘉爾家中過夜，疑戀情曝光，女方更係韓國女團中國籍成員，兩人曾合作。
Photo from GOT7 Facebook
王嘉爾與JYP完約後主力內地發展
王嘉爾（Jackson）喺香港長大，雖然於韓國出道但近年喺內地發展，上唔少綜藝節目。早前GOT7宣佈全員不續約，並各自開展solo活動。
Photo from 王嘉爾 微博
喺內地有工作室嘅Jackson回復自由身後工作由自己開設嘅公司TEAM WANG負責，不過佢亦有與韓國事務所簽訂合約，似乎仍未放棄發展韓國方面嘅娛樂事業。
Photo from 王嘉爾 微博
傳媒影到有女生上Jackson家過夜，疑戀情曝光
Jackson事業發展順利，感情方面則一直空白，出道8年幾乎零緋聞嘅佢近日被內地傳媒影到有女性去佢家，疑戀情曝光！
Photo from 王嘉爾 微博
從影片中可見Jackson嘅司機喺酒店接咗女方去Jackson屋企，第二日司機再去酒店接女方嘅助理，之後載助理去Jackson家中一齊車女方返酒店，女方落車時更拎住3枝玫瑰花，相信係Jackson所送，十分浪漫。
Photo from 王嘉爾 微博
女方為韓國女團(G)I-DLE中國籍成員宋雨琦
爆料稱女方同Jackson一樣都係韓團出道，正係女團(G)I-DLE嘅中國籍成員宋雨琦，佢係「全球百大最美臉孔2021」排第22位。宋雨琦飛去韓國時都有帶住嗰3枝玫瑰花，睇嚟兩人感情好好。
Photo from 宋雨琦 微博
Photo from TC Candler
Photo from 宋雨琦 微博
曾合作《奔跑吧》第五季，Jackson貼心照顧宋雨琦
兩人年齡相差5歲，曾經合作過《奔跑吧》第五季，宋雨琦係固定出演成員，而Jackson則以嘉賓身份出演，第十集兩人係同一組，Jackson仲勁紳士將任務袋畀著裙嘅宋雨琦遮腳。
Photo from 《奔跑吧》第五季
Photo from 《奔跑吧》第五季
Photo from 《奔跑吧》第五季
Jackson公司TEAM WANG為宋雨琦製作個人單曲
同年宋雨琦推出單曲專輯《A Page》，當時Jackson有幫手宣傳，又指歌曲係由其公司TEAM WANG製作：「支持專輯！同時也希望你喜歡TEAM WANG production. Let's do great things together 感恩這次合作」
Photo from 宋雨琦 微博
Photo from 王嘉爾 微博
Lucas黃旭熙早透露兩人戀情？
雙方暫未回應戀情，但有網友發現同為《奔跑吧》固定MC嘅Lucas黃旭熙之前被fans爆料指欺騙感情，當時fans稱要追另一位香港男藝人，Lucas則表示：「沒關係呀，他女朋友是我朋友，我們之前錄了節目還一起采耳了。」疑早透露王嘉爾同宋雨琦戀情？！
Photo from 黃旭熙 IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
王嘉爾罕有唱廣東歌《分手總要在雨天》被指口齒不清兼有懶音：真係香港人？
4 Dec 2020
韓國男團GOT7成員王嘉爾（Jackson）雖然係地道香港人，不過近年都係喺大陸發展，更推出多首中文歌。最近佢罕有唱經典廣東歌《分手總要在雨天》，卻被指發音奇怪，網民質疑佢勁多懶音又口齒不清。
韓國男團GOT7成員王嘉爾（Jackson）係香港長大，不過近年就喺大陸發展，上唔少綜藝節目之餘，亦推出過中文歌答謝中國fans。
Photo from 王嘉爾微博
佢最近喺微博上傳自己唱張學友嘅經典歌曲《分手總要在雨天》，罕有挑戰廣東歌。
Photo from 王嘉爾微博
Jackson留言指：「感恩一路上有你们 从小就很喜欢的粤语歌（感恩一路上有你們 從小就很喜歡的粵語歌）」並深情演繹歌神嘅作品，大批fans大讚：「太好聽了吧王嘉爾好帥啊！」、「期待寶貝粵語專輯」
Photo from 王嘉爾微博
不過喺香港長大嘅Jackson發音似乎有啲奇怪，好多咬字不清，更有唔少懶音。
Photo from 王嘉爾微博
Jackson將「為何你眼光年月未變」唱成「為何你眼『乾』年月未變」、「言辭漸覺乏味」唱成「言辭漸覺『飯』味」、「總要在雨天，逃避某段從前」唱成「總要在雨天，逃避『矛』段從前」等。
有網民指佢唱廣東歌有鄉音，又口齒不清、音調奇怪，而且更將歌曲寫成《一路上有你（粵語版）》（1993年），網民指歌曲明明係《分手總要在雨天》（1992年），批Jackson唔尊重廣東歌。
Photo from Youtube @Jackson Qian
有唔少網民留言：「唱到好似獎門人入面果啲外國人估歌仔咁」、「IU 唱廣東話仲準過佢」、「點解香港人唱廣東話歌反而會有鄉音」、「Jackson, 你是香港人嗎？為何咬字那麼差？」
Photo from Youtube @Jackson Qian
Photo from Youtube @Jackson Qian
即睇Jackson唱廣東歌《分手總要在雨天》片段：
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
