download HolidaySmart 假期日常 app
C朗女友Georgina店員變名媛!IG一帖賺5位數字,擁大量Hermès袋

C朗女友Georgina店員變名媛!IG一帖賺5位數字,擁大量Hermès袋

電視電影 娛樂新聞
By Jennifer on 24 Feb 2022
Digital Editor

Netflix紀錄片《I am Georgina》曝光足球巨星C朗(Cristiano Ronaldo)同女友Georgina Rodriguez嘅富貴生活,Georgina本來只係一個名店售貨員,同C朗戀愛後搖身一變成IG紅人,身價急升,C朗更大方送唔少禮物畀女友。

廣告
廣告

Netflix紀錄片《I am Georgina》曝光足球巨星C朗(Cristiano Ronaldo)同女友Georgina Rodriguez嘅富貴生活Photo from Georgina IG

C朗與女友Georgina相戀多年

Netflix推出咗一部以Georgina Rodriguez為主題嘅紀錄片,公開佢同C朗之間嘅愛情故事以及日常生活。現年28歲嘅Georgina比C朗細9歲,兩人戀情於2016年曝光,佢係C朗被影到嘅第17位女友。

現年28歲嘅Georgina比C朗細9歲,兩人戀情於2016年曝光,佢係C朗被影到嘅第17位女友。Photo from Georgina IG

C朗一家豪華日常大公開

Georgina同C朗愛得甜蜜,兩人育有一個女兒,Georgina更已懷上雙胞胎!C朗另外3個仔女都同Georgina感情好好,一家人生活樂也融融。

Georgina同C朗愛得甜蜜,兩人育有一個女兒,Georgina更已懷上雙胞胎Photo from Georgina IG

廣告
廣告

C朗另外3個仔女都同Georgina感情好好,一家人生活樂也融融。Photo from Georgina IG

C朗身為足球巨星,曾獲5次世界足球先生、5座金球獎,年收入超過1億美元(約$7.8億港元),Georgina入住C朗豪宅,生活質素亦大大提升!

C朗身為足球巨星,曾獲5次世界足球先生、5座金球獎,年收入超過1億美元(約$7.8億港元)Photo from Georgina IG

由名店售貨員變名媛,身價急升

Georgina童年家境清貧,同C朗成長環境相似。佢喺西班牙馬德里Gucci做店員,當時時薪只有10英鎊(約$106港元),一次收工遇到C朗,兩人交換聯繫方式,之後仲發展成為戀人。同C朗拍拖後Georgina仍繼續做售貨員工作,雖然生活無憂,但佢表示想自力更新。

Georgina童年家境清貧,同C朗成長環境相似。Georgina喺西班牙馬德里Gucci做店員,當時時薪只有10英鎊(約$106港元)Photo from Georgina IG

同C朗拍拖後Georgina仍繼續售貨員工作,雖然生活無憂,但佢想自力更新。Photo from Georgina IG

不過後來因為傳媒嘅報導對佢嘅工作有影響,所以Georgina最終都係辭職。但「C朗女友」嘅身份令佢身價暴脹,IG follower人數急升,現已超過3千萬。

廣告
廣告

「C朗女友」嘅身份令Georgina身價暴脹,IG follower人數急升,現已超過3千萬。Photo from Georgina IG

C朗每月贈巨額「家用」,Georgina擁大量Hermès手袋

C朗深愛Georgina,除咗安排私人飛機外,更會每個月畀5萬~10萬歐羅(約$44萬~88萬港元)女友。從Georgina IG可見佢每次出行幾乎都係拎Hermès手袋,顏色、款式都各有不同。

C朗深愛Georgina,除咗安排私人飛機外,更會每個月畀5萬~10萬歐羅(約$44萬~88萬港元)女友。Photo from Georgina IG

從Georgina IG可見佢每次出行幾乎都係拎Hermès手袋,顏色、款式都各有不同。Photo from Georgina IG

紀錄片中Georgina公開佢嘅衣帽間,其中有一面放滿晒Hermès袋,數量驚人,有啲更係鱷魚皮,估計價值超過唔$500萬港元。Georgina會保養手袋,但平時照顧仔女時都會照用。

紀錄片中Georgina公開佢嘅衣帽間,其中有一面放滿晒Hermès袋,數量驚人Photo from 《I am Georgina》

Georgina有啲Hermès袋更係鱷魚皮,估計價值超過唔$500萬港元。Photo from Georgina IG

廣告
廣告

Georgina會保養手袋,但平時照顧仔女時都會照用。Photo from 《I am Georgina》

成IG紅人後收入暴增

Georgina成為IG紅人後收入亦暴增,坐擁逾3.5千萬followers嘅Georgina喺IG出一個post就可以賺到8,500歐羅(約$7.5萬港元);上電視做訪問收入更可高達105,000歐羅(約$93萬港元)。

Georgina成為IG紅人後收入亦暴增,坐擁逾3.5千萬followers嘅Georgina喺IG出一個post就可以賺到8,500歐羅(約$7.5萬港元)Photo from Georgina IG

Georgina上電視做訪問收入更可高達105,000歐羅(約$93萬港元)。Photo from Georgina IG

Text: HolidaySmart Editorial

廣告
廣告

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

Super Tiger「蔥頭」丘梓謙IG反擊網友!抖音拍片堅稱無扮姜濤

17 Feb 2022

TVB 10人男團「Super Tiger」嘅演出掀起熱議,有網民認為係想「複製」ViuTV當紅偶像MIRROR嘅成功之路。近日喺《愛回家之開心速遞》飾演「蔥頭」嘅Super Tiger成員丘梓謙喺IG公開網民私訊並一一反擊,再度引起關注。

TVB 10人男團「Super Tiger」嘅演出掀起熱議Photo from TVB

TVB推男團「Super Tiger」為撼MIRROR?!

TVB新推出嘅組合「Super Tiger」於賀歲節目壓軸登場,雖然成員知名度偏低,但憑住充滿「個性」嘅造型以及疑似「咪嘴」嘅表演仍成功引起網民關注。

廣告
廣告

「Super Tiger」憑住充滿「個性」嘅造型以及疑似「咪嘴」嘅表演仍成功引起網民關注。Photo from TVB

ViuTV旗下有當紅男團MIRROR,所以有人覺得Super Tiger嘅出現係為咗硬撼MIRROR。成個團有10位成員,但好多都係「新面孔」,只有「C位」羅天宇有較多電視劇出演經驗,知名度相對較高。

有人覺得Super Tiger嘅出現係為咗硬撼MIRROR。Photo from MIRROR IG

丘梓謙《愛回家之開心速遞》演「蔥頭」疑扮姜濤?

另外仲有前男團「天堂鳥」成員許俊豪(Lincoln)、童星出身嘅丘梓謙,相信已係Super Tiger中比較多人認識嘅成員。

童星出身嘅丘梓謙相信已係Super Tiger中比較多人認識嘅成員。Photo from TVB

其中28歲嘅丘梓謙喺《愛回家之開心速遞》飾演人氣偶像「蔥頭」,佢於劇中多次做手指心心同雙手合十等小動作,又吸引大小姐龍力蓮同大家姐熊尚善為佢爭風呷醋,疑似映射姜濤。

28歲嘅丘梓謙更喺《愛回家之開心速遞》飾演人氣偶像「蔥頭」Photo from TVB

廣告
廣告

丘梓謙於劇中多次做手指心心同雙手合十等小動作,疑似映射姜濤Photo from 丘梓謙 IG

被網友私訊鬧爆

當初佢出演「蔥頭」一角時稱已做好心理準備會畀人鬧,丘梓謙更一一回覆網友嘅留言,當時仲獲讚EQ高。

丘梓謙出演「蔥頭」一角時稱已做好心理準備會畀人鬧Photo from 丘梓謙 IG

丘梓謙回覆網友嘅批評,當時仲獲讚EQ高。Photo from 丘梓謙 IG

事隔一年,佢於現實生活以男團成員出道,繼喺《開心速遞》疑似扮姜濤後,新團Super Tiger亦被指「倒模」MIRROR,令丘梓謙IG再被網友私訊批評!

繼喺《開心速遞》疑似扮姜濤後,新團Super Tiger亦被指「倒模」MIRROR,令丘梓謙IG被網友私訊鬧爆!Photo from 丘梓謙 IG

丘梓謙公開網友留言逐一反擊

廣告
廣告

丘梓謙 IG Story公開網民私訊,有網民爆粗指佢:「唔好扮MIRROR啦」,佢亦正面回應該網友:「Come」、「我哋會長命百歲」等,之後佢再post story表示:「請尊重別人尊重自己,放心我哋一定會長命百歲,不用擔心」

丘梓謙 IG Story公開網民私訊,有網民爆粗指佢:「唔好扮MIRROR啦」Photo from 丘梓謙 IG

丘梓謙再post story表示:「請尊重別人尊重自己,放心我哋一定會長命百歲,不用擔心」Photo from 丘梓謙 IG

網民指佢「自製新聞」

佢嘅回覆亦獲部分網友大讚高EQ,不過亦有人指佢「自製新聞」,又唔認為佢咁回應係EQ高嘅表現:「做公眾人物,俾人話兩句就反擊,叫高EQ?」、「似唔鋸又駁唔到多啲」

丘梓謙嘅回覆亦獲部分網友大讚高EQPhoto from 丘梓謙 IG

有人指佢「自製新聞」,又唔認為佢咁回應係EQ高嘅表現Photo from LIHKG

網民指佢回覆十分「寸嘴」Photo from LIHKG

廣告
廣告

亦有網友認為私訊丘梓謙嘅並唔係鏡粉:「鏡粉連鬧你都覺得晒時間啦,有時間去追鏡唔好?」,又呼籲其他人唔好理佢:「反正TVB都唔會真係捧, 整出嚟沾下人氣啫」

有網友認為私訊丘梓謙嘅並唔係鏡粉Photo from 丘梓謙 IG

網友:「鏡粉連鬧你都覺得晒時間啦,有時間去追鏡唔好?」Photo from LIHKG

網民呼籲其他人唔好理佢Photo from LIHKG

抖音拍片堅稱無扮姜濤

有網民發現佢喺抖音拍片疑「借姜濤上位」,片中丘梓謙背對鏡頭,一名中年男子指佢涉嫌「扮姜濤」,然後佢就轉身稱:「我唔係扮姜濤,我叫丘梓謙。」,網友指佢:「抖音扮姜濤仲死撐」

有網民發現丘梓謙喺抖音拍片疑「借姜濤上位」,片中丘梓謙背對鏡頭,一名中年男子指佢涉嫌「扮姜濤」Photo from 丘梓謙 抖音

丘梓謙轉身稱:「我唔係扮姜濤,我叫丘梓謙。」Photo from 丘梓謙 抖音

網友指佢:「抖音扮姜濤仲死撐」Photo from LIHKG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel