全球最寒冷城市氣溫低至零下71度！市民照常返工/手機30秒熄機
香港最近天氣寒冷令市民都頂唔順。其實俄羅斯薩哈共和國嘅首都「雅庫茨克（Yakutsk）」比香港凍得多。YouTuber歐亞力曾拍片介紹過呢個地方，當地人面對零下71度嘅天氣都照樣返工，歐亞力嘅朋友Nastya公開佢哋嘅日常生活。
全球最凍城市—雅庫茨克（Yakutsk）
「我是一個西伯利亞人，冬天的冠軍～」最近香港天氣急跌，加上落雨，令唔少要返工嘅市民苦不堪言。不過香港7度嘅氣溫喺俄羅斯人眼中真係「濕濕碎」，雅庫茨克作為「全球最凍城市」，當地人對嚴寒天氣自有一套生存法則！
YouTuber「lexww歐亞力」早前就拍咗條片，佢搵咗一位居住喺雅庫茨克嘅朋友娜斯佳（Nastya）介紹呢個極寒之地，有部分地方曾錄得零下71度嘅氣溫！
室外用手機30秒即熄機
Nastya表示佢喺度遇過最凍嘅冬天係2021年，大約有零下61度。喺呢個地方室外用手機iPhone一般30秒就會熄機，新嘅可能會頂到1分鐘，Samsung就可以用到10分鐘。雅庫茨克13:00先天光，大約到16:00就天黑，日照時間較短而且仲會有大霧，能見度極底。
當地人保暖衣物大公開
拍攝當日約為-37度，街上仲有唔少行人，畫面外更有一把男聲指：「依家天氣唔算凍，只有-37度。」Nastya表示佢哋會著冬季棉褲、冬季鞋、外套。喺呢個溫度下佢哋嘅衫同臉都會結霜。
另外Nastya又指出門一定要戴手套，因為天氣太凍如果唔戴會好易凍傷，佢又指冬天當地人都唔會化妝。
唔用地下車庫，用「便攜式車庫」
雅庫茨克嘅人平時停車唔會停喺地下車庫，佢哋都有「便攜式車庫 (Portable Garage) 」，或者開住引擎，因為一旦閂引擎入面嘅水好快會結冰，就無法發動汽車。
影片中有一輛熄咗引擎嘅車無用到「便攜式車庫 (Portable Garage) 」，Nastya表示車主可能要等到夏天或者搵師傅修理先可以開得返架車。
市民照常返工、送外賣
雅庫茨克冬天平均氣溫約為-50度，但市民都照常返工，喺街上仲有外賣員送外賣，雖然無保溫袋可以好好保暖，但佢哋食到嘅外賣都仲係熱嘅。除咗外賣，喺室外都可以進食，不過只限好短嘅時間，因為即使係熱咖啡都會極速變成冰。
當地人冬天食生肉料理？
由於室外氣溫低過雪櫃，冬天會有露天市場，當地小販會喺嚴寒天氣下企足成日賣凍肉、冰魚等食材，部分較貧困嘅地區市民雪櫃位置不足，會將食物放喺屋外保存。
當地嘅傳統餐廳有由生魚肉、生馬肉同生內臟嘅料理「Stroganina」提供，因為佢哋認為喺極寒天氣下可以令生肉維持無菌狀態，同時亦保持肉類嘅鮮味。
Photo from HolidaySmart
圖片、資料來源：lexww歐亞力
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
內地俄羅斯娃娃7星級酒店！金碧輝煌裝修奢華一晚房價近4千！全房偏佈娃娃氣氛詭異
11 Jun 2021
內蒙古滿州里嘅俄羅斯娃娃主題酒店「滿洲里口岸套娃主題酒店」係當地一大特色地標，酒店外部設計成俄羅斯娃娃，而貴為七星級酒店，裝修都非常豪華，房價亦相當昂貴，不過有住客就指內部氣氛十分詭異。
Photo from 小紅書
內地有唔少「獨特」嘅建築，重慶「飛天之吻」、廣州「融創大劇院」等，令人嘆為觀止。而位於內蒙古滿州里嘅一間酒店亦有好吸睛嘅設計。
Photo from 微博
滿洲里地處內蒙古同俄羅斯交界，而呢間酒店外型亦設計成一個巨型嘅俄羅斯娃娃，好有特色。酒店係5星級，不過業內人士指酒店極具特色，已達7星級豪華酒店。
Photo from 小紅書
酒店既然係7星級，裝修風格自然走奢華路線，大堂等公共地方金碧輝煌，壁畫、天花、地板處處都設計得好有心思，復古油畫增添藝術氣息，房價一晚要近$4,000，旺季更叫價約$7,000。
Photo from 微博
Photo from 微博
Photo from 小紅書
酒店內部呈圓柱型，一共16層，每層樓都設有燈帶，中間有兩部透明觀光升降機，搭lift上落樓時，每層嘅燈帶都會變色。酒店更獲「亞太（中國）2020年度最佳文化主題酒店」獎項。
Photo from 微博
大堂富麗堂皇，而到房間就見到俄羅斯娃娃，首先房門就係一個娃娃，入房就好似走入娃娃個肚咁，房間內到處都有俄羅斯娃娃元素，床頭、椅背、電視、杯碟都有娃娃。
Photo from 小紅書
Photo from 微博
Photo from 微博
Photo from 微博
Photo from 微博
Photo from 微博
甚至連廁所嘅門、鏡都有娃娃嘅影子，存在感極高，雖然有住客指係「滿滿少女心」，不過喺房內好似有無數隻眼望住咁，亦有人大呼詭異。
Photo from 微博
Photo from 微博
華麗嘅設計令娃娃滲透酒店每個角落，吊燈、裝飾遍佈整間酒店，夜晚啲娃娃仲會變色，有唔少住過嘅客人都表示娃娃閃下閃下，感覺好似鬧鬼咁：「挺恐怖的感覺」
Photo from 微博
Photo from 微博
Photo from 微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
