download HolidaySmart 假期日常 app
港女不滿老公堅持AA同唔畀家用 強調唔貪錢「只想佢象徵式畀錢我」

港女不滿老公堅持AA同唔畀家用 強調唔貪錢「只想佢象徵式畀錢我」

生活熱話
By Cheryl on 24 Feb 2022
Digital Editor

錢財分配在一段男女關係中可以造成大危機。近日,一名女網民在討論區發文,大呻老公在各方面都堅持AA制,並堅拒畀家用。有網民認為兩夫婦都有上班嘅情況下,AA係合理,但亦有人認為事主老公計較過頭,唔明點解雙方價值觀差咁遠仍選擇結婚。當事主說出一樣物品都要AA嘅時候,更令大家相當驚訝,直言:「咁嘅男人你都嫁?!」

近日,有港女在網上大呻老公無論如何都堅持AA制。Photo from TVB

最近,一名女網民(下車樓主)到連登討論區發文,表示自己與老公結婚2年,總共已交往了6年。拍拖時,樓主接受AA制,兩人不僅在租金、膳食、日常用品方面各畀一半,「連去7-11買支嘢飲都會AA」、「搭小巴畀現金$20,都要各自畀返自己嗰$10。」

樓主表示佢同另一半連車錢都會AA。Photo from TVB

港女希望婚後停止極端AA,向老公攞家用遭拒

雖然樓主身邊朋友都覺得二人奇怪,但佢哋仍選擇結婚。婚後,二人更設立了一個記賬表記錄平日洗費,到月尾就會除開兩份,每人支付一半。後來,樓主向老公問道:「可唔可以你畀租,我畀其他雜費,又或者我地照平均畀,咁你再畀少少家用我。」樓主稱自己無表明銀碼,佢認為就算係一千元都已經開心,並坦言唔在意金額,而係在意老公有無心。

樓主想老公開始比少少錢自己洗,亦唔需要計較每樣東西,各人需支付嘅一半價錢。Photo from TVB

老公堅決反對,指男女應該平等

但老公卻反問對方為何要畀家用,認為除非對方無上班才會支付家用,而且,佢指出:「家用係畀個家,係應該大家一齊比」,而非老公單方面畀老婆。樓主則反駁:「有啲男人係成副身家畀晒老婆管,然後再作配給。」樓主稱自己無咁變態,「我只係想象徵式有少少,好似我男人畀錢我咁,但佢唔肯。」

但樓主老公反對自己要畀多啲,佢認為夫婦二人應支付相等金額。Photo from TVB

樓主老公直言男女應該平等,問為何男人就要支付更多。樓主認為拍拖時雙方應支付一樣數目,但結婚後則有變,「老土啲講句,男人係有多咗嘅責任,再加上都一齊咗6年,我係唔係個貪錢嘅人,佢都知啦,唔係一句搵差唔多錢就所有野都係AA呱?」

樓主自稱唔係一個貪錢嘅人。Photo from 連登討論區

樓主認為結婚後,男人在財政上應有更多責任。Photo from TVB

部分網民認為樓主太遲才想改變模式

對此,網民都有不同意見,有人質疑樓主拍拖咁耐都唔反映意見,卻在婚後突然以「象徵式想男方畀錢自己洗」為由,去打破運作已久嘅相處模式,亦有網民指:「你要人哋交租,然後額外再畀家用你,呢家搵好多?更何況呢家嘅時勢...」樓主在回應留言時,稱二人無生育打算,於是有網民表示,唔生嘅話男女責任係平等,男方不應比女方多咗份責任,同時認為樓主同老公行AA咁多年,婚後才想令對方改跟自己做法係講唔通。

有網民認為,要男方交多份家用錢會造成過大財政壓力。Photo from 連登討論區

有網民認為樓主需要考慮一下現時嘅社會狀況,對另一半嘅財政影響。Photo from 《金錢戰爭》劇照

連呢樣嘢都AA?!

此時,有網民則大膽問道:「Condom錢AA?」樓主坦言:「係呀。」一眾網民見狀都大感驚訝,直言好離譜,「好肉酸,洗唔洗咁?」,「咁嘅男人你都嫁」、「咁都溝到女仲結埋婚」,亦有唔少人認為樓主老公小家,表示雖則唔應該要男方畀更多,但每樣嘢都計較就太多餘。

網民認為連Condom都要AA畀錢太誇張。Photo from 連登討論區

大批網民不解樓主為何肯嫁畀佢老公。Photo from 連登討論區

網民驚歎樓主老公成功結婚。Photo from 連登討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

 

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel